У Віцебску распачаўся суд за «экстрэмісцкія» перфомансы і відэаролікі
У судзе Віцебскага раёну 25 красавіка распачаўся разбор крымінальнай справы, ініцыяванай супраць чатырох жыхароў Віцебску – Ірыны Пярцовай, Арцёма Латышава, Кацярыны Макарэвіч і Юліі Лабуновай. Іх абвінавачваюць па трох артыкулах Крымінальнага кодэксу: ч.2 арт. 339 (злоснае хуліганства), ч.1 арт. 342 (актыўны ўдзел у групавых дзеяннях, якія груба парушаюць грамадскі парадак), арт. 341 (псаванне маёмасці ў іншых грамадскіх месцах пры адсутнасці прыкмет больш цяжкага злачынства). Усе чацвёра віцяблянаў былі затрыманыя ў верасні 2021 года, 7 месяцаў у чаканні суду яны правялі ў Віцебскім СІЗА. У лістападзе 2021 году праваабарончая супольнасць прызнала іх палітвязнямі.
Год гістарычнай памяці на Пастаўшчыне: на «лабірынты» грошай хапае, на ўпарадкаванне могілак – не
Юнькаўскі сельвыканкам (Пастаўскі раён) абвясціў збор сродкаў на фарбу для плоту і новую браму на могілках. Супрацоўнікі сельвыканкаму абвясцілі сход грамадскасці 1 траўня – з разлікам на тое, што жыхары Юнькаў напярэдадні Радаўніцы прыйдуць прыбіраць пахаванні сваіх родных.
“Ведай і барані свае правы”: захапляльны відэакурс па правах чалавека для пачаткоўцаў
Кароткі відэакурс па правах чалавека пад назвай “Ведай і барані свае правы”, створаны камандай аднадумцаў і экспертаў, з’явіўся нядаўна на ютуб-канале “pravybarani”.
Павіншуйце палітзняволеных праваабаронцаў з 26-годдзем «Вясны»
26 красавіка — гэта не толькі дзень гадавіны Чарнобыльскай трагедыі, але і дзень заснавання Праваабарончага цэнтра "Вясна".
Выйшлі з друку новыя паштоўкі па малюнках Паўла Севярынца. Якраз да Вялікадня
Набор з 10-ці паштовак называецца « У сэрцы Беларусь». Гэта графічныя выявы храмаў – помнікаў архітэктуры. Сярод іх – віцебскія цэрквы Дабравешчання і Уваскрасення Хрыстова, а таксама глыбоцкія Траецкі касцёл і царквы Раства Багародзіцы. Сустаршыня Беларускай Хрысціянскай дэмакратыі, палітвязень Павел Севярынец даслаў гэтыя малюнкі ў сваіх лістах са Шклоўскай калоніі. А на волі ягоная жонка Вольга вырашыла зрабіць з іх паштоўкі.
Віцебскі чыгуначнік Сяргей Канавалаў прызнаны палітвязнем
49-гадовы Сяргей Канавалаў быў затрыманы 6 сакавіка за тое, што, «паддаўшыся заклікам дэструктыўных тэлеграм-каналаў», рыхтаваўся да грамадска-небяспечных дзеянняў, накіраваных на дэзарганізацыю функцыянавання чыгуначнага транспарту. У прыватнасці, планаваў парушыць працу сістэм, адказных за бяспеку чыгуначнага руху. Дзеянні жыхара Віцебску кваліфікаваны як падрыхтоўка да акту тэрарызму, распачата крымінальная справа.
Рок-музыка Ігар Банцар заплаціць за камуналку віцебскай «хіміі», хаця не жыў там
Ігар Банцар па рашэнні суда Ленінскага раёна Гродна заплаціць 81 рубель 66 капеек папраўчай установе адкрытага тыпу № 9 Віцебска і 64 рублі дзяржпошліны. Ігар настойваў, што яму няма за што плаціць. У спецінтэрнаце ВУАТ ён не знаходзіўся - яго рэгулярна адпраўлялі ў штрафны ізалятар. Але суддзя Вольга Шуманская прыняла рашэнне не на карысць былога палітвязня.
Вярхоўны суд не задаволіў апеляцыйную скаргу адміністратара ТК "Полоцк Новополоцк Страна Для Жизни"
У Віцебскім абласным судзе яшчэ ў лютым да 7,5 гадоў калоніі асудзілі 52-гадовага жыхара Полацку Анатоля Мацулевіча. За стварэнне і адміністраванне тэлеграм-канала «Полоцк Новополоцк Страна Для Жизни Чат Свободу Сергею Тихановскому» яго абвінавацілі па трох артыкулах Крымінальнага кодэкса: ч. 1 арт. 361-1 (стварэнне экстрэмісцкага фарміравання), ч. 3 арт. 130 (распальванне расавай, нацыянальнай, рэлігійнай альбо іншай сацыяльнай варожасці), ч. 3 арт. 293 (навучанне ці іншая падрыхтоўка асоб для ўдзелу ў масавых беспарадках). Мужчына пад вартай утрымліваецца ўжо дзесяць месяцаў. Справу ў закрытым рэжыме разглядаў суддзя Яўген Буруноў.
Бамбасховішча замест паба: што сталася з “Торвальдам” ў Кіеве
Ураджэнец Віцебска Віталь Броўка пераехаў ва Украіну з-за пераследу ўладаў і немагчымасці больш працаваць у Беларусі. У мінулым снежні ў Кіеве ён адкрыў беларускі арт-паб. Пра гэта піша DW.
Салідарнасць з Украінай: на вуліцы Віцебску «выйшаў» пластылінавы чалавечак
У інтэрнэце з’явіліся фотаздымкі пластылінавага чалавечка з украінскім сцягам. Яны зроблены ў пазнавальных віцебскіх лакацыях, сярод якіх Маскоўскі праспект і Плошча перамогі. Дасведчаныя крыніцы сцвярджаюць, што такім чынам у Віцебску падтрымалі флэшмоб, перададзены ад менскіх медыкаў. Вядома ж, пластылінавых удзельнікаў не ўдасца прыцягнуць да суду і пасадзіць "на суткі".