Паштоўка “Віцебск. Прывітаньне зь Беларусі” зьявіцца ў сэрыі “Гарады Беларусі”
Гэта будзе ўжо чацьвертая паштоўка цыклю. Раней у продажы зьявіліся карткі, прысьвечаныя Менску, Пінску і Брэсту. Чарга за Віцебскам. Каб зрабіць якасны макет, стваральнікі зьбіраюць грошы на краўдфандынгавай пляцоўцы “Талака”. На 30 сакавіка праект сабраў ужо 99% патрэбных сродкаў.
Вадзім Кузьмін: Выбары прамінулі, а гаркота засталася
Вынікі выбараў ў мясцовыя саветы, што адбыліся ў лютым, ня сталі нечаканасьцю для актыўнага ўдзельніка электаральных баталіяў у Віцебску падпалкоўніка ў адстаўцы Вадзіма Кузьміна. Ён ня толькі балятаваўся у дэпутаты ад партыі левых «Справядлівы сьвет», але і зарэгістраваўся ў якасьці назіральніка на адным з участкаў, дзе зафіксаваў рэкордную колькасьць парушэньняў – трыццаць шэсьць.
Віцебскія бажаўцы правялі справаздачна-выбарны сход
Сход чальцоў віцебскай філіі Беларускай асацыяцыі журналістаў прайшоў 23 сакавіка пры патрэбным кворуме і ў чаканьні абяцанага сюрпрызу, якім урэшце стаў новы дакумэнтальны фільм, зьняты сябрамі філіі.
Віцебск: За бел-чырвона-белы сьцяг – штраф
26 сакавіка ў судзе Першамайскага раёну гораду Віцебcку адбыўся суд над Андрэем Кешанюком. Актывіст быў затрыманы раніцай гэтага самага дня перад будынкам Белтэлекаму, што на праспэкце Чарняхоўскага, за нібыта ўдзел у несанкцыянаваным пікеце і дастаўлены ў мясцовы аддзел міліцыі. Асноўнай падставай для затрыманьня стаў бел-чырвона-белы сьцяг, які ён трымаў у рукох.
Полацак: Дзень Волі ў ачапленьні міліцыі
Сьвяткаваньне 100-годзьдзя абвяшчэньня незалежнасьці Беларускай Народнай Рэспублікі 25 сакавіка 2018 году ў Полацку праходзіла ў атачэньні міліцыі.
Віцебчука аштрафавалі на 735 рублёў за нацыянальны сьцяг каля Альгерда на #БНР100
Віцяблянін Мікола Качурэц быў затрыманы 25 сакавіка а палове 12-й, калі прыйшоў зь бел-чырвона-белым сьцягам да помніку Альгерду ў Віцебску. Актывіст правёў ноч у віцебскім ізалятары часовага ўтрыманьня. Судзілі яго 26 сакавіка ў судзе Кастрычніцкага раёну Віцебску.
“У куртатым фармаце”. Як адсьвяткавалі Дзень Волі на #БНР100 ў Віцебску
Прадстаўнікі дэмакратычных партый усклалі 25 сакавіка кветкі да помнікаў князю Альгерду і Ўладзімеру Караткевічу ў Віцебску, а таксама ля памятнай дошкі ў гонар Васіля Быкава на будынку мастацкай школы №1. Гэтая сымбалічная акцыя была прымеркаваная да 100-годзьдзя абвяшчэньня Беларускай Народнай Рэспублікі.
Гарадоцкаму апазыцыянэру не даюць прыехаць у Віцебск на Дзень Волі – выклікаюць у нядзелю ў мясцовы РАУС
Сябра партыі БНФ Леанід Аўтухоў атрымаў пад подпіс позву, што мусіць прыйсьці ў Гарадоцкі раённы аддзел унутраных справаў к 11:00 у нядзелю, 25 сакавіка. А пакуль, паводле ягоных словаў, за ім наладжаная сочка, якая трывае ўжо некалькі дзён запар. На думку апазыцыянэра, такім спосабам праваахоўнікі намагаюцца, каб ён ня змог прыехаць у абласны цэнтар на сьвяткаваньне 100-годзьдзя абвяшчэньня незалежнасьці БНР.
"Без БНР не было б і РБ!” Віцебскія актывісты і палітыкі – пра #БНР100
Апазыцыянэр і віцебскі “фарпост свабоды” Барыс Хамайда, каардынатарка аргкамітэту БХД у Віцебску Тацяна Севярынец, сябра рады Руху “За Свабоду” Хрыстафор Жаляпаў, паэт і перакладчык Уладзімер Папковіч ды іншыя расказалі “Віцебскай вясьне”, што азначае асабіста для іх 100-гадовы юбілей Беларускай Народнай Рэспублікі.
Віцебскія праваабаронцы павіншавалі палітвязьняў з Днём Волі
Напярэдадні сьвяткаваньня 100-годзьдзя абвяшчэньня незалежнасьці БНР праваабаронцы Віцебску даслалі віншавальныя паштоўкі палітвязьням Зьмітру Паліенку (папраўчая калёнія № 2, г. Бабруйск) і Міхаілу Жамчужнаму (папраўчая калёнія № 9, г. Горкі). Апроч таго, яны павіншавалі са сьвятам беларускага краязнаўцу Алеся Юркойця (папраўчая калёнія № 3, пас. Віцьба).