28.06.2024 Тэгі: пераслед, ціск, рэпрэсіі, экстрэмізм У Беларусі не спыняюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць "экстрэмісцкімі матэрыяламі і фармаваннямі". Праваабарончы цэнтр "Вясна" 28 чэрвеня 2024 году збірае факты палітычнага пераследу беларусаў і беларусак – інфармацыя ўвесь час дапаўняецца.
Калі вас ці вашых блізкіх затрымалі, паведамляйце нам:
|
Чарговае папаўненне Спіса экстрэмісцкіх матэрыялаў
У яго трапілі Instagram старонка "СЛУЦКI СТЫЛЬ", Facebook-старонка "Сяргей Пятрухiн", а таксама TikTok-старонка "zerkalo.io2" разам з лагатыпам.
За ўдзел у акцыях пратэсту затрыманы мінскі праграміст
- Яўген Узахаў
На "пакаяльным відэа" хлопец таксама "прызнаецца" ў тым, што быў ўдзельнікам "экстрэмісцкіх чатаў", дзе пакідаў "абразлівыя каментары" пра сілавікоў.
У сацыяльных сетках затрыманы падпісаны як Яўген Узахаў.
За ўдзел у акцыях пратэсту затрыманы індывідуальны прадпрымальнік
Праўладныя тэлеграм-каналы адзначылі, што мужчына прадае беларускую тэхніку ў РФ.
У "Спіс экстрэмістаў" дадалі яшчэ 36 чалавек — цяпер у ім 4190 прозвішчаў
28 чэрвеня МУС зрабіла традыцыйны пятнічны апдэйт "Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці".
Сярод іншых, у спіс дадалі лідарку незалежнага прафсаюзу Вольгу Брыцікаву, ганаровую выпускніцу БДУ Ксенію Ходыраву, журналіста Ігара Карнея, каталіцкага верніка Уладзіслава Беладзеда.
Крыніца: Новыя затрыманні і абнаўленне "спісу экстрэмістаў": хроніка пераследу 28 чэрвеня