Пракурорка запатрабавала для Малахоўскага 6 гадоў калоніі. Ён хварэе на рак
У судзе Першамайскага раёну Віцебску 26 лютага адбыліся спрэчкі бакоў у справе віцябляніна Уладзіміра Малахоўскага, якога абвінавачваюць паводле арт. 364 КК («Гвалт або пагроза гвалтам у дачыненні да супрацоўнікаў МУС»). Журналістаў і сваякоў падсуднага на паседжанне не пусцілі – трапіла толькі жонка. Яна паведаміла, што пракурорка запатрабавала прызнаць яе мужа вінаватым і пакараць пазбаўленнем волі на 6 гадоў.
Гаспадара БЧБ-хаты звольнілі з працы
Жыхара вёсцы Алёшча Полацкага раёну Анатоля Каханчыка, які пафарбаваў фасад сваёй хаты ў бел-чырвона-белыя колеры, звольнілі з працы. Ён 38 гадоў адпрацаваў на чыгунцы. Не дапрацаваў да пенсіі тры гады.
За абразу міліцыянта ў Instagram – два гады «хіміі»
22 лютага суд Першамайскага раёну прызнаў 30-гадовага віцябляніна вінаватым у абразе прадстаўніка ўлады ў сувязі з выкананнем ім службовых абавязкаў. У выніку бацьку двух дзяцей прысудзілі да двух гадоў «хіміі» за каментар у Instagram, якім нібыта ён абразіў міліцыянта, паведамляюць «Народныя навіны Віцебска».
Прысуд Юліі Кашаверавай: паўтары гады калоніі – за ўдары нагой па міліцэйскім бусе
23 лютага суд Кастрычніцкага раёну Віцебску завяршыў разгляд крымінальнай справы ў дачыненні да 22-гадовай віцяблянкі Юліі Кашаверавай, якую прызнаў вінаватай у наўмысных дзеяннях, якія парушалі грамадскі парадак і прычынілі шкоду чужой маёмасці. Дзеянне кваліфікаванае, як хуліганства. На падставе ч.1 арт. 339 КК суд прысудзіў Кашавераву да пазбаўлення волі на 1 год і 6 месяцаў у калоніі агульнага рэжыму.
Хворага на рак мужчыну могуць пасадзіць на 6 гадоў – за гвалт да супрацоўнікаў МУС
Суд Першамайскага раёну Віцебску 22 лютага пачаў разглядаць крымінальную справу 54-гадовага Уладзіміра Малахоўскага. Яго абвінавачваюць паводле арт. 364 КК («Гвалт або пагроза гвалтам у дачыненні да супрацоўнікаў МУС»). Ад 13 студзеня мужчына ўтрымліваецца ў СІЗА-2. Ён мае трэцюю групу інваліднасці і хварэе на анкалогію.
Прысуд у справе Кашаверавай не агучаны. З’явілася патрэба ў дадатковым вывучэнні матэрыялаў справы
Суд Кастрычніцкага раёну Віцебску 22 лютага меўся агучыць прысуд у крымінальнай справе 22-гадовай Юліі Кашаверавай, абвінавачанай у злосным хуліганстве (ч.2 арт. 339 КК). Але нечакана суддзя Сяргей Будрэвіч прыняў рашэнне ўзнавіць судовае следства для больш дэталёвага вывучэння пэўных матэрыялаў справы. Наступнае паседжанне прызначанае на 23 лютага.
Пракурор папрасіў для Юліі Кашаверавай 6 гадоў пазбаўлення волі
19 лютага ў судзе Кастрычніцкага раёну Віцебску закончыліся судовыя слуханні ў крымінальнай справе віцяблянкі Юліі Кашаверавай, абвінавачанай у злачынстве паводле часткі 2 артыкулу 339 КК (злоснае хуліганства). Адбыліся судовыя спрэчкі бакоў. Прысуд агучаць 22 лютага.
37 сутак і 140 базавых. Полацкі суд пакараў удзельнікаў шпацыру арыштамі і штрафамі
Полацкі суд 18 і 19 лютага «суткамі» і штрафамі пакараў семярых жыхароў гораду за тое, што яны нібыта фатаграфаваліся на фоне бел-чырвона-белага сцяга. Чацвёра палачан атрымалі вялікія штрафы, трое прысуджаныя да арыштаў.
Міхаіл Жамчужны – на волі! Былы палітвязень правёў за кратамі 6 з паловай гадоў
19 лютага пасля 6 з паловай гадоў зняволення выйшаў на волю цяпер ужо былы палітвязень Міхаіл Жамчужны. Апошнія гады тэрміну ён адбываў у папраўчай калоніі N9 у Горках Магілёўскай вобласці.
Пастаўскі суд спыніў справу журналіста Змітра Лупача за сюжэт пра талерантнасць
18 лютага ў Пастаўскім раённым судзе прайшоў суд над журналістам-фрылансерам Змітром Лупачом. Суддзя Наталля Максімовіч адміністрацыйную справу, распачатую паводле ч.2 артыкулу 22.9 КаАП, спыніла ў сувязі са сканчэннем тэрміну накладання адміністрацыйнай адказнасці.