У гістарычнай частцы Віцебску (Верхні замак) ад жніўня вядуцца працы па рэканструкцыі цеплатрасы. Экскаватарамі былі адкапаныя і выкінутыя на паверхню часткі драўляных канструкцый – цалкам магчыма, што маставой XIV стагодзьдзя. Пацьвердзіць здагадку ў археолягаў пакуль не атрымалася. Але праваабаронцы б’юць трывогу.

Пэнсіянэрка і сябра БСДП (“Грамада”) Антаніна Піванос жыве на першым паверсе старой хрушчоўкі на вуліцы Чкалава ў Віцебску. Калі даведалася, што ў падвале дому будуць труціць блох, зьвярнулася з просьбай пратэставаць атрутнае рэчыва, бо пакутуе на алергію. Але супрацоўнікі ЖЭУ-19 праігнаравалі просьбу жанчыны, у выніку здарыўся канфлікт.

Толькі тры са 108 актуальных і самых сьвежых вакансіяў, выстаўленых на сайце дзяржаўнай службы занятасьці, дасягаюць заяўленага нядаўна Белстатам памеру сярэдняга заробку па Віцебскай вобласьці. Паводле Нацыянальнага статыстычнага камітэту, сярэдні заробак па Віцебшчыне ў ліпені 2018 году склаў 830 рублёў…

Віцебскія раённыя камісіі апублікавалі на сайце гарвыканкаму дакумэнт пад назвай “Альгарытм дзеяньняў грамадзян пры звароце ў камісію па спрыяньні занятасьці насельніцтва для выключэньня са сьпісу працаздольных грамадзян, не занятых у эканоміцы, што аплачваюць паслугі па тарыфах, якія забясьпечваюць поўнае пакрыцьцё выдаткаў”.

Ад 3-га да 27-га верасьня ў Віцебску пройдзе грамадзкае абмеркаваньне архітэктурна-пляніровачнай канцэпцыі эскізу будаўніцтва футбольнага манэжу дзіцяча-юнацкай школы ФК “Віцебск”. Манэж мяркуюць пабудаваць на праспэкце Люднікава ў раёне ЦСК “Віцебск”. Прыблізны кошт будаўніцтва – 5 млн. 547 тыс. рублёў.

Толькі чатыры з 23-х афіцыйных сайтаў райвыканкамаў на Віцебшчыне маюць беларускамоўную вэрсію. Атрымаць інфармацыю па-беларуску можна на сайтах Віцебскага, Полацкага, Глыбоцкага і Лёзьненскага райвыканкамаў. На ўсіх астатніх яна падаецца толькі на расейскай і ангельскай мовах. Распрацоўшчык гэтых рэсурсаў – кампанія БелТА.

На пачатку ліпеня ў віцебскім мікрараёне Білева-3 зьнішчылі дзясяткі дрэваў пад будаўніцтва чарговай аўтазапраўкі. Стала вядома, што дрэвы сьсеклі з дазволу гарадзкіх уладаў, а ўзьвядзеньне АЗС было запраектаванае яшчэ ў верасьні 2017 году. Грамадзкія абмеркаваньні не праводзіліся.

Эколягі і валянтэры зьбіраюцца ў сярэдзіне жніўня на балоце Жада, каб адрамантаваць больш за 100 плацін, якія былі ўсталяваныя там у 2011 годзе. Дзеля гэтага ладзіцца адмысловы летнік, але для яго правядзеньня патрэбныя грошы. Падтрымаць добрую і карысную справу можна на краўдфандынг-пляцоўцы “Талака”.

Стала вядома, хто канкрэтна будзе працаваць у раённых камісіях па каардынацыі працы па спрыяньні занятасьці насельніцтва. Сьпісы сябраў камісій “па дармаедах” Першамайскага і Чыгуначнага раёнаў Віцебску апублікаваныя нядаўна на сайце гарвыканкаму. Адміністрацыя Кастрычніцкага раёну інфармацыяй пакуль ня дзеліцца.

Зь 1 верасьня зноў падвышаюцца кошты на навучаньне ў вышэйшых навучальных установах для студэнтаў-платнікаў. Гэтак, віцебскія ВНУ падвысілі гадавы кошт навучаньня ў сярэднім на 300-400 рублёў.