Палітвязня Ігара Банцэра вярнулі з калоніі на «хімію»: пракурор апратэставаў рашэнне суду
Палітвязень Ігар Банцэр, якога 29 верасня суд Чыгуначнага раёну Віцебску асудзіў да 1 месяц і 25 дзён калоніі за парушэнне турэмных правілаў, вярнуўся ў віцебскую папраўчую ўстанову адкрытага тыпу. Падобны разварот адбыўся праз неправільнае прымяненне дзейнага заканадаўства з боку суддзі.
Кіраўніка габрэйскай грамады ў Віцебску Леаніда Томчына датэрмінова вызвалілі ад пакарання. Быў асуджаны ў «справе медыкаў»
Суд Першамайскага раёну Віцебску 29 кастрычніка ўмоўна-датэрмінова вызваліў ад асноўнага пакарання ў выглядзе папраўчых работ уладальніка буйной аптэчнай кампаніі «Аптэка Груп» і кіраўніка гарадской габрэйскай абшчыны «Дом Ізраілю» Леаніда Томчына. У 2019 годзе ён быў асуджаны на тры гады «хатняй хіміі» за дачу хабару. У 2020 годзе ў сувязі з амністыяй Томчыну скарацілі тэрмін на адзін год, а ў 2021-м – змянілі «хатнюю хімію» на папраўчыя працы.
Прафсаюзны лідар «Нафтану» абскардзіў у абласным судзе арышт на 15 сутак
Віцебскі абласны суд 29 кастрычніка разгледзеў скаргу аднаго з прафсаюзных лідараў наваполацкага прадпрыемства «Нафтан» Вадзіма Міхайлава. Ён спрабаваў адмяніць рашэнне наваполацкага суду, які 20 кастрычніка прысудзіў яму 15 сутак адміністрацыйнага арышту за нібыта ўдзел у масавым мерапрыемстве (ч.1 арт. 24.23). Суддзя Ірына Смалякова скаргу не задаволіла, а рашэнне суду пакінула без зменаў.
За нанясенне надпісаў на сцены кіёска і прыпынак маладым людзям пагражае да трох месяцаў арышту
Па дадзеных следства, у жніўні, кастрычніку і лістападзе мінулага года 21-гадовая дзяўчына і 19-гадовы юнак нанеслі фарбай з аэразольных балончыкаў надпісы на кіёск і прыпынак, размешчаныя ў Віцебску на вуліцы Яроменкі, і на сцены трох гаражоў на вуліцы Лазо. На думку следчых, сваімі дзеяннямі маладыя людзі ўчынілі псаванне маёмасці і прычынілі прадпрыемствам маёмасную шкоду. Ці мелі надпісы пратэставы характар, міліцыя не паведамляе.
З салонаў грамадскага транспарту ў Віцебску знікаюць патрабаванні выконваць масачны рэжым
Матэрыялы з патрабаваннямі выконваць масачны рэжым сталі знікаць з салонаў аўтобусаў, трамваяў, тралейбусаў і маршрутак у Віцебску. Таксама спынілі гукавую трансляцыю папярэджанняў пра абавязковае нашэнне масак у грамадскім транспарце. Яшчэ ў нядзелю 24 кастрычніка ў транспарце папярэджвалі пра масачны рэжым, але ў аўторак 26 кастрычніка – ужо не, пішуць «Народныя навіны Віцебску».
За чатыры ўдары ў дзверы жыхару Віцебску пагражае тры гады пазбаўлення волі
Раніцай 24 кастрычніка, вяртаючыся з забаўляльнай установы, віцяблянін некалькі разоў штурхнуў нагой дзверы адміністрацыйнага будынку органаў унутраных спраў. Гэты факт прычыніўся да пачатку крымінальнага пераследу «крыўдзіцеля» дзяржаўнай маёмасці. Міліцыя выявіла яго пры дапамозе камер відэаназірання.
У Полацку на тры гады «хіміі» асудзілі прадавачку гандлёвага цэнтру за паклёп і абразу супрацоўнікаў РАУС
Суд Полацку і Полацкага раёну 26 кастрычніка завяршыў разгляд крымінальнай справы, заведзенай на 51-гадовую прадавачку аднаго з гандлёвых цэнтраў. Жанчыну вінавацілі ў злачынствах, прадугледжаных адразу трыма артыкуламі Крымінальнага кодэксу -188, 364, 369. Суд прызнаў яе вінаватай у паклёпе, абразе прадстаўніка ўлады і пагрозе ўжывання гвалту да супрацоўніка ўнутраных спраў. Вырак – тры гады «хіміі».
У Віцебскай вобласці тры дзясяткі інфармацыйных рэсурсаў ужо прызнаныя экстрэмісцкімі
Ад пачатку 2021 году раённымі судамі Віцебскай вобласці 29 тэлеграм-чатаў, груп і каналаў пратэставага зместу былі прызнаныя экстрэмісцкімі. Аднак на сайце Міністэрства інфармацыі Беларусі не пазначана, за якія канкрэтныя публікацыі суддзі вынеслі рашэнні аб прызнанні таго ці іншага матэрыялу экстрэмісцкім.
Дзяржаўную раёнку «Чырвоны прамень» западозрылі ў распаўсюдзе экстрэмізму
На інтэрнэт-платформе petition.by 23 кастрычніка была размешчаная петыцыя з просьбай правесці праверку ў дачыненні да афіцыйнай газеты Чашніцкага райвыканкаму «Чырвоны прамень». Ініцыятары лічаць, што супрацоўнікі рэдакцыі распаўсюджваюць інфармацыйную прадукцыю, якая ўключаная ў рэспубліканскі спіс экстрэмісцкіх матэрыялаў. Петыцыю маюць даслаць 1 лістапада ў пракуратуру Віцебскай вобласці і Міністэрства інфармацыі Рэспублікі Беларусь.
Генпракуратура і пагранкамітэт не лічаць незаконную міграцыю злачынствам
Яшчэ ў верасні 2021 году праваабаронца Павел Левінаў звярнуўся ў Генеральную пракуратуру з заявай аб нелегальнай міграцыі замежных грамадзян у напрамку краін Еўрапейскага Саюзу. Але ні ў Генпракуратуры, ні ў пагранкамітэце існую сітуацыю на дзяржаўнай граніцы не разглядаюць у межах дзейнага крымінальнага заканадаўства.