«Хварэюць нашмат цяжэй». Галоўны лекар Полацкай ЦГБ распавёў аб 4-й хвалі COVID-19 у горадзе
Рост захворвання каронавіруснай інфекцыяй у полацкім рэгіёне пачаўся ў верасні. На днях пад хворых на COVID-19 аддалі частку хірургічнага аддзялення гарадской лякарні. Падрабязнасці пра тое, як праходзіць чацвёртая хваля каронавірусу распавёў галоўны лекар Полацкай ЦГБ Аляксандр Стома.
«Я поўнасцю цяпер застаюся без падтрымкі». Блогер-палітвязень Шэры Кот даслаў ліст з калоніі
33-гадовы аўтар ютуб-каналу Шэры Кот - палітвязень Зміцер Казлоў, напісаў у лісце з папраўчай калоніі № 2, што поўнасцю застаўся без падтрымкі. Пра гэта паведаміла праваабаронца з Воршы Паліна Сцепаненка, якая пасля доўгага перапынку атрымала ліст ад Шэрага Ката, піша Радыё Свабода.
Палітвязень Яўген Харашкевіч змешчаны ў санчастку віцебскага СІЗА-2
Палітвязень Яўген Харашкевіч з Наваполацку, якому Віцебскі абласны суд прысудзіў 4 гады калоніі, прызнаўшы вінаватым па трох крымінальных артыкулах, знаходзіцца зараз у санчастцы СІЗА-2 у Віцебску. Пра гэта паведаміў бацька палітвязня. Пасля суду ён быў на спатканні з сынам, але брата Яўгена праз нейкі час на спатканне з ім ўжо не пусцілі: паведамілі, што ён «прыхварэў», але нібыта неўзабаве мае ўжо выпісацца.
Невядомыя ўчынілі акт вандалізму ў “Віцебскіх Курапатах”
Невядомыя зламалі два мемарыяльныя крыжы і пашкодзілі шыльды з надпісам «Месца сталінскіх расстрэлаў». Пра гэта даведаліся ўдзельнікі ініцыятывы «Хайсы – віцебскія Курапаты», якія ўжо некалькі гадоў запар ствараюць самаробны мемарыял на ўзлеску каля вёскі Хайсы Віцебскага раёну. Актывісты ўбачылі факты вандалізму, калі прыехалі рабіць прыборку вакол мемарыялу, паведамляе Беларускае Радыё Рацыя.
Суд у Віцебску прызнаў тэлеграм-канал «Дактрына V» экстрэмісцкім
11 кастрычніка суд Кастрычніцкага раёну Віцебску прызнаў яшчэ адзін тэлеграм-канал экстрэмісцкім. Гэта канал «Дактрына V». Грамадзянская справа «па заяве пракурора Віцебскай вобласці ў інтарэсах рэспублікі Беларусь аб прызнанні інфармацыйнай прадукцыі экстрэмісцкімі матэрыяламі» разгледзела суддзя Марыя Лапшова. Інтарэсы заяўніка прадстаўляла пракурорка Таццяна Іванова.
Прафсаюзны лідар «Нафтану» Аляксандр Балонкін абскардзіў 15 сутак арышту ў абласным судзе. Які вынік?
У Віцебскім абласным судзе 11 кастрычніка разглядалася скарга намесніка першаснай арганізацыі Беларускага незалежнага прафсаюзу (БНП) працаўнікоў ААТ «Нафтан» Аляксандра Балонкіна, якога 1 кастрычніка наваполацкі суд пакараў 15 суткамі адміністрацыйнага арышту. Балонкін быў прызнаны вінаватым у распаўсюдзе экстрэмісцкіх матэрыялаў (арт. 19.11 КаАП), бо нібыта размясціў у Instagram фота з плакатам «Я / МЫ ТУТ.бай».
«Ухвалена цэнзурай», або Што рабіць, калі лісты не даходзяць да палітвязняў?
Недаацаніць важнасць лістоў для зняволеных вельмі складана. Практычна кожны, хто трапіў за краты, скажа, што самую вялікую падтрымку і радасць прыносяць вестачкі з волі. Лісты - гэта не толькі навіны, але і новыя ўражанні і знаёмствы, спосаб камунікацыі і падтрымкі сувязі з рэчаіснасцю. Праваабаронца «Вясны» Уладзімір Лабковіч распавядаў, што кожны дзень вылучаў час, каб пісаць лісты палітвязням. Цяпер ён сам знаходзіцца ў СІЗА па крымінальнай «справе Вясны» і дзеліцца сваімі назіраннямі:
У Полацку выкладчыцу вакалу асудзілі на 15 сутак у Дзень працаўніка культуры
Пятнаццаць сутак адміністрацыйнага арышту прысудзілі 8 кастрычніка ў судзе Полацкага раёну і гораду Полацку выкладчыцы вакальнай студыі ў мясцовым цэнтры культуры Ірыне Гражэўскай. Яе прызналі вінаватай у распаўсюдзе экстрэмісцкіх матэрыялаў (ч.2 арт. 19.11 КаАП). Нібыта жанчына зрабіла рэпост навіны TUT.BY у сацсетцы «ВКонтакте». Пастанову аб арышце выкладчыцы вынес суддзя Андрэй Дзергачоў.
Праваабаронцы шукаюць сваякоў затрыманага ГУБАЗіК дырэктара сэрвіснага цэнтру ў Віцебску
На 39-гадовага жыхара абласного цэнтру выйшлі аператыўнікі ГУБАЗіК. На думку супрацоўнікаў гэтага ведамства, мужчына цягам году публікаваў у телеграм-чатах абразлівыя каментары на адрас праваахоўнікаў і вайскоўцаў, пры гэтым, маўляў, ні з кім з іх не быў знаёмы. Праваабаронцы просяць адгукнуцца сваякоў затрыманага ці тых, хто ведае, як з імі звязацца.
Супраць былога палітвязня Сяргея Каваленкі распачалі крымінальную справу.
Былога палітвязня Сяргея Каваленку, які ў 2010 годзе вывесіў бел-чырвона-белы сцяг на каляднай ялінцы ў цэнтры Віцебску, цяпер абвінавачваюць у знявазе дзяржаўных сімвалаў (арт. 370 КК РБ). Пра гэта паведаміла былая жонка актывіста Алена Каваленка. Артыкул прадугледжвае пакаранне да трох гадоў пазбаўлення волі. Аднак ужо больш за два гады Сяргей Каваленка жыве і працуе на тэрыторыі іншай краіны.