Паспрабаваў заплаціць за крэдыт выдадзенай у якасьці заробку кілбасой – трапіў на «суткі»
Зарплату ў сельскагаспадарчым каапэратыве ў Шаркоўшчынскім раёне выдалі кілбасой, але спробу заплаціць за крэдыт спыніла міліцыя. Пра канфуз, які адбыўся некалькі тыдняў таму, распавёў чытач charter97.org Андрэй Бука. «Заробак ў сельскагаспадарчым комплексе часткова выдалі кілбасамі. Прыйшоў чалавек у банк і паспрабаваў імі ж заплаціць за крэдыт. Апынуўся на «сутках»… Гэта не пачатак раману, гэта суворая праўда жыцьця!» – напісаў ён.
Глыбоцкі райвыканкам лічыць немэтазгодным разьмяшчэньне гістарычных назваў вуліц на шыльдах
Такі адказ атрымалі жыхары Глыбокага на пісьмовы зварот. У сваім звароце група жыхароў прасіла чыноўнікаў зьмясьціць побач з сучаснымі назвамі гістарычныя назвы вуліц. Такая практыка мела месца ў шмат якіх гарадох Расеі, Украіны, іншых краінах СНД. Ёсьць такія прыклады і ў нашай краіне, напрыклад, у пасёлку Халопенічы Крупскага раёну.
Касацыйны суд пакінуў штраф апазыцыйнаму палітыку бязь зьменаў
Судзьдзя Віцебскага абласнога суду Сьвятлана Іванова падчас касацыйнага разгляду скаргі кіраўніка абласной арганізацыі партыі БНФ Леаніда Аўтухова вырашыла не зьмяняць рашэньне Гарадоцкага райсуду. Цяпер беспрацоўнаму апазыцыйнаму актывісту прыйдзецца заплаціць дзяржаве штраф у памеры 5,4 млн. рублёў.
Мясцовая намэнклятура помсьціць «непаслухмянаму» старасту вёскі за яго актыўную грамадзянскую пазыцыю
Мінула менш за тыдзень пасьля абвяшчэньня аршанскім судом адмовы сябру аргкамітэту па стварэньні партыі БХД Ігару Грышанаву ў задавальненьні яго пазову супраць птушкафабрыкі, як прадстаўнікі мясцовай улады сабралі сход жыхароў, каб адхіліць яго ад пасады старасты вёскі. Жыхары не падтрымалі ініцыятыву ўладаў, але апошнія не супакоіліся і распачалі кампанію па дыскрэдытацыі няўгоднага вясковага кіраўніка.
На месцы пахаваньняў у «5-м палку» зламаныя крыжы і некалькі абэліскаў
Каля 20 крыжоў у месцы масавых пахаваньняў ахвяр канцлягеру «5-ы полк» (Stalag 313) у Віцебску зламаныя і валяюцца на зямлі. Таксама цалкам разламаны адзін з драўляных абэліскаў, другая пірамідка пазбавілася зоркі, яшчэ адна – пашкоджаная.
Віцебскія праваабаронцы павіншавалі палітвязьняў з Днём Перамогі
Праваабаронцы Віцебску даслалі паштоўкі ў месцы зьняволеньня, у якіх адбываюць пакараньне вязьні сумленьня. «Падтрымліваем і памятаем пра вас!» – гаворыцца ў віншавальных лістах апанэнтам цяперашняга палітычнага рэжыму, зьмешчаным за свае перакананьні за краты.
КДК пакараў кіраўнікоў Віцебшчыны, якія затрымлівалі зарплату
Камітэт дзяржкантролю Віцебскай вобласьці правёў праверкі ў арганізацыях рэгіёну своечасовасьці выплаты заработнай платы і праўдзівасьці яе адлюстраваньня ў дзяржаўнай статыстычнай справаздачнасьці, а таксама разгледзеў звароты грамадзян аб фактах нявыплаты зарплаты, якія паступілі ў першым квартале.
Віцебскія прадпрымальнікі: Улады ня выканалі таго, што абяцалі
Напрыканцы працоўнага дня 30 красавіка ў гандлёвым цэнтры «Эвіком» прайшоў прадпрымальніцкі сход. Вынікам яго стаўся зварот у Нацыянальны банк, шэраг міністэрстваў і да Аляксандра Лукашэнкі.
У Наваполацку ў прадпрымальніка канфіскавалі абутак на суму больш як 3 мільярды рублёў
Пры праверцы супрацоўнікі падатковай інспэкцыі выявілі парушэньне парадку рэалізацыі тавараў - прадпрымальнік прадаваў тавар без дакумэнтаў, якія пацьвярджаюць яго водпуск для рэалізацыі. Жаночы абутак і выручка, атрыманая ад рэалізацыі тавараў без дакумэнтаў, на агульную суму 3,4 млрд. рублёў арыштаваныя.
Віцебская праваслаўная эпархія праігнаравала прапанову грамадзкіх актывістаў
Сябры аргкамітэту па стварэньні грамадзкай ініцыятывы «Хайсы» зьвярнуліся ў Віцебскую эпархіяльную ўправу з прапановай ушанаваць памяць людзей, парэшткі якіх былі знойдзеныя ў лесе недалёка ад Віцебску. Прапанова была дасланая яшчэ 11 сакавіка, але дагэтуль актывісты не атрымалі з эпархіі ніякага адказу.