У Віцебску адзначылі 7 лістапада дзвюма «масавымі» акцыямі. Нікога не затрымлівалі
У дзень так званай Кастрычніцкай рэвалюцыі 7 лістапада на плошчы Леніна ў Віцебску з інтэрвалам у адну гадзіну прайшлі дзве масавыя акцыі. Спачатку каля помніку Леніну сабраліся прыхільнікі праўладнай камуністычнай партыі Беларусі на чале з Аляксандрам Дзядзінкіным. Яны абмежаваліся толькі ўскладаннем кветак. Ніякіх выступаў не было. А праз нейкі час да правадыра сусветнага пралетарыяту падцягнуліся сябры партыі «Справядлівы Свет».
За графіці 21-гадовую віцяблянку пакаралі вялізным штрафам
Напрыканцы чэрвеня 2021 году ў аддзел унутраных справаў Кастрычніцкага раёну Віцебску паступіла заява ад дырэктара аднаго з дзяржпрадпрыемстваў аб тым, што невядомы залатой фарбай нанёс надпісы ў грамадскім месцы. Міліцыянты вывучылі запісы з камер відэаназірання і ўстанавілі, што гэта зрабіла 21-гадовая жыхарка Віцебску. У дачыненні яе завялі крымінальную справу. Ці мелі надпісы пратэставы характар, не паведамляецца.
Два з паловай гады «хіміі» – за абразу двух супрацоўнікаў МУС у «Аднакласніках»
5 лістапада суд Першамайскага раёну Віцебску вынес рашэнне ў справе, распачатай паводле арт. 369 КК («Абраза прадстаўніка ўлады») у дачыненні да 41-гадовага цесляра аднаго з менскіх будтрэстаў Аляксандра Сафонава. За абразлівыя каментары пад допісамі Вольгі Карач у «Аднакласніках» суддзя Алена Жук прыгаварыла Сафонава да двух з паловай гадоў абмежавання волі – «хіміі».
Актывіст з Віцебску Алег Паўлаў працягвае бараніць свае правы ў Камітэце ААН па правах чалавека
15 студзеня 2020 года пастановай суду Чыгуначнага раёну Віцебску Алег Паўлаў быў прызнаны вінаватым у парушэнні ўстаноўленага парадку правядзення пікетавання і таму падвергнуты адміністрацыйнаму спагнанню ў выглядзе штрафа ў памеры 675 рублёў. Цяпер грамадзянскі актывіст дамагаецца праз КПЧ, каб на міжнародным узроўні было прызнанае парушаным ягонае права на свабоду слова і на ўдзел у мірных сходах.
У Віцебску судзілі Евангельскую Царкву – за гуманітарную дапамогу для інвалідаў
Cуд Кастрычніцкага раёну Віцебску 4 лістапада разгледзеў адміністрацыйную справу ў дачыненні да Евангельскай Царквы з Новалукомля. Віцебская мытня, якая ініцыявала разбор, палічыла, што яе прадстаўнікі няправільна ўказалі гандлёвую марку некаторых тавараў і хацелі прыцягнуць абшчыну да адказнасці па ч.3 арт. 15.5 КаАП («Падаванне недакладных звестак аб таварах»). Суддзя спрабаваў дабіцца ад мытнікаў, якая розніца ў назвах гандлёвых марак, калі гуманітарная дапамога не абкладаецца мытнымі пошлінамі.
Беларуску Яну Пінчук затрымалі ў Пецярбургу – нібыта адміністравала канал «Віцебск 97»
03 лістапада Васілевостраўскі суд гораду Пецярбургу арыштаваў да 10 снежня грамадзянку Беларусі Яну Пінчук. У Беларусі супраць яе распачатая крымінальная справа паводле ч. 3 арт. 130 КК РБ («Распальванне расавай, нацыянальнай, рэлігійнай або іншай сацыяльнай варожасці») і ч. 1 арт. 361-1 («Стварэнне экстрэмісцкага фармавання»). Калі яе дэпартуюць, то ў Беларусі ёй пагражае да 12 год няволі.
Два з паловай гады «хіміі» запрасіла пракуратура за абразу міліцыянтаў: адзін з «пакрыўджаных» – той самы Вольніч
Чарговую справу аб абразе ў сацсетцы «Аднакласнікі» супрацоўніка ДАІ з Ганцавічаў Ігара Вольніча разгледзеў 3 лістапада суд Першамайскага раёну Віцебску. Гэтым разам па справе паводле арт. 369 КК («Абраза прадстаўніка ўлады») праходзіў 41-гадовага цясляр аднаго з менскіх будтрэстаў Аляксандр Сафонаў. Яго абвінавачваюць у абразе ажно двух супрацоўнікаў МУС. Апроч Вольніча, ён «пакрыўдзіў» капітана міліцыі з Бабруйску Андрэя Комара.
«Карцару я не перажыву». Што адбываецца з музыкам Банцэрам, якога чакалі на волі
Рок-музыку з Горадні Ігара Банцэра вярнулі з віцебскага СІЗА на віцебскую «хімію» 29 кастрычніка і збіраліся 1 лістапада пакараць карцарам. Ягонага выхаду на волю чакалі на пачатку лістапада, але цяпер незразумела, што з ім будзе далей і калі яго вызваляць, піша Радыё Свабода.
У Хайсах, напярэдадні «Дзядоў», невядомыя ўчынілі чарговы крыжалом
Напярэдадні свята Дзядоў сябры грамадскай ініцыятывы ХАЙСЫ - Віцебскія Курапаты прыехалі ва ўрочышча Хайсы Віцебскага раёну, каб добраўпарадкаваць магілы расстраляных падчас сталінскага тэрору беларускіх грамадзян. Але на месцы пабачылі сляды вандалізму.
Мінінфарм заблакаваў сайт «Народныя навіны Віцебска», і не толькі...
Пры спробе зайсці на сайт «Народныя навіны Віцебска» з Беларусі з'яўляецца паведамленне аб тым, што доступ да іх абмежаваны «на падставе рашэння Міністэрства інфармацыі». Прычына блакавання не ўдакладняецца. У падобным стане апынуўся і сайт віцебскі праваабарончы сайт «Віцебская вясна».