Вы будзеце смяяцца: у віцебскім парку 1000-годдзя зноў садзілі дрэвы
Штогадовая пасадка дрэваў у гэтым месцы пачала нагадваць нейкае рытуальнае дзеянне: дрэвы садзяць ужо ужо не адно дзесяцігоддзе, а яны ўпарта не хочуць прыжвацца. Такім чынам азеляненне Парка 1000-годдзя праводзяць з пачатку 2000-х.
Замест згарэлага гандлёвага цэнтра “Беларусь” будзе новы цэнтр – забаўляльны
У будынку былога гандлёвага цэнтра пасля рэканструкцыі хочуць зрабіць дзве кіназалы, дзіцячы забаўляльны цэнтр, фуд-корты, элітную гасцінічную залу і СПА-цэнтр. Гэта пацвердзіў галоўны архітэктар Віцебска Андрэй Макееў. Запатрабаванасць гэтых аб’ектаў выклікае сумневы. І – нічога не вядома пра вынікі расследавання прычынаў пажару ў “Беларусі”, які адбыўся 13 снежня мінулага года.
Дзівосы са стэлай для Оршы працягваюцца
Нагадаем: сёлета 30 сакавіка дзяржаўныя СМІ абвясцілі, што Оршу ( і Баранавічы) вылучылі на прысваенне ганаровага звання «Горад працоўнай славы.1941-1945» ў межах праекта СНД да 80-годдзя перамогі ў Вялікай Айчыннай вайне. Званне дагэтуль не надалі, а памяны знак -стэлу – з гэтай нагоды ўжо ствараюць. Ды як!
10 кастрычніка — Сусветны дзень барацьбы супраць смяротнага пакарання
Пасля Другой сусветнай вайны сусветная супольнасць пераасэнсавала каштоўнасць кожнага чалавечага жыцця і дэкларавала права на жыццё кожнага чалавека незалежна ад яго сацыяльнага статусу. У 1971 годзе Рэзалюцыя ААН стала першым крокам да ўсеагульнай адмены смяротнага пакарання. Беларусь з’яўляецца апошняй краінай у Еўропе і на постсавецкай прасторы, якая штогод прымяняе смяротнае пакаранне ў дачыненні да сваіх грамадзянаў.
Пайшла на падвышэнне суддзя Кацярына Мажэйка, якая судзіла Дзмітрыя Казлова -блогера Шэрага Ката
Кацярына Мажэйка працавала суддзёй у судзе Оршы і Аршанскага раёна. Згодна з апошнім указам Аляксандра Лукашэнкі “Аб прызначэнні і вызваленні суддзяў” №357 ад 6 кастрычніка 2025 года яе прызначылі суддзёй у Віцебскі абласны суд.
Кандыдат гістарычных навук з Віцебска: “Великодержавность заложена у поляков генетически”
Гарадская газета “Віцьбічы” надрукавала інтэрв’ю з кандыдатам гістарычных навук Аляксандрам Косавым. Інтэрв’ю тычыцца стасункаў паміж Польшчай і Беларуссю. Аляксандр Косаў у сваіх выказваннях зневажае палякаў і кіраўніцтва суседняй краіны, у што да ўласнай дзяржавы, то ўпарта выкарыстоўвае тэрмін “Западная Белоруссия”.
"Экстрэмісцкай" абвясцілі старонку ў Facebook полацкага актывіста Яўгена Вільскага
Адпаведнае рашэнне прыняў 7 кастрычніка суд Полацка і Полацкага раёна. У той самы дзень той самы суд прызнаў "экстрэмісцкімі" яшчэ некалькі інтэрнэт-рэсурсаў: Telegram-канал "Врачи за правду и справедливость"; YouTube-канал "Врачи за правду и справедливость"; старонку ў Facebook з назвай "Врачи за правду и справедливость".
У міждзяржаўную базу вышуку Беларусі і Расіі ўключылі навукоўца Віктара Якубава і шматдзетную маці Ганну Куліеву
“Медыязона” апублікавала абноўленую вышуковую базу. У ёй з’явіліся імёны і прозвішчы двух жыхароў Віцебшчыны – шматдзетнай маці Ганны Куліевай і былога выкладчыка Полацкага дзяржаўнага ўніверсітэта Віктара Якубава, кандыдата гістарычных навук. Абодва некалькі год таму былі вымушаны пакінуць Беларусь.
У Віцебскім абласным судзе будуць судзіць удзельнікаў ініцыятывы “Честные люди”
Пракуратура Віцебскай вобласці накіравала ў абласны суд крымінальную справу ў дачыненні да чацвярых «удзельнікаў экстрэмісцкага фарміравання». Суд будзе завочным – у парадку так званай “спецвытворчасці”, бо абвінавачаныя знаходзяцца па-за межамі Беларусі. Але пракуратура падкрэслівае, што ў дачыненні да іх прыменена мера стрымання ў выглядзе ўзяцця пад варту.
У Оршы аб'явілі конкурс на стварэнне праекта памятнага знака ліквідатарам аварыі на ЧАЭС. Але ёсць пытанні!
На тое, каб падаць заяўку, у ахвотных узяць удзел у конкурсе ёсць усяго два з паловай тыдні. А вось пажаданняў да аўтараў ад мясцовых уладаў – цэлы спіс. Ёсць і пытанне з фінансаваннем, бо пакуль аршанцам агучылі вельмі невялікую суму за гэты памятны знак – усяго 35 тысяч рублёў. І яшчэ адно пытанне: гэта будзе помнік ліквідатару ці працаўніку пажарнай службы. Разбіраемся ў дэталях.