22 удары нажом. Мужчыну асудзілі на 13 гадоў за забойства грамадзяніна Ўкраіны
Віцебскі абласны суд вынес на гэтым тыдні прысуд жыхару Віцебскага раёну Віктару Б., які быў абвінавачаны ў забойстве з асаблівай жорсткасьцю грамадзяніна Ўкраіны (п.6 ч.2 арт.139 КК) у ліпені 2019 году. Мужчыну прызналі вінаватым і прысудзілі да 13 гадоў зьняволеньня ў папраўчай калёніі ўзмоцненага рэжыму.
Суд не адмяніў рашэньне выбарчай камісіі аб нерэгістрацыі Натальлі Шарыпы
23 кастрычніка Віцебскі аблсуд разгледзеў грамадзянскую справу па скарзе Натальлі Шарыпы на рашэньне абласной камісіі па выбарах дэпутатаў Палаты прадстаўнікоў. Віцяблянку не зарэгістравала ў якасьці кандыдаткі акруговая камісія, абласная ж – падтрымала такое рашэньне. Шарыпа падала ў суд…
Суд прызнаў вінаватым праваслаўнага дзяка, які зламаў сьцяг на пікеце ў Віцебску
У судзе Чыгуначнага раёну Віцебску 22 кастрычніка разгледзелі адміністрацыйную справу аб пашкоджаньні маёмасьці – на лаве падсудных апынуўся панамар адной з праваслаўных цэркваў у Віцебску і прыхільнік “русского міра” Анатоль Шлыкаў.
Павал Левінаў абскардзіў у судзе пастанову адміністрацыі Чыгуначнага раёну Віцебску
У судзе Чыгуначнага раёну Віцебску 21 кастрычніка сябра абласной выбарчай камісіі Павал Левінаў абскардзіў пастанову раённай адміністрацыі аб спыненьні справы аб адміністрацыйным правапарушэньні, якое ўчынілі сябры камісіі №19 па Чыгуначнай выбарчай акрузе. Справу разглядала судзьдзя Алена Цыганкова.
У Полацку пачаўся працэс над абвінавачанымі ў лютым забойстве: закапалі мужчыну жыўцом
У панядзелак 21 кастрычніка Віцебскі абласны суд у выязным судовым паседжаньні ў Полацку пачаў разгляд крымінальнай справы трох палачан, якіх абвінавачваюць у разбоі (ч.3 арт.207 КК) і забойстве, учыненым з асаблівай лютасьцю (ч.2 ст.139 КК). Апошні артыкул прадугледжвае ў тым ліку сьмяротнае пакараньне.
“Дык што ў нас з адкідамі?” У Віцебску выступіла эколяг Натальля Блышчык
У суботу 19 кастрычніка ў Віцебскай абласной навукова-тэхнічнай бібліятэцы эколяг-экспэрт зь Менску Натальля Блышчык выступіла зь лекцыяй “Дык што ў нас там з адкідамі?”. Сустрэча прайшла ў межах адукацыйнага праекту “АГА” (Адкрытая грамадзянская адукацыя).
Віцябляне рыхтуюцца змагацца з фальсыфікацыямі на парлямэнцкіх выбарах
У межах кампаніі “Права выбару” ў Віцебску праходзяць трэнінгі для ахвотных стаць незалежнымі назіральнікамі на выбарчых участках. На дзьве віцебскія акругі – Чкалаўскую і Горкаўскую – каардынатары кампаніі мяркуюць падрыхтаваць больш за 140 назіральнікаў. Парлямэнцкія выбары ў Беларусі адбудуцца сёлета 17 лістапада.
Камісія №20 “забракавала” двух прэтэндэнтаў: Натальля Шарыпа – па-за гульнёй
Віцебскую актывістку “Матчынага руху 328” Натальлю Шарыпу не зарэгістравалі ў якасьці кандыдата ў дэпутаты па Віцебскай-Кастрычніцкай акрузе №20. За бортам выбарчай кампаніі апынуўся і сацыял-дэмакрат Алег Філеня. Затое ў подпісах рэктара ВДУ Аляксея Ягорава камісія не знайшла аніводнай памылкі…
Полацкага блогера Geibal выклікалі ў сьледчы камітэт – прасілі аддаць тэлефон
Полацкага блогера Рамана Ляўкоўскага (Geibal), які 14 кастрычніка заявіў, што яго катавалі ў міліцыі, выклікалі на наступны дзень у Полацкі міжраённы аддзел сьледчага камітэту. Паведамілі, што праверка па ягонай заяве будзе працягвацца да 10 дзён. Папрасілі таксама пакінуць для экспэртызы тэлефон…
У Віцебску судзяць мужчыну за фота Гітлера і карыкатуры на габрэяў
У Віцебскім абласным судзе слухаецца крымінальная справа, заведзеная супраць 34-гадовага жыхара абласнога цэнтру Аляксея В., якога абвінавачваюць у распальваньні расавай і нацыянальнай варожасьці. Яму пагражае да 5 гадоў зьняволеньня…