«Нам знарок не давалі спаць». Алесь Вендт расказаў пра «суткі» ў віцебскім ІЧУ
Сябра БНФ Алеся Вендта затрымалі на Дзень волі каля помніка князю Альгерду ў Віцебску разам з Кастусём Смолікавым і Іванам Казловым. Пасля трох сутак, праведзеных у ізалятары часовага ўтрымання (ІЧУ), іх вызвалілі з-пад варты. Але ўжо 30 сакавіка Вендта асудзілі на 13 сутак арышту (арт. 24.23 КаАП). Пра цяперашнія ўмовы ўтрымання ў ІЧУ ён расказаў «Віцебскай Вясне».
10 і 20 сутак арышту – прысуды за лампадкі ля храму ў Дзень чарнобыльскай трагедыі
Суд Кастрычніцкага раёну Віцебску разгледзеў 29 красавіка праз скайп справу Лізаветы Кірыенка і Марыі Амасовіч, якія ўжо трое сутак знаходзяцца за кратамі ізалятару часовага ўтрымання (ІЧУ). Як аказалася, іх затрымалі за лампадкі, якія яны запалілі ля царквы ў дзень Чарнобыльскай трагедыі. Суд прызнаў іх дзеянні несанкцыянаваным пікетаваннем (арт. 24.23 КаАП) і пакараў абедзвюх дзяўчат арыштам.
Праваабаронца: Недапушчальна, каб педагогі парушалі правы навучэнцаў
Начальнік галоўнага ўпраўлення па адукацыі Віцебскага аблвыканкаму Дзмітрый Хома ўказаў дырэктару школы №45 Віцебску Ірыне Лашаковай і яе намесніцы па выхаваўчай працы Алене Шароўскай на недапушчальнасць няслушнага трактавання дзейных нарматыўных прававых дакументаў. Ім рэкамендавана прытрымлівацца нормаў прафесійнай этыкі ў зносінах з навучэнцамі.
Ці з'явіцца ў Віцебску новы «Жывемабіль»?..
Ініцыятыва па зборы сродкаў на новы «Жывемабіль» з'явілася на платформе Фонду салідарнасці з рэпрэсаванымі беларусамі «BYSOL». Неабходная сума для куплі новага мікрааўтобуса і яго афарбоўкі 3000 еўра.
Ліцэістку Марыю Амасовіч зноў кінулі за краты
19-гадовая навучэнка аднаго з віцебскіх ліцэяў Марыя Амасовіч ад 26 красавіка не выходзіла на сувязь. Як стала вядома, дзяўчына была затрыманая за ўдзел у несанкцыянаваным мерапрыемстве (арт. 24.23 КаАП). Яна знаходзіцца ў віцебскім ізалятары часовага ўтрымання (ІЧУ) на вуліцы Гагарына.
У Віцебску затрымалі выхавальніцу дзіцячага садку Лізавету Кірыенка. Будзе ператрус
27 красавіка была затрыманая 23-гадовая выхавальніца дзіцячага садку ў Віцебску Лізавета Кірыенка. Бацькі пакуль не ведаюць, за што канкрэтна затрымалі дачку, але тое, што з палітычных прычын, не выклікае сумненняў. Лізавета знаходзіцца зараз у віцебскім ізалятары часовага ўтрымання (ІЧУ). Маці паведаміла, што ў кватэры, якую здымае яе дачка, пройдзе ператрус.
План па інвестыцыях правалены – улады шукаюць рэзервы
На нядаўнім пасяджэнні Віцебскага выканаўчага камітэту ўлады прызналі, што ў першым квартале бягучага году, у параўнанні з тым жа перыядам 2020 году, па інвестыцыях у асноўны капітал вобласць істотна адстае. Ад пачатку году гэты паказнік абваліўся на 11% ад паказніку мінулага году. З 200 заяўленых райвыканкамамі інвестыцыйных праектаў у 2021 пачалі ажыццяўляцца толькі восем, што складае 4%.
Жонцы палітвязня Дзмітрыя Кулакова дапамаглі талакою
Жонка палітвязня Дзмітрыя Кулакова, які адбывае «хімію» ў Шклове, адна выхоўвае дваіх дзяцей. Пасля таго як забралі мужа і бацьку, сям'я аказалася ў цяжкім фінансавым становішчы. На дапамогу прыйшлі неабыякавыя беларусы.
Міколу Качурца затрымалі праз гадзіну пасля вызвалення з ІЧУ. Разам з жонкай
25 красавіка з віцебскага СІЗА пасля чарговых 10 сутак адміністрацыйнага арышту выйшаў на волю 62-гадовы віцебскі актывіст Мікола Качурэц. Неўзабаве пасля сустрэчы з жонкай і сябрамі ён быў ізноў затрыманы – разам з жонкай Марынай. Але праз паўтары гадзіны іх выпусцілі з Першамайскага РАУС без складання пратаколу.
На «Нафтане» быў затрыманы прафсаюзны лідар БНП Максім Шчуплянкоў
24 красавіка пасля начной змены на прахадной наваполацкага заводу «Нафтан» быў затрыманы намеснік старшыні першаснай арганізацыі працаўнікоў прадпрыемства Беларускага незалежнага прафсаюзу (БНП) Максім Шчуплянкоў. Пра гэта паведамілі сябры прафсаюзу на старонцы ў Фэйсбуку «Стачком ОАО «Нафтан».