У сацсетках УУС Віцебскага аблвыканкама з’явілася паведамленне пра тое, што следчымі праводзіцца праверка адносна ўчынка 22-гадовай навапалачанкі. У сакавіку гэтага года дзяўчына сфатаграфавала супрацоўнікаў Вушацкага РАУС, якія прыехалі па выкліку для разбіральніцтва, а потым выклала гэты здымак у свой Тэлеграм-канал, суправадзіўшы “"каментаром абразлівага зместу на адрас міліцыянтаў".

Павел Агееў – не проста паэт і кампазітар. Ен вядомы перадусім у інтэрнэце: пад нікам @a8p4s  аўтар мае акаўнты  ў Instagram, TіkTok і YouTube. Там ён выкладае свае песні, словы да якіх піша сам, а музыку – з дапамогай штучнага інтэлекту. З дапамогай ШІ ён стварае і кліпы да сваіх твораў. Адзнака поспеху для яго – рост колькасці праглядаў.Але з нядаўняга часу дадаўся яшчэ адзін паказнік папулярнасці: песні Паўла Агеева пачалі выконваць  у Расіі. Асабліва часта – на конкурсах і канцэртах з вайсковым ухілам, дзе згадваюць “герояў СВО”.