Ліквідатар-чарнобылец пра ўдзельнікаў «Чарнобыльскага шляху»: Нам зь імі не па дарозе
Віцебскі ліквідатар аварыі ў Чарнобылю палкоўнік Анатоль Гнеўка вельмі катэгарычна выказаўся наконт удзельнікаў «Чарнобыльскага шляху»: «Мы сваё месца ў “Чарнобыльскім шляху” заваявалі тым, што падарвалі сваё здароўе, жыцьці паклалі, спрабуючы ліквідаваць аварыю на ЧАЭС і мінімізаваць яе наступствы. А цяпер тыя, хто зьбіраецца на “Чарнобыльскі шлях”, далёкія ад чарнобыльскіх праблем. Яны ў свой час, дый цяпер, нічога не зрабілі для ліквідатараў, у якіх улада забірала сацыяльныя льготы і гарантыі. Таму нам зь імі не па дарозе».
Чарнобыльскія вянкі паплылі па Дзьвіне і Дняпры
Гэта ўжо традыцыйная акцыя, якая адбываецца штогод. «Некалькі актывістаў сабраліся а 18-й вечара каля крыжа на Ўсьпенскай горцы, а потым усе спусьціліся ўніз — бліжэй да таго месца, дзе Віцьба ўпадае ў Дзьвіну. Калі пачалі пускаць вянок, аднекуль набеглі работнікі камунальных службаў ды пачалі крычаць: „Чаму забруджваеце рэчку розным сьмецьцем?“. А людзі ў цывільным здымалі гэта на відэа. Але наш вянок гэтым разам хутка-хутка паплыў па вадзе, хоць у мінулыя гады яго даводзілася нават штурхаць. А так — як Бог яго падхапіў ды панёс…», — распавёў удзельнік акцыі старшыня абласной суполкі партыі БНФ Леанід Аўтухоў.
БХД зоймецца вырашэньнем лякальных праблемаў вобласьці
У Віцебску 20-21 красавіка для мясцовых актывістаў “Беларускай хрысьціянскай дэмакратыі прайшоў сэмінар-практыкум па эфэктыўным партыйным менэджмэнце. На ім былі акрэсьленыя тры галоўныя мясцовыя праблемы, вырашэньнем якіх найбліжэйшым часам будуць займацца актывісты БХД, а таксама былі складзеныя праекты іх вырашэньня. Да гэтых праблемаў належаць: будаўніцтва сьмецьцеперапрацоўчага заводу ў Віцебску, рамонт моста праз Дняпро ў Воршы, газыфікацыя вёскі ў Глыбоцкім раёне.
У Віцебску забароненыя ўсе 3 меркаваныя акцыі да ўгодкаў Чарнобыльскай трагедыі
Мясцовыя дэмакратычныя актывісты падавалі тры заяўкі на імпрэзы, прысьвечаныя памяці ахвяраў чарнобыльскай трагедыі — у трох раёнах гораду і ва ўсіх трох месцах, адмыслова вызначаных для масавых акцыяў раённымі адміністрацыямі. Мітынгі, прысьвечаныя памяці ахвяраў чарнобыльскай катастрофы, зьбіраліся арганізаваць кіраўнік абласной структуры руху «За свабоду» Хрыстафор Жаляпаў — у парку імя 30-годзьдзя ВЛКСМ, і кіраўнік абласной арганізацыі партыі БНФ Леанід Аўтухоў — у Парку культуры і адпачынку чыгуначнікаў. Нават пікет у загарадным парку культуры і адпачынку «Мазурына», які рыхтаваў сябра КХП БНФ Ян Дзяржаўцаў, апынуўся пад забаронай.
Прафсаюзны юрыст: Хіба ў гэта можна паверыць, што 13 работніц непрыкметна вынесьлі з заводу больш за 4 тоны малочных прадуктаў?
Дванаццаць разоў АБЭЗ адмаўляў прафсаюзу РЭП ва ўзбуджэньні крымінальнай справы ў сувязі са шматмільённай нястачай, выяўленай на ААТ «Віцебскмясамалпрам», якую кіраўніцтва «павесіла» на работніц складу. На думку юрыста прафсаюзу РЭП Валера Місьнікава, улады заплюшчваюць вочы на відавочныя факты злачыннай дзейнасьці на прадпрыемстве.
Больш за 90 бацькоў аштрафаваныя ў Віцебскай вобласьці за парушэньне іх дзецьмі “камэнданцкай гадзіны”
Больш за 90 бацькоў аштрафаваныя ў Віцебскай вобласьці з пачатку году за начныя прагулкі сваіх дзяцей без суправаджэньня дарослых, паведаміла памочніца пракурора Віцебскай вобласьці па наглядзе за выкананьнем заканадаўства аб непаўнагадовых і моладзі Ірына Крукоўская. Паводле яе слоў, найбольш часта гэтыя парушэньні былі адзначаныя ў абласным цэнтры (17 фактаў), Наваполацку (7), Глыбоцкім раёне (7), Воршы і Аршанскім раёне (10), Полацку і Полацкім раёне (10), Лепельскім раёне (5).
На Леаніда Аўтухова склалі пратакол за парушэньне Закону аб СМІ
“Мяне вінавацяць у тым, што была перавышаная колькасьць асобнікаў партыйнага бюлетэня “Магістрат”, які мы раздавалі 22 сакавіка. Але тыя асобнікі ніхто пры нас не лічыў, і адкуль узялася выніковая лічба, мне невядома. Акрамя гэтага, на сёньняшні дзень усе асобнікі мусілі быць зьнішчаныя. Аднак – не, яны фігуруюць у маёй новай адміністрацыйнай справе”, - гаворыць старшыня Віцебскай абласной арганізацыі партыі БНФ.
Асуджаны былы намесьнік дырэктара «Віцязя» яшчэ вінен Br32 млрд
Віцебскі абласны суд прызнаў Аляксея Жукоўскага вінаватым у атрыманьні буйных хабараў, злоўжываньні службовымі паўнамоцтвамі і крадзяжы. Беларускі тэлеканал ОНТ паведамляе, што «былы кіраўнік яшчэ ў 2005 годзе стварыў злачынную групу. У яе ўваходзілі два змоўнікі зь ліку работнікаў заводу і камэрцыйны прадстаўнік замежнай кампаніі. Створаная група рэгулярна на працягу двух гадоў нібыта перамагала ў тэндэрах на пастаўку камплектовых вырабаў для тэлевізараў».
На кіраўніка Віцебскай арганізацыі партыі БНФ заведзеная крымінальная справа?
Кіраўнік Віцебскай абласной арганізацыі партыі БНФ Леанід Аўтухоў выклікаецца ў Кастрычніцкі РАУС Віцебску. Ён мусіць прыбыць 24 кастрычніка да супрацоўніка міліцыі С. Вераксы. Прычым, як вынікае з позвы, выклікаецца партыйны лідэр не па адміністрацыйнай, а па нейкай крымінальнай справе.
Віцебскія сябры партыі БНФ патрабуюць аднаўленьня помнікаў у Смалянах
Старшыня абласной арганізацыі партыі БНФ Леанід Аўтухоў зьвярнуўся да старшыні аблвыканкаму Аляксандра Косінца са скаргай на дзеяньні адказных асобаў, якія дапусьцілі руйнаваньне гістарычнага будынку ў вёсцы Смаляны Аршанскага раёну. У скарзе ёсьць і канкрэтныя прапановы, як зрабіць гэтую вёску «турыстычнай Мэкай усходняй Беларусі». Для гэтага ёсьць усе падставы, бо «колькасьць і каштоўнасьць помнікаў у Смалянах нават большая, чымсьці ў такіх турыстычных цэнтрах краіны, як Мір і Нясьвіж», піша Леанід Аўтухоў. Таму партыйцы просяць «неадкладна прыняць праграму па ахове і рэстаўрацыі ўсіх помнікаў, што знаходзяцца ў Смалянах і правесьці археалягічныя дасьледаваньні комплексу дамініканскага кляштару ў Смалянах з абавязковым прыцягненьнем адмыслоўцаў Акадэміі навук».