Зэканомленыя 370 мільёнаў палачанін Яраслаў Пачопка прапануе выдаткаваць на добраўпарадкаваньне гораду. «У краіне, а тым больш у Полацку, цяпер нялёгкія часы, таму траціць 17 тысяч даляраў на новае аўто для “служак народу” мы лічым няслушным!» – гаворыцца ў пэтыцыі, разьмешчанай на сайце www.change.org.

У мінулую нядзелю на Полацкім рынку ў Віцебску некалькі ажывіўся гандаль прамысловымі таварамі. І хаця пакупнікоў пакуль не багата, блізу дваццаці гандляроў распачалі працу. У той самы час бальшыня індывідуальных прадпрымальнікаў не зьбіраюцца вяртацца на свае працоўныя месцы, калі ня будзе скасаваны ўказ № 222.

Месца пахаваньня савецкіх вайскоўцаў часоў Другой сусьветнай вайны сябрам партыі КХП БНФ Яну Дзяржаўцаву і Пятру Сарапеню паказала Секачова Людміла Сямёнаўна, жыхарка вёскі Казлы. Ва ўшанаваньне памяці пахаваных напрыканцы мінулага году партыйныя актывісты ўсталявалі драўляны крыж.

Дэлегацыя прадпрымальнікаў з розных гандлёвых цэнтраў і рынкаў Віцебску 6 студзеня наведала аблвыканкам. Прадпрымальнікі перадалі ўладам рашэньне праведзенага напярэдадні сходу пра тое, што не адновяць працу, пакуль ня будзе скасаваны ўказ № 222.

Пракурорскія работнікі Віцебскай вобласьці прааналізавалі захаванасьць і належную эксплёатацыю жылога фонду. Праверкі сьведчаць, што наймадаўцы зацягваюць зь бягучым і капітальным рамонтам будынкаў, дапускаюць іншыя парушэньні жыльлёвага заканадаўства.

Дзясяткі прадпрымальнікаў выйшлі на акцыю пратэсту на Цэнтральным рынку ў Воршы. Пратэстоўцы трымалі плякаты «Працу прадпрымальнікам» і «Скасаваць указ №222». У сваёй заяве прадпрымальнікі падкрэсьлілі: «Мы паказваем усім, што мы не ў «адпачынках», а патрабуем скасаваць указ №222. Паглядзіце, колькі людзей сабралася!»

4 студзеня старшыня Праваабарончага цэнтру «Вясна» Алесь Бяляцкі накіраваў скаргу пракурору Ленінскага раёну Менску ў сувязі з тым, што на яго зварот па справе Міхаіла Жамчужнага Вярхоўны суд да гэтага часу ня даў адказу. Зварот старшыню Вярхоўнага суду Рэспублікі Беларусь быў накіраваны 12 лістапада 2015 году.

Па рашэньні эканамічнага суду вобласьці за нелегальны гандаль у аднаго з прыватных прадпрыемстваў Віцебску канфіскавана бытавой і кампутарнай тэхнікі больш як на 640 мільёнаў рублёў, а таксама накладзены штраф у 3,6 мільёну. Абласная пракуратура, куды ўладальнік ПУП неаднаразова зьвяртаўся са скаргамі, ня выявіла парушэньняў у працы падатковых органаў падчас кантрольнай закупкі.

Віцебскі раённы выканаўчы камітэт, разгледзеўшы калектыўны зварот мясцовых актывістаў КХП-БНФ, паведаміў, што раскопкі, якія праводзіліся ў кастрычніку – лістападзе 2015 году ў лясным масіве каля вёскі Хайсы сіламі 52-га асобнага спэцыялізаванага пошукавага батальёну, не далі адназначнага адказу на пытаньне пра тое, хто, калі і пры якіх акалічнасьцях быў расстраляны і таемна пахаваны ў лесе.

З той нагоды, што віцебская суполка грамадзкага аб'яднаньня “Беларуская асацыяцыя журналістаў” перамагла ў конкурсе на найлепшую філію 2015 году, яе куратар, Алена Сьцяпанава, адказала на некалькі пытаньняў для чытачоў нашага сайту.