Конкурс грамадскіх ініцыятыў выклікае ўсё больш пытанняў
Віцебскі аблвыканкам ужо некалькі год запар абвяшчае конкурс грамадскіх ініцыятыў, па выніках якога праекты-пераможцы атрымліваюць фінансавыя сродкі на іх рэалізацыю. Праўда, “за кадрам” заўсёды застаецца, якая менавіта ініцыятыва распрацоўвала праект, хто гэтыя людзі і якую частку грамадскасці прадстаўляюць. Селета ўлады маюць намер падтрымаць 11 праектаў, але пра іх сутнасць нічога не гаворыцца, хаця іх можна лічыць грамадска значнымі. Ужо не кажучы пра тое, што на рэалізацыю будуць выдаткаваны бюджэтныя сродкі.
У Глыбоцкім раёне зафіксаваны рост падлеткавай злачыннасці
Не дапамагае ні ідэалагічнае выхаванне, ні стварэнне вайскова-паірыятычных класаў. Мясцовы РАУС таксама не можа прапанаваць нічога кардынальна новага: толькі прафілактычную акцыю “Падлетак”, якая будзе праводзіцца на наступным тыдні - з 19 па 24 мая.
Ксёндз Анджэй Юхневіч, асуджаны да 13 гадоў калоніі, абскарджвае вырак
Суд звінаваціў пробашча санктуарыя Маці Божай Фацімскай у Шуміліне ў злачынствах супраць сэксуальнай недатыкальнасці непаўнагадовых.Падчас працэсу святар не прызнаваў свае віны і імкнуўся яе аспрэчыць. Цяпер, як стала вядома выданню katolik.life, ксёндз падаў апеляцыйную скаргу ў Віцебскі абласны суд.
Жыхароў Віцебшчыны “набліжаюць” да Расіі
Дзяржаўныя СМІ актыўна прапагандуюць імпрэзы, на якія запрашаюць беларусаў, распавядаюць пра мажлівасці адпачынку ў Крыме і ўвогуле ўсяляк падкрэсліваюць, што паездка ў суседнюю краіну - гэта амаль што “як да сябе дадому”. Такім чынам праводзіцца ідэалагічны пасыл пра “еднасць нашых народаў”.
У Оршы можа з’явіцца памятны знак у гонар ліквідатараў наступстваў аварыі на ЧАЭС
Віцебскі аблвыканкам падтрымаў праект мясцовых жыхароў, якія выступілі з такой прапановай, падаўшы заяўку на конкурс грамадскіх ініцыятыў. Іншых падрабязнасцяў пра гэты праект не паведамляецца: ні хто выступіў з ініцыятывай, ні як будзе выглядаць памятны знак, ні дзе яго ўсталююць. Чамусьці гэты конкурс аблвыканкама заўсёды мае патаемныя бакі.
Віцебская епархія “пераабулася”
8 траўня на сайце Віцебскай епархіі была анансавана праграма міжнароднага праваслаўнага фестываля «Радасць»,куда была ўключана дабрачынная акцыя «Дапамога жыхарам Данбасу». Падчас яе, паводле абвесткі, планаваўся збор сродкаў у тым ліку і для ваенных частак ДНР і ЛНР. 13 траўня праграму адкарэктавалі - цяпер абзаца пра збор сродкаў для вайскоўцаў няма.
Памёр віцебскі журналіст і пісьменнік Сяргей Урублеўскі
На Віцебшчыне яго памятаюць як першага рэдактара абласной газеты «Народнае слова». На гэтай пасадзе Сяргей Урублеўскі адпрацаваў 18 гадоў - з 1990-га па 2008-мы. Газета была са сваімі чытачамі ў самыя складаныя часы станаўлення новай беларускай дзяржаўнасці.
Корпус віцебскай гімназіі №1, у якім трэснула сцяна, прапануюць знесці
На месцы “сталінскай школы”, збудаванай яшчэ ў 1938 годзе, хочуць узвесці новы корпус - стары аднаўленню не падлягае. Рэканструкцыю прапануюць правесці і ў навейшым корпусе, збудаваным у 1975 годзе. З 8 траўня ў Віцебску ідзе абмеркаванне справаздачы аб ўздзеянні аб’екта на навакольнае асяроддзе. У дзяржаўных СМІ пра пачатак грамадскага абмеркавання не паведамілі - старонкі газет былі спрэс занятыя матэрыяламі пра святкаванне Дня Перамогі.
Стала вядома пра затрыманне Мікіты Лосіка — малодшага брата палітвязня Ігара Лосіка
25-гадовага Мікіту затрымалі ў Оршы - там хлопец па размеркаванні пасля вну працаваў праграмічтам на інструментальным заводзе.Зараз ён знаходзіцца ў віцебскім СІЗА. Паводле інфармацыі незалежных СМІ, Мікіту Лосіка вінавацяць у «садзейнічанні экстрэмісцкай дзейнасці» — нібыта за перасылку Тэлеграм-каналу «Беларускі гаюн» фотаздымкаў перасоўвання вайсковай тэхнікі ў 2022 годзе.
Абласная пракуратура заўважыла парушэнні ў “вайскова-мемарыяльнай сферы”
Напярэдадні 9 траўня віцебская абласная пракуратура ўпікнула мясцовых чыноўнікаў за недастатковую працу па ўшанаванні памяці загінулых у Вялікай Айчыннай вайне. Заўвагі тычыліся дзейнасці па ўстанаўленні імёнаў загінулых, занясення іх у электронную Кнігу памяці і на мясцовыя помнікі і мемарыялы.