Дачку блогеркі Янушкоўскай Юлію Ўласенка аштрафавалі на 270 рублёў
Блогерку Алену Янушкоўскую і яе дачку Юлію Ўласенка затрымалі амапаўцы падчас «ланцугу салідарнасьці» 19 чэрвеня ў Віцебску. Алену судзілі 22 чэрвеня, калі яна яшчэ знаходзілася ў ізалятары часовага ўтрыманьня (ІЧУ), і аштрафавалі на 45 базавых велічынь. Справу Юліі Ўласенка разгледзеў суд Віцебскага раёну 24 чэрвеня.
Мікола Качурэц выйшаў на волю пасьля 10 сутак за кратамі. Відэа
Віцяблянін Мікола Качурэц быў асуджаны па двух пратаколах – за ўдзел у пікетаваньнях 31 траўня і 7 чэрвеня. Судзьдзя Алена Цыганкова прысудзіла яго да 10 сутак адміністрацыйнага арышту. 23 чэрвеня актывіст выйшаў на волю, але сустрэць яго каля ізалятару часовага ўтрыманьня не атрымалася: Качурца адразу адвезьлі ў Чыгуначны РАУС для прафіляктычнай размовы. Адпусьцілі толькі пасьля яе.
Віцяблянку Тацяну Філімонаву аштрафавалі на 270 рублёў: проста прыйшла паставіць подпіс
Жыхарку Віцебску Тацяну Філімонаву судзілі два дні. 22 чэрвеня судзьдзя Алена Грабянчук накіравала дакументы на дапрацоўку ў міліцыю, а назаўтра аштрафавала дзяўчыну на 10 базавых велічынь (270 рублёў). Судзьдзя прызнала Філімонаву вінаватай у парушэньні заканадаўства аб масавых мерапрыемствах толькі на падставе міліцэйскіх відэаздымак, паведамляе Беларускае Радыё Рацыя.
Актывіста Аляксея Прохарава выкралі амапаўцы – сёньня быў суд
Віцяблянін Аляксей Прохараў быў затрыманы ўвечары 22 чэрвеня супрацоўнікамі АМАП па дарозе з суду над Аленай Янушкоўскай, на якім прысутнічаў у якасьці слухача. Аляксея спынілі на пераходзе праз вуліцу людзі ў цывільным адзеньні, запхалі ў мікрааўтобус і адвезьлі ў АУС Віцебскага раёну. Адтуль – перавезьлі ў ізалятар часовага ўтрыманьня. 23 чэрвеня Прохарава праз скайп прысудзілі да штрафу ў памеры 40 базавых велічынь.
На 2700 рублёў аштрафавалі ўдзельнікаў «ланцугу салідарнасьці» і пікетаў у Віцебску
У панядзелак 22 чэрвеня ў розных судах Віцебску судзілі ўдзельнікаў цалкам законных масавых мерапрыемстваў, якія ладзіліся для збору подпісаў за патэнцыйных кандыдатаў на прэзыдэнцтва і якія трактаваліся міліцыянтамі як несанкцыянаваныя пікетаваньні. Сёньня паводле артыкулу 23.34 КаАП аштрафавалі трох віцяблян на агульную суму 2 тыс. 700 рублёў (100 базавых велічынь).
Палітвязень Жамчужны: Выносіць парушэньні перасталі, пакараньняў не было
Палітвязень Міхаіл Жамчужны скардзіцца на тое, што пасьля прыбыцьця ў Горацкую калёнію зь Віцебскага абласнога СІЗА №2 перапіска з аднадумцамі і калегамі-праваабаронцамі так і не наладзілася. Ён працягвае адстойваць свае правы ў судах і падрыхтаваў індывідуальную скаргу ў Камітэт па правах чалавека ААН.
Аляксандра Дуброўскіх асудзілі на 10 содняў за сарваны на суражскім пароме сьцяг РБ
У пятніцу 20 чэрвеня суд Віцебскага раёну на падставе ч.1 арт 17 КаАП (дробнае хуліганства) пакараў віцебчука Аляксандра Дуброўскіх 10 соднямі адміністрацыйнага арышту. Мужчына прызнаны вінаватым у тым, што з хуліганскіх намераў сарваў дзяржаўны сьцяг на пароме ў пасёлку Сураж Віцебскага раёну.
У Віцебску падчас «ланцугу салідарнасьці» былі затрыманыя 7 чалавек – фота
У Віцебску падчас «ланцугу салідарнасьці» з палітвязьнямі, які прайшоў 19 чэрвеня – у апошні дзень збору подпісаў за патэнцыйных кандыдатаў на прэзыдэнцтва, былі затрыманыя 7 чалавек. Сярод іх – віцебская актывістка і блогерка Алена Янушкоўская і яе дачка Юлія. Вядома, што Алену Янушкоўскую зьмясьцілі да суду ў ізалятар часовага ўтрыманьня, Юлію – адпусьцілі. Імёны астатніх затрыманых высьветліць пакуль не ўдалося.
Віцяблянку Людмілу Валадкевіч аштрафавалі за пікет з удзелам Паўла Севярынца
У чацьвер 18 чэрвеня суд Кастрычніцкага раёну Віцебску прызнаў Людмілу Валадкевіч вінаватай у парушэньні заканадаўства аб масавых мерапрыемствах (ч.1 арт. 23.34) і пакараў яе штрафам у памеры 20 базавых велічынь (540 рублёў). Гэтак пастанавіў судзьдзя Уладзімер Царыкаў.
Віцебская каманда «Страны для жизни» падала 5 тысяч подпісаў у выбарчыя камісіі
У сераду 17 чэрвеня сябры і валянтэры ініцыятыўнай групы патэнцыйнай кандыдаткі на прэзыдэнцтва Сьвятланы Ціханоўскай падалі падпісныя лісты ў раённыя камісіі па выбарах гораду Віцебску. Агулам у камісіі Першамайскага, Чыгуначнага і Кастрычніцкага раёнаў было пададзена каля 5000 подпісаў за Ціханоўскую.