Учора пад Расонамі затрымалі каля 350 чалавек
Паводле папярэдняй інфармацыі, гэта былі ўдзельнікі штогадовага злета, якія праводзіць беларускія прадстаўнікі руху "Сям'я вясёлкі' (Rainbow Family). Ён аб'ядноўвае прыхільнікаў ідэі гарманічнага суіснавання з прыродай і пратэсту супраць умоўнасцяў капіталістычнага грамадства. Злеты праводзяцца у мала населеных месцах, наметавыя гарадкі ўсталёўваюць паблізу вадаёмаў.
У Віцебску паставілі яшчэ адзін помнік АМАПу
Тэлеграм-канал “Милиция Беларуси. Мы – НА СТРАЖЕ” паведаміў пра адкрыццё ў Віцебску памятнага знака ў гонар АМАПу. “Символично, что памятный знак увенчан фигурой орла — олицетворением мужества, отваги и зоркости”, - заявіў кіраўнік абласнога ўпраўлення МУС Віцебскага аблвыканкама. Аднак у Віцебску ўжо ёсць адзін памятны знак, прысвечаны АМАПу. Праўда, з іншай птушкай.
Гарадоцкая “раёнка” палохае землякоў узроўнем беднасці ў Літве. Але ў рэгіёне ён яшчэ горшы
На сайце газеты “Веснік Гарадоччыны” выйшаў чарговы матэрыял прапагандысцкага праекта «Анализируя факты: авторский взгляд». Аднак факты аўтарка Любоў Шляйко прыводзіць вельмі выбарачна. І зусім не імкнецца параўнаць прыведзеныя лічбы з заробкамі ва ўласным рэгіёне.
9 непоўнагадовых сёлета пакараны судамі за “садзейнічанне экстрэмісцкай дзейнасці”
Такія звесткі пра крымінальныя справы, распачатыя супраць непоўнагадовых і разгдеджаныя рознымі судамі за першую палову 2026 года, утрымліваюцца ў адмысловай справаздачы на сайце Вярхоўнага суду.
Дзмітрый Паўлічэнка трэці раз за гэтае лета прыязжае ў дзіцячы летнік, каб вучыць дзяцей “патрыятызму” са зброяй у руках
Трэцяя змена ідзе ў летніку Бароўка ў Лепельскім раёне, і ўжо трэці раз выступаць перад выхаванцамі туды запрашаюць кіраўніка “экскадронаў смерці” - таемнага фармавання, якое ў 1990-х гадах забівала апанентаў Аляксандра Лукашэнкі. Дзмітрый Паўлічэнка заяўляе, што ягоныя візіты спрыяюць выхаванню патрыятызму, і што заняткі, арганізаваныя прадстаўнікамі сілавых структур, “заўсёды выклікаюць захапленне”.
Святара родам з Лепеля асудзілі да двух гадоў «хатняй хіміі». Bерагодна, па справе «Беларускага Гаюна»
Імя праваслаўнага святара Аляксея Пыцько 24 ліпеня з'явілася ў спісе «экстрэмістаў», які складае МУС. Паводле інфармацыі на сайце ведамства, ён асуджаны Брэсцкім абласным судом і прызнаны вінаватым паводде чч. 1 і 2 арт.. 361-4 КК РБ («Садзеянне экстрэмісцкай дзейнасці») і ў яго “судзімасць не пагашана”. Аляксею Пыцько 43 гады, ен шматдзетны бацька – разам з жонкай ён выхоўвае пецярых дзяцей.
Былых зняволеных у Глыбоцкім раёне адправілі працаваць на ферму
У Глыбокім, арганізуючы “працатэрапію” да 12-ці чалавек, якія вызваліліся з месцаў несвабоды і лічацца “дармаедамі”, яшчэ і спаслаліся на патрабаванне Лукашэнкі “активно принимать участие в уборочной кампании, подготовке ферм к зимне-стойловому периоду, строительстве объектов сельхозназначения”.
Абяцалі рэканструкцыю, але абмежаваліся суботнікам
У мінулую суботу у аршанскім дзяіцячым парку “Сказочная страна” правялі суботнік па добраўпарадкаванні тэрыторыі. Зрэшты, суботнікам працу ў гэты дзень іможна было лічыць не ўсім: уладальнікі атракцыёнаў і павільёнаў насамрэч выконвалі працы па добраўпарадкаванні “добраахвотна-прымусова”, а вось работнікі камунальнай гаспадаркі проста былі вымушаныя ліквідаваць недахопы сваёй ранейшай няякаснай працы па ўтрыманні парка. Што адметна, папрацаваць ва ўласны выходны дзень выйшлі дэпутаты Аршанскага райсавета і супрацоўнікі мясцовага райвыканкама. Якраз райвыканкам ужо не першы год і раздае абяцанні правесці ў парку грунтоўную рэканструкцыю.
Па версіі “Аршанскай газеты”, падлеткі, якім мала заплацілі за працу ў лясгасе, няправільна зразумелі абяцанне вялікіх заробкаў
Некалькі дзён назад аршанскія школьнікі – як цяпер высветлілася, вучні СШ№3 імя Уладзіміра Караткевіча, - распавялі пра непрыемную для іх сітуацыю. Маўляў, Аршанскі лясгас, дзе яны працавалі падчас вакацый, абяцаў заробкі да 1 тысячы рублёў. Але на рукі ім выдалі па 100 з нечым, а камусьці і яшчэ меней. Калі гісторыя дайшла да незалежных СМІ, сваё “расследаванне” правяла дзяржаўная раённая “Аршанская газета”. Інфармацыя пацвердзілася, але школьнікаў усё адно зрабілі "крайнімі".
Браслаўскай пракуратуры ёсць справа да беларускага летніка ў ЗША?
Паводле заявы пракуратуры суд Браслаўскага раёна прызнаў “экстрэмісцкай інфармацыйнай прадукцыяй” Telegram-канал “Беларускі летнік у ЗША. Гэты інтэрнэт-рэсурс уклбчылі ў Рэспубліканскі спіс экстрмісцкіх матэрыялаў на сайце Міністрэрства інфармацыі. Што яшчэ трапіла ў гэты спіс цягам апошняга тыдня?