LT News - шаблон joomla Оригами
  • Віцебск: Памерлую падчас родаў дзяўчынку хавалі бяз маці, бо тую зьмясьцілі ў СІЗА

    Віцебск: Памерлую падчас родаў дзяўчынку хавалі бяз маці, бо тую зьмясьцілі ў СІЗА

  • У Верхнядзьвінскім раёне памежнікі затрымалі грамадзян Расеі

    У Верхнядзьвінскім раёне памежнікі затрымалі грамадзян Расеі

  • Верхнядзьвінскі раён: Начальніца пошты абвінавачваецца ў махлярстве і карупцыі

    Верхнядзьвінскі раён: Начальніца пошты абвінавачваецца ў махлярстве і карупцыі

  • Лукашэнка ў часе візыту на Аршаншчыну: Трэба кіраваць «сталінскімі мэтадамі»

    Лукашэнка ў часе візыту на Аршаншчыну: Трэба кіраваць «сталінскімі мэтадамі»

Павал Севярынец выйшаў на волю. Ён пакінуў спэцкамэндатуру на часовай аснове. Палітзьняволенаму задаволілі заяву на 4-гадзіннае вызваленьне. Гэты час Павал Севярынец знаходзіўся па-за межамі вёскі Куплін. Сустрашыня БХД накіраваўся ў Пружаны. Было гэта ў дзень Раства Хрыстовага. Разам з праваслаўнымі вернікамі, сябрамі і сваякамі Павал Севярынец маліўся у мясцовай царкве.

У Віцебскай вобласьці прыцягнутыя да адказнасьці кіраўнікі прадпрыемстваў і арганізацыяў, якія не адрэагавалі на крытыку ў сродках масавай інфармацыі. Пра гэта паведамілі ў Камітэце дзяржаўнага кантролю Беларусі. Факты парушэньняў патрабаваньняў указу № 630 “Аб рэагаваньні службовых асоб на крытычныя выступы ў дзяржаўных сродках масавай інфармацыі” выяўленыя Камітэтам дзяржкантролю пры правядзеньні кантрольных мерапрыемстваў па гэтым пытаньні.

Магчымае супрацоўніцтва ЭЗ зь беларускай міліцыяй выклікае ў палітыка зьдзіўленьне. «Эўрапейскаму Зьвязу трэба абавязкова патлумачыць сваю пазыцыю. Калі гаворка вядзецца пра дапамогу краінам “Усходняга партнэрства”, то ці тычыцца Беларусь гэтай канкрэтнай праграмы? Калі тычыцца, то якія спосабы супрацы прадугледжаныя для МУС, а мабыць нават для КДБ?» - заявіў у інтэрвію сайту charter97.org сустаршыня аргкамітэту па стварэньні партыі Беларуская хрысьціянская дэмакратыя, палітвязень Павал Севярынец.

Антаніна Піванос, аштрафаваная ў 2008 годзе за спробу ўручэньня падарунку вядомаму віцебскаму апазыцыянэру Барысу Хамайду, нарэшце дамаглася справядлівасьці: Камітэт ААН па правох чалавека прыняў рашэньне на яе карысьць. Цяпер, згодна з рашэньнем камітэту, беларускія ўлады абавязаныя вярнуць актывістцы канфіскаваную ў яе маёмасьць, пакрыць панесеныя ёй выдаткі і выплаціць кампэнсацыю.

Судзьдзя суду Першамайскага раёну Віцебску Натальля Карабліна адмовіла ў задавальненьні хадайніцтва распаўсюдніку газэты «Віцебскі Кур’ер» Міхаілу Жураўлёву аб растэрміноўцы выкананьня адміністрацыйнага спагнаньня ў выглядзе штрафу ў памеры 2 500 000 рублёў. Цяпер Міхаіл, які зьяўляецца інвалідам II групы, атрымлівае пэнсію менш за 1 800 000 рублёў і плаціць крэдыт, мусіць ня есьці, ня піць і ўлезьці ў даўгі, каб выканаць пастанову Караблінай аб накладаньні на яго адміністрацыйнага спагнаньня.

Жыхарку Віцебску Ірыну Гайдэль зь дзесяцігадовым сынам высяляюць з кватэры па адрасе вуліца Чкалава, дом 24 корп. 6, кв. 18. Папросту кажучы, Віцебскі гарвыканкам выкідвае маці зь дзіцем на вуліцу, ня даўшы іншага жытла - гэтакі навагодні падаруначак сям’і. Апынуўшыся ў бязвыхаднай сытуацыі, жанчына прыйшла ў офіс дэпутата “Грамадзянскага дамовы” Аляксандра Мікуліну.

Як паведаміў таварыш арыштаванага, лідэр незарэгістраванага аб’яднаньня “Саюз маладых інтэлектуалаў” Яўген Канстанцінаў, абвінавачаны ў здрадзе дзяржаве Андрэй Гайдукоў зноў пераведзены ў сьледчы ізалятар КДБ у Менску. Маці Гайдукова даведалася аб пераводзе сына ў Менск толькі ўвечары 26 сьнежня. “Аб пераводзе не паведамілі нават адвакату. Адвакат пайшла на сустрэчу з Гайдуковым увечары 26 сьнежня, і толькі тады ёй паведамілі, што яшчэ 22 сьнежня яго перавялі назад у Менск”, - сказаў Канстанцінаў.

Пракуратура Гарадоцкага раёну на сайце райвыканкаму паведаміла, што ёй праведзены аналіз стану работы па выкананьні заканадаўства пры эксплёатацыі дзіцячых гульнявых пляцовак. Пракуратурай выяўлена, што большасьць наяўных дзіцячых пляцовак, разьмешчаных на прыдамавых тэрыторыях гораду, не адпавядае патрабаваньням дзеючага заканадаўства. У шэрагу выпадкаў тэхнічны стан пляцовак стварае пагрозу жыцьцю і здароўю дзяцей. Найбольш распаўсюджанымі парушэньнямі зьяўляюцца: неналежны зьнешні стан, паломкі альбо адсутнасьць элемэнтаў гульнявога абсталяваньня, наяўнасьць сьмецьця.

Судзьдзя Першамайскага райсуду Валянціна Кісьмярошкіна ўзяла пад увагу паказаньні сьведкаў-міліцыянтаў, якія заявілі, што двое віцебскіх прыхільнікаў БХД іх нецэнзурна абражалі. Суд над двума актывістамі праходзіў у габінэце судзьдзі. Аляксея Кішчука і Станіслава Лаўрэнава прывезьлі на працэс зь ізалятару часовага ўтрыманьня, дзе яны правялі мінулую ноч.

15 сьнежня ў Віцебску праходзіла справаздачна-выбарная абласная канфэрэнцыя партыі БНФ. Удзельнікі канфэрэнцыі заслухалі справаздачу старшыні абласной арганізацыі партыі Кастуся Смолікава, які распавёў пра дзейнасьць арганізацыі цягам апошніх двух гадоў. У дыскусіі, што разгарэлася пасьля выступу спадара Смолікава, абмяркоўвалася тэма ўдзелу ў выбарах, закраналіся праблемы зьмяншэньня колькасьці сяброў партыі і нізкага ўплыву яе на грамадзтва.