Затрыманы лідар аршанскага незалежнага прафсаюзу РЭП Васіль Бераснеў
19 жніўня сярод 15-ці затрыманых лідараў беларускіх недзяржаўных прафсаюзаў аказаўся сябра Рады і кіраўнік прафсаюзу Радыёэлектроннай прамысловасці (РЭП) аршанец Васіль Бераснеў. 71-гадовы мужчына знаходзіцца пад вартай. Справу вядуць следчыя цэнтральнага апарату Камітэту дзяржаўнай бяспекі.
У Полацку затрыманы старшыня Свабоднага прафсаюзу Беларускага Мікалай Шарах
Мікалая Шараха затрымалі апоўдні 19 красавіка, калі ён кіраваўся на судовы працэс над работнікам ААТ «Полацк-Шкловалакно» Юрыем Шчарбаковым. Паводле сяброў, лідара СПБ прывезлі дахаты ў суправаджэнні чатырох міліцэйскіх машын і ўчынілі ператрус. Забралі кампутары і мабільны тэлефон.
Жыхара Полацку Юрыя Шчарбакова асудзілі за карцінку з інтэрнэту і рэпост двухгадовай даўніны
Па рашэнні суду Полацку і Полацкага раёну работнік прадпрыемства «Полацк-Шкловалакно» Юрый Шчарбакоў быў асуджаны да 15-ці сутак арышту за дзве публікацыі ў сацыяльных сетках. Абедзве публікацыі былі зроблены некалькі год таму, але толькі цяпер сталі падставай для адміністрацыйнай справы і судовага разбіральніцтва. Рашэнне пра арышт прыняў суддзя Андрэй Дзергачоў.
Апазіцыйнае выданне "Віцебскі веснік" стала часткай нацыянальнага медыйнага праекта
На прыканцы лютага, адразу ж пасля пачатку вайны ва Украіне, беларуския рэгіянальныя апазіцыйныя абласныя газеты аб'ядналіся ў адно выданне "Беларускі Веснік". Часткай гэтага медыйнага праекта (https://t.me/vestniki_by), стаў і ўжо легендарны "Віцебскі веснік".
Бел-чырвона-белы сцяг – на выставе пра генацыд беларускага народу
Жыхароў Віцебску спрабуюць пераканаць, што беларускі нацыянальны сцяг – гэта сімвал нацыстаў, якія дзейнічалі ў акупаванай Беларусі. Такую канцэпцыю прапанавалі стваральнікі экспазіцыі «Генацыд беларускага народу ў гады Вялікай Айчыннай вайны». У экспазіцыі прадстаўлены дакументы з фондаў Музею Вялікай Айчыннай вайны, а таксама матэрыялы следчай справы, якую вядзе Генеральная пракуратура. Аднак гістарычнымі матэрыяламі 80-гадовай даўніны ідэолагі вырашылі не абмяжоўвацца: побач са фотаздымкамі часоў нацысцкай акупацыі выстаўлены здымкі з масавых пратэстаў, якія адбыліся пасля прэзідэнцкіх выбараў 2020-га году.
У Полацку на 7,5 гадоў асудзілі рэдактара тэлеграм-канала "Полацк краіна для жыцця чат"
Суд Полацкага раёна прысудзіў 52-гадовага ўраджэнца Полацка, які працаваў кіроўцам аўтобуса ў Польшчы да 7,5 гадоў пазбаўлення волі. Асуджанаму ставілі ў віну стварэнне і кіраўніцтва экстрэмісцкім фарміраваннем, а таксама дзеянні, накіраваныя на ўзбуджэнне сацыяльнай варожасці і навучанне асоб для ўдзелу ў масавых беспарадках. Тым не менш пасля асуджэння рэдактара ТК працягвае распаўсюджваць інфармацыю і мае 770 падпісчыкаў.
Расейскія ўлады далі дазвол на выдачу палітзняволенай жыхаркі Віцебска
Расія адобрыла выдачу віцяблянкі Яны Пінчук у Беларусь. Пастановай Васілевостраўскі раённага суда Санкт-Пецярбурга ад 3 лістапада 2021 года ў дачыненні да Пінчук была абрана мера стрымання ў выглядзе ўтрымання пад вартай, пасля падоўжаная на тэрмін да 30 красавіка 2022 года. Цягам некалькі тыдняў, жанчына будзе дастаўлена ў Віцебскі абласны следчы ізалятар №2.
Дапамога пацярпелым украінцам або спроба разгрузіць склады беларускіх прадпрыемстваў?
Верхнядзвінскі райвыканкам абвясціў «Збор гуманітарнай дапамогі сем’ям Данбасу, дзецям і параненым, мірнаму ўкраінскаму насельніцтву». Цягам 10-ці дзён неабыякавым жыхарам райцэнтру прапанавана прыносіць у раённы дом культуры адзенне, прадукты харчавання, сродкі асабістай гігіены і медыкаменты. Але гэта павінны быць не проста рэчы, а вырабы канкрэтных беларускіх вытворцаў.
Работнікі «Нафтана»: прадпрыемства спыніць сваю працу на працягу 2-3 месяцаў
Апошнім часам працоўныя ВА "Нафтана" (Наваполацк) паведамляюць праваабаронцам аб катастрафічнай сітуацыі на горадаўтваральным прадпрыемстве. Яны называюць прычыну спынення аб'яднання - перапоўненасць складоў з-за адсутнасці рынкаў збыту. Гэта следства санкцый, якія былі ўведзены еўрапейскімі краінамі ў адносінах да Беларусі за ўдзел у расійска-ўкраінскай вайне на баку Расіі. Паралельна ўлады ізалююць на 2 месяца Старшыню Незалежнага прафсаюзу “Нафтана” Вольгу Брыцікаву.
За абразу старшыні Шумілінскага суда вінаваты асуджаны на 3 гады абмежавання волі
У пачатку красавіка за абразу старшыні суда Шумілінскага раёна Іны Грабоўскай жыхар п. Обаль (Шумілінскі раён) быў пакараны 3 гадамі абмежавання волі без накіравання ў папраўчую ўстанову адкрытага тыпу. Прычынай інцыдэнту стала незадаволенасць, з пункту гледжання 61-гадовага асуджанага, несправядлівым прысудам па адміністрацыйнай справе, раней вынесеным яму суддзёй Грабоўскай.