Пракурор запатрабаваў для Ўладзіслава Макавецкага тры гады пазбаўлення волі
15 снежня ў судзе Кастрычніцкага раёну Віцебску закончыліся судовае следства і судовыя спрэчкі ў крымінальнай справе віцебскага мастака Ўладзіслава Макавецкага. 27-гадовага разьбяра абвінавачваюць паводле арт. 364 КК («Гвалт або пагроза ўжывання гвалту ў дачыненні супрацоўніка ўнутраных спраў»). Пракурор запрасіў у суду пакараць яго зняволеннем на 3 гады. Прысуд агучаць 16 снежня.
Каталіцкі святар Вячаслаў Барок выйшаў на волю з віцебскага СІЗА
У Віцебску пасля 10 сутак арышту, прысуджаных за размяшчэнне ў сацсетках выявы плакату Уладзіміра Цэслера «Стоп Лукашызм», выйшаў на волю ксёндз Вячаслаў Барок – пробашч парафіі святога Язафата Кунцэвіча ў Расонах. Яго вызвалілі ўвечары 13 снежня. На волі айца Вячаслава сустракалі некалькі дзясяткаў людзей, паведамляе Беларускае Радыё Рацыя.
Былому кантрактніку ўнутраных войскаў прысудзілі «хімію» за абразу міліцыянта
Суд Віцебскага раёну 11 снежня асудзіў віцябляніна Ягора Карапузава на паўтары гады «хіміі» за слова «тварь», якое мужчына ўжыў у паведамленні ў Тэлеграм-канале «Банда Лукі». Суд палічыў гэта «публічнай абразай прадстаўніка ўлады ў сувязі з выкананнем ім службовых абавязкаў». Пацярпелым аказаўся супрацоўнік Чыгуначнага РАУС Віцебску маёр міліцыі Андрэй Зуеў.
У Віцебску судзяць двух сілавікоў – за перавышэнне ўлады і падбухторванне да гандлю наркотыкамі
Віцебскім абласным судом у закрытым рэжыме разглядаюцца крымінальныя справы, распачатыя ў дачыненні былых сілавікоў Анатоля Дзямідава і Дзмітрыя Савянка. Іх абвінавачваюць у перавышэнні ўлады, падбухторванні да гандлю наркотыкамі і шэрагу іншых злачынстваў, паведамлюць Народныя навіны Віцебска.
Вячаслава Целіцына, які абвясціў страйк на «Віцебскіх дыванах», звальняюць з працы
Вячаслава Целіцына, які 1 снежня далучыўся да агульнанацыянальнай забастоўкі, звальняюць з працы за прагулы без уважных прычын. Загад аб звальненні 7 снежня падпісала выканаўца абавязкаў генеральнага дырэктара прадпрыемства «Віцебскія дываны» Шчукіна. На «Віцебскіх дыванах» Целіцын працаваў аператарам.
Каталіцкіх святароў вызвалілі з СІЗА ў Віцебску: суд вярнуў справы ў РАУС – на дапрацоўку
Суд Першамайскага раёну Віцебску разгледзеў 9 снежня адміністрацыйныя справы ў дачыненні каталіцкіх святароў Аляксея Варанко і Віктара Жука, затрыманых напярэдадні каля ГЦ «Грын» і змешчаных да суду ў ізалятар часовага ўтрымання. Праз недастатковасць звестак у матэрыялах справы суд адправіў іх на дапрацоўку ў міліцыю. Святары на волі.
Віцябляніну Алегу Яфрэменку прысудзілі 4 з паловай гады калоніі за падсечку міліцыянту
9 снежня суд Першамайскага раёну Віцебску завяршыў разгляд крымінальнай справы ў дачыненні да 39-гадовага віцябляніна Алега Яфрэменкі. Суд прызнаў яго вінаватым у злачынстве паводле артыкулу 364 КК («Гвалт або пагроза ўжывання гвалту ў дачыненні супрацоўніка ўнутраных спраў»).
Мастака Уладзіслава Макавецкага судзяць за тое, што замахнуўся на міліцыянта дубінкай
Суд Кастрычніцкага раёну Віцебску 9 снежня пачаў разглядаць крымінальную справу віцебскага мастака Уладзіслава Макавецкага, абвінавачанага ў злачынстве паводле арт. 364 КК («Гвалт або пагроза ўжывання гвалту ў дачыненні супрацоўніка ўнутраных спраў»). Віцябляніну пагражае да 6 гадоў пазбаўлення волі.
У Віцебску затрымалі яшчэ двух каталіцкіх святароў. Яны ў СІЗА
У Віцебску 8 снежня былі затрыманыя грэка-каталіцкі святар Аляксей Варанко і пробашч парафіі святога Уладзіслава ксёндз Віктар Жук. Да суду іх змясцілі ў СІЗА-2. Пра затрыманні паведаміла жонка Аляксея Варанко.
Ксяндза Вячаслава Барка ўтрымліваюць у віцебскім СІЗА
3-га снежня ў судзе Расонскага раёну пробашча мясцовай парафіі ксяндза Вячаслава Барка асудзілі да 10 сутак арышту. Святара прызналі вінаватым у правапарушэнні паводле артыкулу 17.10 КаАП («Прапаганда або публічная дэманстраванне і (або) распаўсюд нацысцкай сімволікі і атрыбутыкі»). Вячаслаў Барок адбывае пакаранне ў СІЗА-2 Віцебску, перадае Беларускае Радыё Рацыя.