У 2021 годзе Віцебская вобласць страціла $2 млдр. у гандлі з расійскімі рэгіёнамі
Тавараабарот Віцебскай вобласці з рэгіёнамі Расіі склаў $4,3 млрд. Віцебскія прадпрыемствы і фірмы экспартавалі прадукцыю на агульную суму $1,2 млрд., расійскі імпарт склаў $3,1 млрд. Гандлёвы баланс у $1, 9 млрд. атрымаўся не на карысць эканомікі Віцебскага рэгіёна.
Улады працягваюць пераслед прафсаюзнага лідэра з Новаполацка Вольгу Брыцікаву
13 красавіка Вольга мусіла выйсці на волю, але міліцыянты сказалі, што яна затрыманая на 72 гадзіны. Хутчэй за ўсё супраць яе распачата крымінальная справа, але не вядома, што ўлады ёй інкрымінуюць. За кратам ізалятары часовага утрымання ва Ушачах Брыцікава ўтрымліваецца ўжо 46-я суткі.
Жыхару Верхнядзвінска прусудзілі арышт за «пікетаванне» на сайце Адміністрацыі Лукашэнкі
25 сакавіка суд Верхнядзвінскага раёна разглядзеў справу 22 гадовага мясцовага жыхара. Яго абвінавацілі па арт. 24.23 КаАП у тым, што ён правёў несанкцыянаванае пікетаванне на сайце Адміністрацыі Лукашэнкі. Суддзя Людміла Каваленка прызнала мужчыну вінаватым і арыштавала яго на 15 сутак.
Доктар Пастноў змог абараніць свае правы ў Камітэт ААН па правах чалавека
У ліпені 2021 года Камітэт разгледзеўшы скаргу №2361/2014 жыхара Віцебска доктара Ігара Пастнова прыйшоў да высновы, што ў дачыненні да яго з боку беларускай дзяржавы было дапушчана парушэнне грамадзянскіх і палітычных правоў.
Беларусы на «крытай»: як палітвязняў працягваюць пераследаваць у калоніях
Кожны дзень яшчэ некалькі соцен палітзняволеных таксама сутыкаюцца з адвольнымі пазбаўленнямі перадач, спатканняў і званкоў. Некаторых з іх працягваюць змяшчаць у ШІЗА, ПКТ і карцары. Таму распавядаем, якія абмежаванні ўжываюцца ўладамі ў адносінах да палітычных вязняў, каб пагоршыць ім умовы ўтрымання.
У Віцебску ахвотным прапануюць арандаваць райаддзел міліцыі
Цэнтр нерухомасці гораду Віцебску прапануе ў арэнду комплекс будынкаў, якія яшчэ некалькі гадоў таму займаў аддзел міліцыі Кастрычніцкага раёну. Цяпер РАУС пераехаў у новы будынак, адмыслова ўзведзены для міліцыянтаў на вуліцы Церашковай. А будынкі па адрасе вул. Суворава, 30 – у гістарычным цэнтры Віцебску – прапануюць у арэнду ўсім ахвотным.
У Полацку ствараюць выставу вайсковай тэхнікі, хаця гараджане супраць
Ідэі выставіць на агляд вайсковую тэхніку каля Кургана Несмяротнасці актыўна прасоўвае старшыня Полацкага райвыканкаму Ігар Марковіч. Упершыню яна была выказана паўтара гады таму, і ўжо тады палачане ўспрынялі яе даволі скептычна. Маўляў, кіраўніцтва не спраўляецца трымаць у парадку Музей баявой славы, які месціцца тут жа, у парку імя 50-годдзя савецкай улады, дык што ўжо казаць пра стварэнне новага аб’екта, на стварэнне якога спатрэбяцца немалыя грошы. Да ўсяго, і сама ідэя выглядае несучаснай і нецікавай…
Віцебскія ўлады перакройваюць рэгіянальную інфармацыйную прастору
Пракуратура Віцебскай вобласці паведамляе пра тое, што яе супрацоўнікі рэгулярна праводзяць маніторынг сродкаў масавай інфармацыі на прадмет выяўлення інфармацыі дэструктыўнага характару. З пачатку года пракуратурамі накіравана ў суды 30 заяў па прызнанні інфармацыйнай прадукцыі экстрэмісцкімі матэрыяламі. Пры гэтым 25 заяў ужо разгледжаны і задаволены.
20-гадовага студэнта Леаніда Шамава асудзілі за «навучанне масавым беспарадкам»
Жыхара Наваполацку, студэнта ПДУ асудзілі да 2,5 гадоў пазбаўлення волі ў калоніі агульнага рэжыму. Віталь Лапко, суддзя Наваполацкага гарадскога суду, прызнаў хлопца вінаватым паводле ч. 3 арт. 293 КК («Навучанне або іншая падрыхтоўка асобаў для ўдзелу ў масавых беспарадкаў»). Суд праходзіў у закрытым рэжыме, каб пазбегнуць распаўсюду звестак пра метады грамадскага супраціву.
Ксяндза Аляксандра Барана з Лынтупаў датэрмінова выпусцілі з-пад арышту
4 красавіка суд Пастаўскага раёну прысудзіў пробашчу парафіі Святога апостала Андрэя 10 сутак арышту. Ксяндза прызналі вінаватым паводле двух адміністрацыйных артыкулаў – арт. 24.23 (несанкцыянаванае пікетаванне) – за бел-чырвона-белы сцяг на аватарцы ў сацыяльных сетках, і арт. 19.11 (распаўсюд «экстрэмісцкіх матэрыялаў) – за «лайкі» і каментары на інтэрнэт-рэсурсах, абвешчаных «экстрэмісцкімі». Адпаведна судовай пастанове, Аляксандр Баран меўся выйсці на волю 8 красавіка – з улікам тэрміну, праведзенага пад вартай яшчэ да суду. Але ўвечары 6-га красавіка ён апынуўся на волі.