Віцебскія ўлады далі дазвол на правядзенне шэсця «Несмяротны полк» 9 траўня
Інфармацыя пра тое, што ў Віцебску на Дзень Перамогі пройдзе шэсце «Несмяротнага палку» («Бессмертный полк») была размешчаная на афіцыйнай старонцы ініцыятывы ў сацыяльнай сетцы «Вконтакте», на якую падпісана крыху больш за 700 удзельнікаў. Як запэўніваюць арганізатары, акцыя ўзгодненая з мясцовымі ўладамі.
Блогерка Алена Янушкоўская выступіла на акцыі салідарнасці ў Варшаве
21 красавіка ля пасольства Расеі ў Варшаве прайшла акцыя салідарнасці з палітвязнямі Беларусі і Расеі. Для беларускай аўдыторыі стрым з мерапрыемства вяла віцебская блогерка Алена Янушкоўская. Пасля пераследу з боку сілавых структураў Алена разам з дачкой і ўнучкамі вымушаная была з'ехаць з краіны.
У вазочніцы Валянціны Крыштопенка судовыя выканаўцы арыштавалі маёмасць
Увечары 21 красавіка да пенсіянеркі па інваліднасці Валянціны Крыштопенка з пасёлку Кастрычніцкая Віцебскага раёну прыйшлі судовыя выканаўцы. Яны арыштавалі маёмасць жанчыны і яе дачкі на суму 615 рублёў. У пералік арыштаваных рэчаў, апрача тэхнікі, трапілі нават дэкаратыўны камін, ваза для цукерак і стары насценны гадзіннік...
У Віцебску адкрываецца школа бёрдвочынгу. Навучанне бясплатнае
У сталіцы паўночнага рэгіёну ўпершыню адкрыты набор у школу бёрдвочара – людзей, якія любяць назіраць за птушкамі. Бясплатныя курсы разлічаныя для ўсіх груп насельніцтва: ад школьнікаў да пенсіянераў. Запісацца можна да 27 красавіка. Адзіная ўмова: трэба стаць сябрам грамадскага аб'яднання «Ахова птушак Бацькаўшчыны» і запоўніць анкету на сайце.
Праваабаронца Левінаў «выправіў» памылку пракурора Віцебску Шклярэўскага
Пасля скаргі праваабаронцы Паўла Левінава на дзеянні пракурора Віцебску Андрэя Шклярэўскага пракуратура Віцебскай вобласці прызнала памылку з боку падначаленага ёй пракурора і паабяцала, што яна будзе ўлічаная і не паўторыцца ў далейшай працы.
На мяжы з Літвой затрымалі віцябляніна, якога вінавацяць у абразе камандзіра менскага АМАПу Балабы
36-гадовага жыхара Віцебску Вадзіма Ермаловіча затрымалі 14 красавіка недалёка ад дзяржаўнай мяжы з Літвой. Мужчына знаходзіўся на падпісцы аб нявыездзе. На яго была заведзеная крымінальная справа за абразу прадстаўніка ўлады (арт. 369 КК). Па версіі следства, ён у Тэлеграм-чаце «Vitebsk_Юг» абразіў камандзіра менскага АМАПу палкоўніка Дзмітрыя Балабу.
«Нават у душ вадзілі ў наручніках». Пасля 25 сутак на волю выйшла Крысціна Юдзіна
Увечары 19 красавіка з віцебскага ізалятару часовага ўтрымання (ІЧУ) выйшла на волю Крысціна Юдзіна, якая была затрыманая на Дзень волі і адбыла за кратамі 25 содняў адміністрацыйнага арышту паводле арт. 23.34 КаАП. Сустракаць Крысціну да СІЗА-2 ў Віцебску прыйшлі яе сябры і знаёмыя.
Вынесеныя прысуды за абразу міліцэйскага чыноўніка і кіраўніка дзяржавы
За абразу камандуючага ўнутранымі войскамі Мікалая Карпянкова віцеблянін асуджаны на паўтара гады "хіміі", а за публічную абразу Аляксандра Лукашэнкі жыхар Полацкага раёну атрымаў пяцігадовы тэрмін з узмоцненым рэжымам адбыцця ў папраўчай калоніі. Прысуды ў законную сілу не ўступілі і могуць быць абскарджаныя і апратэставаныя ў апеляцыйным парадку ў вышэйстаячых судах.
Маці палітвязня Паўла Севярынца расказала, як трымаецца сын: піша кнігу, посціць і прапаведуе
Маці палітвязня Паўла Севярынца, які больш за 10 месяцаў знаходзіцца за кратамі, падзялілася, пра што піша сын у сваіх лістах да яе і бацькі. Па словах Таццяны Севярынец, яна атрымала ад Паўла 75 лістоў. Ён не падае духам: піша кнігу, посціць і прапаведуе ў камеры.
Да стачкі на «Нафтане» далучыўся яшчэ адзін супрацоўнік – Сяргей Плігаўка
Відэазварот Сяргея Плігаўкі з'явіўся на афіцыйнай старонцы страйкавага камітэту ААТ «Нафтан» у сацыяльнай сетцы «Фэйсбук» 16 красавіка. У ім супрацоўнік нафтаперапрацоўчага заводу абвясціў, што сыходзіць у стачку аж да выканання ягоных патрабаванняў. На «Нафтане» Плігаўка адпрацаваў 23 гады.