У Сеньненскім раёне на таргі выставілі дамы разам зь іх жыхарамі
У Віцебскай вобласьці ліквідаванае чарговае сельгаспрадпрыемства. Гэтым разам пад нож патрапіла ААТ «Пурплева» (Сеньненскі раён). Маёмасьць банкрута (будынкі, збудаваньні, тэхніка і іншыя актывы) выстаўленая на таргі. Былым супрацоўнікам прапануецца праз таргі выкупіць сваё жытло. Але калі знойдзецца іншы пакупнік, які запрапануе вышэйшы кошт, то ўладальнікам іх дамоў стане ён.
Актывісткі БХД пагутарылі са службоўцам аблвыканкаму пра мэдыцыну
Трое актывістак аргкамітэту партыі БХД сустрэліся 5 верасьня з начальнікам упраўленьня аховы здароўя Віцебскага аблвыканкаму Юрыем Дзеркачом. Дзеля загадзя заплянаванай сустрэчы з чыноўнікам Тацяна Севярынец і Ірына Захарава вырашылі не ісьці на судовы працэс, фігурантамі якога яны зьяўляліся. Апроч іх, удзел у сустрэчы ўзяла актывістка Алена Шабуня.
Ці магчымыя эфэктыўныя эканамічныя рэформы без палітычных? «Крэш-курс рэфарматара» даў адказ
У Віцебску 5 верасьня прайшла адкрытая размова-лекцыя «Крэш-курс рэфарматара: як пабудаваць новую Беларусь». Арганізатарам стала беларуская грамадзкая арганізацыя «Цэнтар новых ідэяў», а ў якасьці сьпікераў выступілі Алесь Аляхновіч, асьпірант Варшаўскай школы эканомікі, і віцэ-прэзыдэнт Цэнтру сацыяльных і эканамічных дасьледаваньняў «CASE Belarus» ды заснавальнік «Цэнтру новых ідэяў» Рыгор Астапеня.
Археоляг: Земляныя працы каля тэатру “Лялька” ў Віцебску – пад наглядам, па Пушкіна – не...
Земляныя працы па рэканструкцыі цепласеткі, якія вядуцца ў гістарычнай частцы Віцебску (Верхні замак), выклікалі занепакоенасьць гараджан – экскаватары ўразаюцца ў гістарычны слой. Цяпер – і на Замкавай гары, каля тэатру “Лялька”. “Віцебская вясна” папрасіла пракамэнтаваць сытуацыю археоляга Аляксея Белавусава – давераную асобу Інстытута гісторыі НАН РБ.
Актывістак БХД аштрафавалі бязь іх удзелу ў судовым працэсе
Суд Першамайскага раёну Віцебску за пікетаваньне рэстарацыі «Паедзем паядзім» аштрафаваў 5 верасьня дзьвюх віцебскіх актывістак аргкамітэту партыі БХД Ірыну Захараву і Тацяну Севярынец.
«Дэманстратыўна стаяла каля брамы рэстарану»: віцяблянку аштрафавалі за варту ў Курапатах
Судзьдзя віцебскага раённага суду Міхаіл Зубеня 5 верасьня прысудзіў 12 базавых велічыняў (294 рублі) штрафу віцебскай актывістцы аргкамітэту партыі «Беларуская хрысьціянская дэмакратыя» Алене Янушкоўскай.
На віцяблян завялі крымінальную справу за паклёп на пракурора
Упраўленьне СК РБ па Віцебскай вобласьці распачало крымінальную справу па ч.2 арт. 188 КК РБ (Паклёп) супраць віцяблян Рафаэля Кірылава-Шмільхольдхарда і доктара-праўдаруба Ігара Пастнова. Падставай стала заява пракурора гораду Віцебску Юрыя Раманоўскага.
Праваабаронцы б’юць трывогу: у віцебскім Верхнім замку зьнішчаецца культурны слой
У гістарычнай частцы Віцебску (Верхні замак) ад жніўня вядуцца працы па рэканструкцыі цеплатрасы. Экскаватарамі былі адкапаныя і выкінутыя на паверхню часткі драўляных канструкцый – цалкам магчыма, што маставой XIV стагодзьдзя. Пацьвердзіць здагадку ў археолягаў пакуль не атрымалася. Але праваабаронцы б’юць трывогу.
Абласны суд не падтрымаў змаганьне віцебскага праваабаронцы супраць псыхіятраў
30 жніўня судовая калегія па грамадзянскіх справах Віцебскага абласнога суду ў складзе судзьдзяў Аляксандра Федзюкевіча, Ніны Сазонавай і Натальлі Лях разгледзела скаргу Валера Місьнікава на рашэньне суду Кастрычніцкага раёну гораду Віцебску ад 23 ліпеня. Справа тычылася пазову праваабаронцы да службовых асобаў Віцебскага абласнога клінічнага цэнтру псыхіятрыі і наркалёгіі (ВАКЦПіН).
Кнігу пра турэмнае жыцьцё беларусаў прэзэнтавалі ў Віцебску
Прэзэнтацыя кнігі «Турма, мужчына і жанчына. Як сядзяць у сучаснай Беларусі» прайшла 30 жніўня ў «Эўрапейскім клюбе». На сустрэчы прысутнічала аўтарка – Алена Струвэ, гарадзкія актывісты, а таксама адзін з герояў кнігі – былы палітвязень Сяргей Парсюкевіч.