Журналіста Змітра Казакевіча аштрафавалі на 1740 рублёў за супрацоўніцтва з «Белсатам»
Суд Першамайскага раёну Віцебску 17 сакавіка разгледзеў дзве адміністрацыйныя справы ў дачыненні да журналіста-фрылансера Змітра Казакевіча. Суддзі Андрэй Шыдлоўскі і Вераніка Барысава прызналі яго вінаватым у незаконным вырабе прадукцыі сродкаў масавай інфармацыі (ч.3 арт. 23.5 КаАП) і аштрафавалі агулам на 60 базавых велічынь (усяго 1740 рублёў).
«У выпадку чаго – не крыўдзіцеся». Як студэнтаў ПДУ «просяць» азнаёміцца з арт. 24.23 КаАП – аўдыё
Перад Днём волі студэнтаў Полацкага дзяржаўнага ўніверсітэту просяць падпісаць паперы аб тым, што яны азнаёміліся са зменамі ў адміністрацыйным артыкуле 24.23 («Парушэнне парадку арганізацыі або правядзення масавых мерапрыемстваў», колішні арт. 23.24). Але просяць так, што больш падобна да прымусу. Пра гэта сведчыць аўдыёзапіс, які «Віцебскай Вясне» даслалі нашыя чытачы з Полацку.
«Кісларод – гэта не палітыка, гэта жыццё». Віцябляне падтрымліваюць доктара Мартава
Жыхары Віцебску падзякавалі за грамадзянскую пазіцыю і сумленнасць Уладзіміру Мартаву – загадчыку аддзялення анестэзіялогіі і рэанімацыі гарадской клінічнай больніцы хуткай медычнай дапамогі, якога звальняюць з 3 красавіка. Відэа акцыі ў падтрымку лекара размясціў тэлеграм-канал «Віцебск неверагодны», піша TUT.BY.
Шэсць удзельніц «пікету ў лесе» падалі ў суд на міліцыю. Чым скончыўся працэс?
У судзе Першамайскага раёну Віцебску адбыўся грамадзянскі працэс, ініцыяваны шасцю жанчынамі, якіх затрымалі ў лесе пад Віцебскам 13 студзеня і абвінавацілі ва ўдзеле ў несанкцыянаваным пікетаванні. 8 гадзін іх трымалі ў пастарунку без ежы і магчымасці прыняць лекі, хоць чацвёра затрыманых жанчын ужо ў сталым веку. А на ноч да суду кінулі ў ІЧУ. Але суды ў выніку адмянілі іх справы, і жанчыны падалі пазовы на незаконныя дзеянні міліцыі, паведамляе Беларускае Радыё Рацыя.
Адлічаная за ўдзел у акцыі салідарнасці студэнтка спрабуе праз суд аднавіцца ва ўніверсітэце
У судзе Кастрычніцкага раёну Віцебску 11 сакавіка пачаўся разгляд грамадзянскага пазову былой студэнткі ВДМУ Паліны Нітчанкі да адміністрацыі ўніверсітэту аб адмене дысцыплінарных спагнанняў і аднаўленні яе ва ўстанове адукацыі. Грамадзянскую справу разбірае суддзя Марына Марозава.
Праваабаронцу Ірыну Траццякову аштрафавалі на 580 рублёў – праз 9 месяцаў па затрыманні
10 сакавіка суд Чыгуначнага раёну Віцебску вярнуўся да разгляду адміністрацыйнай справы праваабаронцы Беларускага Хельсінкскага камітэту Ірыны Траццяковай, абвінавачанай паводле ч. 1 арт. 23.34 КаАП за ўдзел у несанкцыянаваным пікеце, які нібыта адбыўся яшчэ 19 чэрвеня 2020 году. Справа сталася «крэпкім арэшкам» для судовай сістэмы РБ. Чыгуначнаму суду ўдалося «раскалоць» яго толькі з трэцяй спробы...
Чэслаў Салодкі і Таццяна Юхо абскардзілі штрафы ў абласным судзе. Якія вынікі?
10 сакавіка Віцебскі абласны суд разгледзеў шэраг скаргаў грамадскіх актывістаў з Віцебску на рашэнні судоў першай інстанцыі. Скаргі пенсіянера Чэслава Салодкага і віцяблянкі Таццяны Юхо разбірала суддзя Святлана Іванова. Рашэнні раённых судоў яна пакінула без зменаў, а скаргі не задаволіла.
Міхаіл Жамчужны: Зона сталася адбіткам грамадства. Метады прыгнёту адпрацоўваюцца менавіта там
У лютым 2021 году пасля шасці з паловай гадоў калоніі выйшаў на волю навуковец, праваабаронца і, цяпер ужо, былы палітвязень Міхаіл Жамчужны. Для яго гэта быў другі турэмны тэрмін – першы прыпаў на 2006-2012 гады. У няволі Жамчужны правёў больш за 12 гадоў. Сваім прыкладам ён даводзіць, што чалавекам можна і трэба заставацца нават там. Пра тое, як захаваць чалавечнасць і адстойваць свае правы ва ўмовах калоніі, былы палітвязень расказаў «Віцебскай вясне».
На 8 Сакавіка жанчыне заблакавалі картку, каб спагнаць штрафы з яе пенсіі
Пенсіянерка па інваліднасці Валянціна Крыштопенка напярэдадні жаночага свята даведалася, што яе асабісты рахунак, на які прыходзіць пенсія, недаступны – картка заблакаваная. Такі падарунак жанчыне зрабілі судовыя ўлады, каб спагнаць з пенсіянеркі штрафы, прысуджаныя ёй за ўдзел у «несанкцыянаваных» шэсцях і пікетаваннях паводле колішняга арт. 23.34 КаАП.
Старшыня БСДП (Грамада) Ігар Барысаў узяў удзел у выбарчай канферэнцыі ў Віцебску
6 сакавіка ў Віцебску прайшла канферэнцыя Віцебскай гарадской арганізацыі Беларускай сацыял-дэмакратычнай партыі (Грамада). Удзел у ёй узяў старшыня партыі Ігар Барысаў. У сакавіку споўнілася 30 гадоў з дня ўтварэння БСДП. Устаноўчы з’езд арганізацыі прайшоў 2-3 сакавіка 1991 году.