5 суткамі арышту пакаралі актывіста Аляксандра Ільінца – за «кармленьне галубоў»
Віцяблянін Аляксандар Ільінец быў затрыманы міліцыянтамі 8 траўня. Пасьля складаньня пратаколу яго зьмясьцілі ў ізалятар часовага ўтрыманьня (ІЧУ), дзе ён правёў да суду трое сутак. Сёньня, 11 траўня, суд Чыгуначнага раёну Віцебску прызнаў яго вінаватым у парушэньні заканадаўства аб масавых мерапрыемствах (арт. 23.34 КаАП) і пакараў 5 суткамі адміністрацыйнага арышту з улікам ужо адбытых.
11 траўня будуць судзіць віцяблян, затрыманых два дні таму за «кармленьне галубоў»
У пятніцу 8 траўня ў Віцебску былі затрыманыя шэсьць жыхароў Віцебску, якія 3 траўня бралі ўдзел у «кармленьні галубоў». Віцяблян запрасілі ў аддзел аховы грамадзянскага правапарадку Чыгуначнага раёну для дачы тлумачэньняў, пасьля гэтага сувязь зь імі перарвалася. Найверагодней, што людзей на ўсе выходныя зьмясьцілі да суду ў ізалятар часовага ўтрыманьня (ІЧУ).
Як віцебскі арт-паб «Торвальд» дапамагае трымацца мэдыкам
11 траўня споўніцца месяц, як каманда арт-пабу «Торвальд» пачала гатаваць ежу для лекараў з чатырох мэдычных установаў Віцебску. Агулам у валянтэрскай працы задзейнічаныя дзевяць супрацоўнікаў калектыву. Часам перавозіць прыгатаваныя абеды і вячэры дапамагаюць віцебскія таксісты.
За ўдзел у стрыме Ціханоўскага затрыманы палкоўнік расейскай паліцыі ў адстаўцы
У вёсцы Прусы Пастаўскага раёна 8 траўня за ўдзел у стрыме Ціханоўскага затрымалі 49-гадовага Андрэя Новікава – былога супрацоўніка МУС РФ. Мужчыну адвезьлі ў Паставы і пасьля складаньня пратаколу паводле арт. 23.34 КаАП зьмясьцілі ў ізалятар часовага ўтрыманьня. Пра гэта паведаміла жонка затрыманага Вольга.
Удзельніка «кармленьня галубоў» Алега Баразну аштрафавалі на 540 рублёў
Суд Чыгуначнага раёну Віцебску прызнаў удзельніка «кармленьня галубоў» віцябляніна Алега Баразну вінаватым у парушэньні заканадаўства аб масавых мерапрыемствах (арт. 23.34 КаАП) і аштрафаваў яго на 20 базавых велічынь. Ноч з 7 на 8 траўня мужчына правёў у ізалятары часовага ўтрыманьня. У суд яго не прывозілі – паседжаньне ладзілася праз Skype.
Затрыманыя два ўдзельнікі «кармленьня галубоў» у Віцебску. Суд – 8 траўня (абноўлена)
Адзін з удзельнікаў «кармленьня галубоў» у Віцебску Алег Баразна быў затрыманы 7 траўня супрацоўнікамі міліцыі каля свайго дому. Мужчыну адвезьлі ў РАУС Чыгуначнага раёну і склалі на яго пратакол за парушэньне заканадаўства аб масавых мерапрыемствах (ч.1 арт. 23.34 КаАП). Пазьней стала вядома пра яшчэ аднаго затрыманага.
Жыхара Браслава аштрафавалі на 270 рублёў за паклёп на міліцыянта
Суд Браслаўскага раёна аштрафаваў жыхара Браслава на 270 рублёў, прызнаўшы яго вінаватым у паклёпе на супрацоўніка РАУС. Справу на браслаўчаніна завялі пасьля таго, як ён паскардзіўся на супрацоўніка міліцыі ў тэрытарыяльнае ўпраўленьне ўласнай бясьпекі МУС, паведамляе афіцыйны сайт УУС Віцебскага аблвыканкаму.
Справай таксісткі зь Віцебску займаецца СК. Дзяўчына – у псыхіятрычнай лякарні
«Мэдыкі падрабязнасьцяў не паведамляюць, міліцыя маўчыць, ня ведаю, ці будзе разьбірацца пракуратура», – кажа маці таксісткі зь Віцебску, якую пасьля непадпарадкаваньня ДАІ зьмясьцілі ў псыхлякарню. AUTO.TUT.BY даведаўся, што праверкай справы з затрыманьнем дзяўчыны і нанясеньнем траўмаў інспэктару ДАІ займаецца зараз Сьледчы камітэт.
Віцебскі суд прызнаў экстрэмісцкімі 10 паблікаў «ВКонтакте»
Міністэрства інфармацыі Рэспублікі Беларусь аднавіла сьпіс экстрэмісцкіх матэрыялаў, дадаўшы туды 10 інтэрнэт-супольнасьцяў расейскай сацыяльнай сеткі «ВКонтакте», 12 фотаздымкаў, 3 відэароліка, 1 аўдыё і 1 верш. Экстрэмісцкімі гэтую інфармацыю прызнаў суд Кастрычніцкага раёну Віцебску.
Смолікаў патрабуе ад Інстытуту гісторыі НАН ініцыяваць прызнаньне народных мэмарыялаў
Сябры грамадзянскай ініцыятывы «Хайсы – віцебскія Курапаты» працягваюць змагацца за стварэньне і прызнаньне ўжо існых мэмарыялаў на месцах пахаваньняў ахвяраў палітычных рэпрэсій. Гэтак, 20 красавіка сябра ініцыятывы Канстанцін Смолікаў даслаў скаргу на імя дырэктара Інстытуту гісторыі НАН Вячаслава Даніловіча і загадчыка аддзелу найноўшай гісторыі Беларусі Сяргея Трацяка. Нядаўна атрымаў адказ.