Абласная псыхіятрычная клініка перапрафілюецца для прыёму хворых на пнэўманію
Некалькі аддзяленьняў Віцебскага абласнога клінічнага цэнтру псыхіятрыі і наркалёгіі, які разьмяшчаецца ў пасёлку Віцьба пад Віцебскам (у народзе – «дзявятка»), перапрафіляваныя для лячэньня хворых на пнэўманію. Пра гэта «Віцебскай Вясьне» на ўмовах ананімнасьці паведаміў наш чытач.
Палітвязьня Жамчужнага этапавалі зь Віцебску ў калёнію №9 у Горках
Палітвязень Міхаіл Жамчужны ўжо ня ў Віцебску. Яго этапавалі ў папраўчую калёнію №9 у Горках, дзе ён адбываў пакараньне раней. Гэта вынікае зь ліста, які атрымаў нядаўна ад палітвязьня віцебскі праваабаронца Леанід Сьвецік.
Віцебская кадэцкая вучэльня аднаўляе 20 красавіка навучальны працэс
Ад 20 красавіка ў Віцебскай кадэцкай вучэльні аднаўляюцца вучэбныя заняткі. Кадэты-навучэнцы мусяць прыехаць у вучэльню 19 красавіка да 20.00, паведамляе афіцыйны сайт Віцебскай кадэцкай вучэльні.
Праваабаронцы накіравалі Паўла Левінава для працы ў штаб па барацьбе з COVID-19
Простае таварыства «Грамадзкі камітэт упаўнаважаных па правах чалавека «Правы для ўсіх» папрасіла ўключыць прадстаўніка камітэту Паўла Левінава ў склад Віцебскага абласнога штабу па барацьбе з распаўсюдам каронавірусу. Чыноўнік Віцебскага аблвыканкаму пакінуў гэтую просьбу «без разгляду па сутнасьці».
Экспэрт СААЗ у Віцебску: Змаганьне з COVID-19 можа расьцягнуцца на 12-18 месяцаў
Дэлегацыя Сусьветнай арганізацыі аховы здароўя (СААЗ) наведала Віцебск, каб ацаніць эпідэміялягічную сытуацыю ў рэгіёне. У складзе дэлегацыі – два супрацоўнікі Эўрапейскага бюро арганізацыі ў Капэнгагене і прадстаўнік штаб-кватэры СААЗ у Жэнэве. Экспэрты сустрэліся з мясцовымі ўладамі і наведалі мэдычныя ўстановы абласнога цэнтру, пішуць «Витебские вести».
Упраўленьне юстыцыі адмовілася назваць склад грамадзкай назіральнай камісіі
Праваабаронца Павал Левінаў папрасіў Галоўнае ўпраўленьне юстыцыі аблвыканкаму даць яму поўную інфармацыю аб складзе і працы Віцебскай абласной грамадзкай назіральнай камісіі. Яму не назвалі ніводнага прозьвішча, спаслаўшыся на тое, што гэтая інфармацыя абмежаваная.
Віцебскі абласны суд разгледзеў скаргу Міколы Шараха праз Skype. Які вынік?
8 красавіка Віцебскі абласны суд у анлайн-рэжыме разгледзеў скаргу старшыні Свабоднага прафсаюзу Беларускага Міхолы Шараха на пастанову Полацкага суду, які 2 сакавіка аштрафаваў яго на 405 рублёў за парушэньне заканадаўства аб масавых мерапрыемствах (арт. 23.34 КаАП). Скаргу разглядала судзьдзя Сьвятлана Іванова праз Skype.
У Шумілінскай больніцы хварэюць 30% лекараў. Галоўны ўрач абвяргае інфармацыю
6 красавіка ў сацыяльных сетках зьявіліся паведамленьні пра тое, што Шумілінскую ЦРБ перапрафіліявалі для лячэньня хворых на каронавірус і ў тэрміновым парадку пачалі выпісваць тых, хто ляжаў з іншымі дыягназамі. Амаль адначасна зьявіліся допісы, у якіх паведамлялася, што лекары б'юць трывогу, бо засьцерагальных сродкаў для бясьпечнай працы не хапае.
Дзяржкантроль правярае, ці адпаведныя заробкі атрымліваюць лекары
Супрацоўнікі Камітэту дзяржкантролю Віцебскай вобласьці выявілі факты неабгрунтаванага зьніжэньня заробкаў мэдыкам, якія працуюць зараз з падвышанай нагрузкай. Пра недаплаты супрацоўнікам мэдычных установаў кантралёры даведаліся падчас «гарачай лініі», паведамляе афіцыйны сайт КДК РБ.
Праваабаронца: Перапіска з палітвязьнем Жамчужным перарвалася
Віцебскія праваабаронцы перасталі атрымліваць лісты ад палітвязьня Міхаіла Жамчужнага. Магчымыя прычыны: поўная ізаляцыя палітвязьня ў сувязі з пандэміяй COVID-19 альбо этапаваньне ў Горацкую калёнію, мяркуе праваабаронца Леанід Сьвецік.