Віцебскія праваабаронцы атрымалі дваццаты ліст ад палітзьняволенага Жамчужнага. У ім палітвязень выказаў сваё стаўленьне да праведзеных выбараў і распавёў пра ўмовы ўтрыманьня ў пэнітэнцыярных установах краіны.

Прэзэнтацыяй анталёгіі беларускай філязофскай думкі «Код прысутнасьці» ў горадзе на Дзьвіне завяршыўся «Тыдзень беларускага мысьленьня». Прадставіў кнігу віцебскай публіцы Ўладзімер Мацкевіч, які зьяўляецца адным з чальцоў рэдакцыйнай калегіі.

Грамадзкія актывісты Полацку пачалі збор грошай на выраб і ўсталяваньне драўлянага крыжа ў мэмарыяле Курапаты пад Менскам, дзе ляжаць расстраляныя беларускія ахвяры сталінскага тэрору. Ініцыятыва была агучаная полацкімі актывістамі 8 верасьня на сьвяткаваньні Дня беларускага славы. Збор сродкаў ідзе як гатоўкай, так і пералікам на рахунак Свабоднага прафсаюзу рабочых заводу «Шкловалакно».

Судзьдзя Кастрычніцкага райсуду Віцебску Ўладзімер Царыкаў прызнаў пікетаваньне, праведзенае 27 ліпеня насупраць летняга амфітэатру кандыдатамі ў дэпутаты Тацянай Севярынец, Георгіем Станкевічам і Аленай Шабуняй, несанкцыянаваным масавым мерапрыемствам.

23 верасьня сябры Беларускай асацыяцыі журналістаў, што працуюць у недзяржаўных сродках масавай інфармацыі, абмяркоўвалі пытаньні гендарнай роўнасьці ў беларускіх мэдыях.

Як знаходзіць ідэі для стартапаў, без чаго і без каго ніяк пры рэалізацыі вашых плянаў, якія ўвасабленьні гэтых ідэяў былі б ідэальнымі і дзе шукаць інвэстыцыі - сваім бізнэс-досьведам у межах курсу «Стартап за 9,5 тыдняў: інтэнсіў па праектаваньні і запуску бізнэсу» зь віцебчукамі падзяліўся прадпрымальнік, інвэстар, сузаснавальнік tut.by, hoster.by і іншых кампаніяў Кірыл Валошын.

Праблему зьмяншэньня колькасьці суб’ектаў малога і сярэдняга бізнэсу ўзьнялі на прэс-канфэрэнцыі ў Віцебску. Ініцыятарамі мерапрыемства выступілі Асацыяцыя наймальнікаў і прадпрымальнікаў Віцебскай вобласьці і Віцебскі бізнэс-цэнтар. Удзел узялі і прадстаўнікі Віцебскага гарвыканкаму.

Высокакваліфікаваныя спэцыялісты з вышэйшай адукацыяй і стажам працы ў сфэры працоўнага, жыльлёвага і пэнсійнага заканадаўства прапаноўваюць усім грамадзянам Беларусі бязвыплатную юрыдычную дапамогу.

Яшчэ напрыканцы 80-х гадоў у Воршы было раскрытае месца масавых расстрэлаў часоў сталінскіх рэпрэсіяў – Кабыляцкай гара. Але ўжо тады было вядома, што гэта не адзінае гэткае месца побач з Воршай.

22 верасьня у Кастрычніцкім райсудзе Віцебску судзьдзя Ўладзімер Царыкаў разьбіраўся ў акалічнасьцях адміністрацыйнага правапарушэньня, якое супрацоўнікі РАУС угледзелі ў сумесным выкананьні траімі кандыдатамі ў дэпутаты ад «правай кааліцыі» гімну «Магутны Божа». Гімн прасьпявалі падчас выбарчай кампаніі на пікеце па зборы подпісаў.