Жыхар Віцебску Валер Місьнікаў зьвярнуўся ў пракуратуру, апісаўшы выключэньне з ужо створанай камісіі “на запатрабаваньне сілавых структур”. Ён мае сьведкаў, якія гатовыя пацьвердзіць гэты факт – што ён насамрэч быў уключаны ва ўчастковую камісію № 17.

Краязнаўцы Аршаншчыны наведалі вёску Пагосьцішча Лёзьненскага раёну, дзе знаходзіцца адзін зь нямногіх помнікаў паўстанцам Кастуся Каліноўскага. Атрад Ігната Будзіловіча змагаўся з расейскімі войскамі паўночней Воршы, няроўны бой з акупантамі каля Пагосьцішча стаў апошнім для касінераў. Яны былі разьбітыя, а іх лідэр - Ігнат Будзіловіч стаў адзіным паўстанцам, расстраляным у Воршы.

Крышнаіты-прапаведнікі ўжо ня першы раз гасьцююць у Воршы. Час ад часу прыхільнікаў гэтай рэлігіі можна ўбачыць каля гарадзкога рынку, дзе яны спрабуюць прадаваць літаратуру пад выглядам збору ахвяраваньняў.

Віцебскі абласны суд вырашыў пакінуць бязь зьменаў пастанову Глыбоцкага суду. Журналістка-фрылянсэр з Глыбокага абскарджвала штраф у 25 базавых велічынь паводле артыкулу 22.9 адміністрацыйнага кодэксу за супрацоўніцтва з замежнымі СМІ без акрэдытацыі і па-ранейшаму лічыць прысуд беспадстаўным.

Пракуратура Віцебскай вобласьці адзначае недастатковую працу мясцовых выканкамаў ў сфэры дзяржаўнага кантролю над выкарыстаньнем і аховай зямель. Пра гэта паведаміла старшы памочнік пракурора вобласьці па наглядзе за выкананьнем прыродаахоўнага заканадаўства Алена Казлова.

У зоне падтапленьня Віцебскай ГЭС на левым беразе Дзьвіны знойдзенае невядомае дасюль гарадзішча, якое, па ўсёй імавернасьці, ня ўнесенае ў сьпісы археалягічных помнікаў Віцебскага раёну.

Эканамічны суд Віцебскай вобласьці вынес рашэньне аб прызнаньні Віцебскага ААТ “КІМ” банкрутам і яго ліквідацыі, паведаміла судзьдзя эканамічнага суда Ірына Фралова.

28 жніўня ў Віцебскім абласным судзе пад старшынствам судзьдзі судовай калегіі Яўгена Даўлюда працягнуўся судовы разбор, распачаты напярэдадні па справе наконт забойства 11 красавіка старшага інспэктара аховы прыроды Аршанскай міжраённай інспэкцыі па ахове жывёльнага і расьліннага сьвету пры прэзыдэнце РБ Генадзя Раўкова.

У Гарадоцкім раёне блізу вёскі Янова намаганьнямі віцебскага краязнаўцы Сяргея Панкрацьева, які нарадзіўся і вырас у гэтай вёсцы, на перакрыжаваньні старых дарог усталяваны высечаны з валуна вялізны крыж-абаронца. Звычай усталёўваць гэткія крыжы склаўся на Беларусі з прыходам на нашыя землі хрысьціянства.

У Віцебску ў склад участковых выбарчых камісіяў (УВК) не ўключылі прадстаўнікоў апазіцыйных партыяў. У адміністрацыях раёнаў гораду палічылі, што палітычныя апанэнты ўлады недастаткова кваліфікаваныя для працы па падліку галасоў і пакінулі ў камісіях людзей, далёкіх ад палітычнай дзейнасьці.