Першы перадвыбарчы пікет правялі ў Віцебску сябры “Справядлівага сьвету”
26 верасьня ў цэнтры Віцебску пачалі збор подпісаў сябры левай партыі “Справядлівы сьвет” Вадзім Кузьмін і Яўген Інц. Партыйцы ўжо ня ў першы раз спрабуюць прабіцца ў Палату прадстаўнікоў. Раней ім гэта не ўдавалася.
“Дажынкі” смаляць: У Браславе на дзіцячай пясочніцы паставілі міліцэйскі бус
У Браславе да абласных “Дажынак” правялі капітальны рэмонт у дзіцячым садку №3. Цяпер на адной зь пясочніц каля садку стаіць імправізаваны міліцэйскі бус. Дзякуй мясцовым дызайнэрам, што не дадумаліся закратаваць акенцы…
Фотафакт: пікетоўцы ў Віцебску патрабавалі свабоду Зьмітру Паліенку
“Свабоду палітзьняволеным!”, “Свабоду Зьмітру Паліенку!”, “Патрабуем правасудзьдзя!” – з такімі лёзунгамі 26 верасьня віцябляне пікетавалі ў цэнтры гораду. Перадвыбарчы пікет ладзіла ініцыятыўная група старшыні гарадзкой арганізацыі АГП Ірыны Яскевіч.
Да ціску на Свабодны прафсаюз падключылася падатковая інспэкцыя Полацку
Ад пачатку верасьня Полацкая падатковая інспэкцыя пачала праяўляць надзвычайную цікавасьць да першаснай арганізацыі Свабоднага прафсаюзу Беларускага работнікаў ААТ “Полацак-Шкловалакно”. Падатковая інспэкцыя вельмі хоча здабыць зьвесткі аб службовых асобах пяршоўкі СПБ.
Лябедзька і Казлоў падтрымалі Ірыну Яскевіч на пікеце ў Віцебску
Падтрымаць старшыню віцебскай гарадзкой арганізацыі Аб’яднанай грамадзянскай партыі Ірыну Яскевіч, якая мае намер стаць дэпутатам Палаты прадстаўнікоў, прыехалі зь Менску былы кіраўнік АГП Анатоль Лябедзька і сёньняшні партыйны лідэр Мікалай Казлоў.
Відэаапытанка ў Віцебску: Незалежнасьць ці – Расея?..
Запыталіся ў дзесяці выпадковых мінакоў у Віцебску, што яны думаюць пра пэрспэктывы “паглыбленай інтэграцыі” Беларусі і Расеі. Ці нашая краіна мусіць быць незалежнай альбо павінна ўвайсьці ў склад Расейскай Фэдэрацыі? Вось што пачулі ў адказ…
Аршанцы атрымалі адказ на пэтыцыю супраць будаўніцтва царквы ў Задняпроўі
Аршанскі райвыканкам адказаў на электронны зварот жыхароў Воршы, у якім яны патрабавалі забараніць будаўніцтва ў горадзе праваслаўнай царквы на вуліцы Язэпа Драздовіча ў Задняпроўі. “Колькасьць праваслаўных храмаў, неабходных для правядзеньня набажэнстваў, вызначае Царква без умяшаньня дзяржавы…” – гаворыцца ў адказе.
Перадвыбарчая руціна ў Віцебску: палітычныя партыі толькі прачынаюцца
Палітычныя партыі, якія, па лёгіцы, мусяць быць авангардам перадвыбарчай гонкі, паводзяць сябе так, быццам аніякай выбарчай кампаніі няма ўвогуле. Магчыма, яны чакаюць рэгістрацыі сваіх прадстаўнікоў праз партыйныя зьезды, каб потым прадэманстраваць выбаршчыкам выбітны прапагандысцкі крэатыў...
Губарэвіч: Толькі масавы пратэст змусіць улады адмовіцца ад “паглыбленай інтэграцыі”
Рух “За свабоду” правёў 22 верасьня ў Віцебску абласны сход. Удзельнікі абмеркавалі бягучую палітычную сытуацыю напярэдадні парлямэнцкіх выбараў, абралі дэлегатаў на менскі зьезд.
Фотафакт: у Вушачах адкрылі памятную шыльду ў гонар Барадуліна, Лось і Гарбука
Памятную шыльду ў гонар знакамітых выпускнікоў – Рыгора Барадуліна, Еўдакіі Лось і Генадзя Гарбука – адкрылі ў Вушацкай сярэдняй школе. Дошку ўсталявалі напярэдадні афіцыйнага сьвяткаваньня 95-годзьдзя Вушацкага раёну, якое адбылося ў райцэнтры на мінулых выходных.