На пазачарговай сесіі абласнога Савета было вырашана ўзнагародзіць прэміямі 10 навучэнцаў рэгіянальных "Дзіцячых школ мастацтваў" і 6 навучэнцаў каледжаў. На гэта дэпутатамі было выдзелена 6000 і 4800 рублёў адпаведна.  Трэба адзначыць, што ў 57 дзіцячых школах мастацтваў Віцебскай вобласці вучыцца больш за 15 тысяч чалавек, г.зн. прэміраванымі будзе каля 0,1% ад усіх навучэнцаў.

Суддзя Эканамічны суд Віцебскай вобласці Наталля Стэфановіч 7 траўня за незаконную прадпрымальніцкую дзейнасць аштрафавала на 200 рублёў грамадзяніна Расіі жыхара абласнога цэнтра Сяргея Вальтэра.

Суддзя суда Сенненскага раёна Наталля Барысавец 10 красавіка за парушэнне заканадаўства аб выбарах аштрафавала мясцовую жыхарку Галіну Гарбачову.