Каб станоўча адрэагаваць на прапанову Леаніда Сьвеціка, уладам Віцебску спатрэбіўся амаль цэлы год. Але ў выніку праблемы, зьвязаныя зь бясьпекай жыхароў некалькіх двароў, на якія праваабаронца зьвярнуў увагу чыноўнікаў выканкаму, вырашаныя.

Апублікавана ў Праваабаронцы

Ва ўсіх шасьці выпадках у ахвотных вылучацца кандыдатамі ў дэпутаты былі зафіксаваныя недакладнасьці ў сабраных дакумэнтах. У тым ліку ва Ўладзімера Правальскага, колішняга ўдзельніка прэзыдэнцкай выбарчай кампаніі, якога Цэнтарвыбаркам не зарэгістраваў у якасьці кандыдата, бо частка сабраных за яго подпісаў была прызнаная несапраўднымі.

Апублікавана ў Выбары

Пракуратура Віцебску абвясьціла афіцыйнае папярэджаньне старшыню Віцебскай абласной выбарчай камісіі. На зварот праваабаронцы ў пракуратуру правялі праверку і выявілі факт парушэньня заканадаўства аб выбарах з боку старшыні Віцебскай абласной выбарчай камісіі Хомы Д.Л., «у сувязі з чым апошняму было абвешчанае папярэджаньне пра недапушчальнасьць парушэньня закону». Сам жа Павал Левінаў акрэдытаваўся ў назіральнікі нанова і працягвае сачыць за працай выбарчай камісіі…

Апублікавана ў Выбары

Вядомы віцебскі лекар Ігар Пастноў сустрэўся з працаўнікамі Віцебскага абласнога клінічнага шпіталя і запісаў новы відэазварот пра ўзровень заробкаў мэдыкаў. Падставай для запісу новага роліку стала інтэрвію галоўнага ўрача Віцебскай абласной клінічнай больніцы Анатоля Аладзько.

Апублікавана ў Правы працоўных

Вольгу Карач затрымалі празь некалькі гадзін пасьля адпраўкі адкрытага звароту прэзыдэнту з нагоды ціску на яе сям’ю і месячнага сына. Лідэр грамадзянскай кампаніі «Наш Дом» Вольга Карач пасьпела паведаміць па тэлефоне, што яна і ейны муж, Алег Баршчэўскі, галоўны рэдактар «Віцебскага Кур’ера», затрыманыя міліцыяй і іх вязуць у Кастрычніцкі РАУС Віцебску.

Апублікавана ў Затрыманьні

У віцебскім катэдральным касьцёле Езуса Міласэрнага 18 студзеня адбылася вялікая ўрачыстасьць - біскупскае пасьвячэньне. Новым кіраўніком і духоўным пастырам Віцебскай дыяцэзіі з гэтага дня стаў адзін з самых маладых каталіцкіх біскупаў у сьвеце - 41-гадовы Алег Буткевіч, былы пробашч парафіі Сьвятога Антонія Падуанскага ў Віцебску.

Апублікавана ў Свабода сумленьня

Андрэю Гайдукову, які адбывае пакараньне ў Магілёўскай калёніі № 19, дазволілі кароткатэрміновае спатканьне зь сям’ёй. Пра гэта паведаміла яго маці Вольга Гайдукова: «Крыху лепш сталі ісьці лісты. Мы таксама стэлефаноўваемся дзесьці раз на 10 дзён. У прынцыпе ён трымаецца нармальна. Чакаем, калі вернецца дадому”, - сказала яна.

Апублікавана ў Палітвязьні

Прадпрымальнікі, якія працуюць на рынках у Воршы, абураюцца высокай арэнднай платай і падаткамі. Кожны месяц ім трэба заплаціць ня менш за 10 мільёнаў рублёў. Пра гэта паведаміў адзін з чытачоў сайту “Хартыя ‘97″.

Апублікавана ў Правы працоўных

Аддзел ідэалёгіі Віцебскага аблвыканкаму праінфармаваў рэдакцыі мясцовых газэтаў, хто з супрацоўнікаў зьяўляецца сябрам БАЖ, а хто толькі зьбіраецца ўступіць у «непажаданую» арганізацыю. Асобных журналістаў выклікалі ў аблвыканкам для тлумачэньняў наконт сяброўства ў ГА «Беларуская асацыяцыя журналістаў». Калегі сышліся на думцы, што няйнакш гэтая цікаўнасьць зьвязаная з будучымі выбарамі.

Апублікавана ў Свабода слова

17 студзеня падчас палявога выхаду на палігоне Лосьвіда ў Віцебскім гарнізоне ў падразьдзяленьні сіл спэцыяльных апэрацыяў прапаршчык ненаўмысна стрэліў зь пісталету ПМ. У выніку лёгкае раненьне ў мяккія тканкі нагі атрымаў вайсковец тэрміновай службы. Пра гэта паведамілі ў Міністэрстве абароны Беларусі.

Апублікавана ў Рознае