Каронавірус: Віцебскі абласны суд прапануе разглядаць справы дыстанцыйна
«Юрыдычна зацікаўленым у выніках справы асобам прапануецца браць удзел у разглядзе справаў дыстанцыйна», – пра гэта паведаміў першы намесьнік старшыні Віцебскага абласнога суду Анатоль Фаменка на запыт праваабаронцы Паўла Левінава. У сваім звароце ён пытаўся, якія захады зрабіла кіраўніцтва аблсуду, каб засьцерагчы здароўе і жыцьцё наведнікаў і супрацоўнікаў.
«Беларусь перадусім!» Барыс Хамайда павіншаваў віцяблян з Днём Волі
У Віцебску каронавірус не перашкодзіў Барысу Хамайду адзначыць чарговыя ўгодкі БНР. Не наважыліся перашкодзіць яму і міліцыянты ў цывільным, якія здымалі актывіста на свае мабільныя тэлефоны – бліжэй, чым на два мэтры, да Хамайды ў мэдычнай масцы не набліжаліся…
Каронавірус: гарвыканкам адказаў на патрабаваньне ўвесьці карантын у школах
Віцебскі гарвыканкам даў афіцыйны адказ на патрабаваньне праваабаронцы Леаніда Сьвеціка неадкладна ўвесьці карантын у навучальных установах гораду. «З улікам прафіляктычных мерапрыемстваў для папярэджваньня і мінімізацыі распаўсюду каронавіруснай інфэкцыі ў горадзе Віцебску прыняцьце дадатковых мер на дадзены момант не патрабуецца», – лічаць улады.
«Адтэрміноўку скасавалі безь мяне». У Віцебску прызыўнік судзіцца з прызыўной камісіяй
20 сакавіка ў судзе Чыгуначнага раёну Віцебску на папярэднім судовым паседжаньні разглядалася скарга прызыўніка Андрэя Крычаўцова. Прадстаўнікі ваенкамату і Віцебскага гарвыканкаму на суд не прыйшлі. Наступнае паседжаньне прызначанае на 31 сакавіка, паведамляе Беларуская праўда.
Барыса Хамайду на Дзень Волі выклікаюць у аддзел прымусовага выкананьня. Навошта?..
Віцебскі апазыцыянэр Барыс Хамайда атрымаў позву з патрабаваньнем зьявіцца ў аддзел прымусовага выкананьня Першамайскага раёну Віцебску 25 сакавіка – на Дзень Волі. Зь яго зьбіраюцца спагнаць штраф у памеры 810 рублёў, прысуджаны за пікет у дзень перапахаваньня Каліноўскага. Але – штраф быў аплачаны яшчэ два тыдні таму…
Каронавірус: праваабаронца патрабуе ад МУС узмацніць меры бясьпекі ў месцах несвабоды
Віцебскі праваабаронца Павал Левінаў патрабуе ад Міністэрства ўнутраных спраў (МУС) узмацніць меры бясьпекі ў месцах пазбаўленьня волі ў сувязі з рапаўсюдам каронавірусу. Сярод патрабаваньняў – прыпыніць выкананьне адміністрацыйных арыштаў, а таксама – вызваленьне непаўналетніх і пажылых зьняволеных, наогул тых, хто не пагражае грамадзкай бясьпецы.
Барыс Хамайда абвясьціў у Віцебску карантын – фотафакт
Легендарны віцебскі дысыдэнт Барыс Хамайда выйшаў 22 сакавіка да «сіняга дому» ў Віцебску з плякатам, на якім было напісана: «У краіне няма легітымнай улады. Таму падчас эпідэміі каронавірусу аб’яўляю карантын у Віцебску тэрмінам на 30 дзён».
Абласны суд не задаволіў касацыйную скаргу журналіста Зьмітра Лупача
Журналіст-фрылянсэр з Глыбокага Зьміцер Лупач абскарджваў пастанову Шаркоўшчынскага раённага суду, які прызнаў яго вінаватым у парушэньні заканадаўства аб СМІ і пакараў штрафам паводле арт. 22.9 КаАП за супрацу з тэлеканалам «Белсат». Падставай для адміністрацыйнага перасьледу стаў сюжэт пра дзіцячую пляцоўку ў Шаркоўшчыне для гумарыстычнай перадачы «Суб’ектыў», паведамляе служба маніторынгу «Беларускай асацыяцыі журналістаў».
Таварыства «Правы для ўсіх» вылучыла Паўла Левінава ў склад назіральнай камісіі
Простае таварыства «Грамадзкі камітэт упаўнаважаных па правах чалавека «Правы для ўсіх» просіць уключыць праваабаронцу Паўла Левінава ў склад Віцебскай абласной грамадзкай назіральнай камісіі. Ягоную кандыдатуру таварыства зацьвердзіла 9 сакавіка 2020 году.
Судзьдзі не адтэрмінавалі выплату штрафаў, прысуджаных Алене Янушкоўскай
Віцебскую актывістку і блогерку Алену Янушкоўскую шэсьць разоў судзілі за ўдзел і заклікі да ўдзелу ў акцыях за незалежнасьць Беларусі. Агульная сума штрафаў, прысуджаных Янушкоўскай, сягае 4590 рублёў. Актывістка зьвярнулася з просьбай, каб суды дазволілі адтэрмінаваць выплату такіх вялікіх грошай, але атрымала адмовы.