Аднаго з нашых чытачоў, як ён мяркуе, падманулі ў аптэцы, прадаўшы няпоўную шклянку абляпіхавага алею. Дамовіцца з аптэкарамі аб замене тавару не атрымалася. Тады віцяблянін пачаў шукаць у горадзе прадстаўнікоў таварыства абароны правоў спажыўцоў. І не знайшоў. Паспрабавалі высьветліць, куды ж зьвяртацца звычайнаму пакупніку ў такіх выпадках?

Да блогера і грамадзкага актывіста з Параф’янава Докшыцкага раёну Кастуся Шыталя 7 сьнежня наведалася міліцыя. Капітан міліцыі з Докшыцкага РАУС зьбіраў зьвесткі наконт незалежнага журналіста з Глыбокага Зьмітра Лупача.

Грамадзкія актывісты зь вёскі Суйкава Віцебскага раёну сустрэліся з начальнікам упраўленьня ЖКГ аблвыканкаму Юрыем Дзядзёлам і намесьнікам старшыні Віцебскага райвыканкаму па будаўніцтве Аляксеем Героевым. Сустрэча адбывалася 4 сьнежня ў аблвыканкаме. Размова ішла пра пэрспэктыву завяршэньня будаўніцтва водаправоду ў вёсцы.

Сюды варта было б прыводзіць экскурсіі. Школьнікаў, студэнтаў, пэнсіянэраў – усіх. Каб нагадаць, на чым трымаецца наша чысьцюткая, рафінаваная і вельмі грэблівая ў век аднаразовых сурвэтак чалавечая цывілізацыя. Каб узгадалі, што такое горад, жыцьцё і людзі. І няма чаго заціскаць нос. Бо сваё лайно – ня пахне…

На чарговым паседжаньні Віцебскай гарадзкой выбарчай камісіі па выбарах гарадзкога Савету дэпутатаў, якое адбылося 5 сьнежня, было разгледжанае пытаньне рэгістрацыі ініцыятыўных групаў. Вынікам паседжаньня стала рэгістрацыя дзьвюх групаў грамадзян, якія маюць намер праз збор подпісаў зарэгістраваць свайго лідэра для яго ўдзелу ў выбарчай кампаніі ў якасьці кандыдата ў дэпутаты гарадзкога прадстаўнічага органа ўлады.

Генадзя Бердзенева судзілі завочна: 1 сьнежня ён ня змог трапіць з Полацку да 9:30 у суд Маскоўскага раёну Менску. Пра штраф памерам 25 базавых велічынь ён даведаўся праз тэлефон.

Трагедыя, якая напаткала сям’ю вядомага сярод нацыянальна арыентаваных беларусаў прадпрымальніка зь Бешанковічаў Уладзімера Рамановіча, не пакінула абыякавымі грамадзкасьць. Людзі пералічвалі на заяўленыя рахункі грошы і прапаноўвалі іншыя віды дапамогі. А мясцовая ўлада выдзеліла 50 кубамэтраў лесу на корані. А ў нядзелю, 3 сьнежня, усе запрашаліся на талаку...

На пачатку лістапада жыхары Віцебску зьвярнуліся да гарадзкіх уладаў з просьбай акультурыць Парк культуры чыгуначнікаў. Прасілі адрамантаваць дарожкі, усталяваць арэлі на дзіцячых пляцоўках, рэканструяваць небясьпечную лаўку на беразе стаўка. 30 лістапада быў атрыманы адказ.

Справаздачна-выбарная канфэрэнцыя Віцебскай абласной арганізацыі Беларускай сацыял-дэмакратычнай партыі (Грамада) прайшла 27 лістапада ў абласным цэнтры. У працы канфэрэнцыі ўзяў удзел генэральны сакратар БСДП Мечыслаў Грыб.

Арт-праект pARTisan сумесна з паблікам “Маладое кіно” зладзілі ў Віцебску паказ дакумэнтальных стужак маладых рэжысэраў з Украіны і Беларусі. “Ленінапад” Сьвятланы Шымко выклікаў вострую дыскусію. А дэбютны фільм віцяблянкі Вольгі Прусак “БЕЛ-79” атрымаў захапляльныя водгукі. Кінапрагляд адбыўся ў віцебскім арт-цэнтры VZAP.