Жыхары дома 19 корпус 4 па вуліцы Чкалава ў Віцебску сталі закладнікамі рамонту дарогі, праведзенага ў 2023 годзе. Дарогу абнавілі, але ў двары з'явілася праблема: лужына, з-за якой людзі вымушаны хадзіць па праезднай частцы і падвяргаць сваё жыццё небяспецы. Вада застойваецца не толькі на паверхні: падчас дожджоў яна залівае падвалы.

Як можна было чакаць, прапанова сыходзіць не ад мясцовых уладаў, а ад актывістаў Віцебшчыны, зацікаўленых у захаванні гістарычнай памяці. 214-я ўгодкі Генрыха Дмахоўскага прайшлі сёлета 26 кастрычніка, і ў наступным юбілейным годзе было б вельмі дарэчы ўшанаваць памяць славутай асобы ўсталяваннем помніка ў райцэнтры.

Пра пашкоджанні палатна праезнай часткі дарогі па вул. Уладзіміра Маякоўскага на ўчастку паміж вуліцамі Т.Шаўчэнкі і П. Лепяшынскага жыхары Оршы напісалі далёка не адну скаргу. Аднак толькі сёлета ў кастрычніку Аршанскі райвыканкам даслаў туды спецыялістаў. І яны пераканаліся: рамонт неабходны.

Сустрэча з прарасійскім журналістам Станіславам Яскевічам – аднадумцам і паплечнікамі Аляксея Талая, былым супрацоўнікам «ВоенТВ» а цяпер намеснікам старшыні ГА «Патриоты Беларуси» была арганізавана таемным чынам. Інакш не зразумела, чаму пра месца, дзе выступаў блогер і журналіст, нідзе не называецца.

Аляксандр Гатоўчык праз раённую газету «Пастаўскі край» заклікае землякоў фатаграфаваць людзей, якія выкідаюць смецце ў неналежных месцах. Або фіксаваць нумары іхных аўто, каб перадаць іх у інспекцыю для ўстанаўлення асобы і накладання штрафа. Такім чынам кіраўнік раённай інспекцыі прыродных рэсурсаў і аховы навакольнага асяроддзя спадзяецца вырашыць праблему стыхійных звалак.

Практычна праз месяц пасля гімназіі №1, у сцяне якой заўважылы шчыліны, у абласным цэнтры была зачынена яшчэ адна навучальная установа – сярэдняя школа №10. Будынкі - равеснікі: і стары корпус гімназіі (былой школы №15), і 10-я школа былі ўзведзены ў 1937 годзе. Прычым пра апошнюю ў горадзе ўжо даўно гаварылі, як пра аварыйную. Але зачынілі на абследаванне толькі цяпер.

У Дубровенскім райвыканкаме правялі пасяджэнне, дзе аналізавалі вынікі так званых Дзён сельсаветаў. Гэта адмысловы від дзейнасці ўладаў, калі кіраўнікі прыязджаюць «у глыбінку» і выслухоўваюць скаргі насельніцтва. Такім чынам, маўляў, улады даведваюцца пра надзённыя праблемы, каб іх аператыўна вырашыць. Аднак высветлілася, што слова «аператыўна» тут не падыходзіць: у рэгіёнах няма ні сродкаў, ні магчымасцяў вырашыць праблемы, якія існуюць гадамі.

6 лістапада старшыня Віцебскага гарвыканкама Аляксей Героеў правёй выяздную нараду ў лазні - у лазнева-аздараўленчым комплексе па вул. Воінаў-Інтэрнацыяналістаў у Віцебску, які ўжо другое дзесяцігоддзе абяцаюць «вось-вось адчыніць». Прычым спадар Героеў – ужо пяты кіраўнік гарадской адміністрацыі, пры якім спрабуюць завяршыць адзін з самых вядомых «даўгабудаў» у горадзе.

У пачатку кастрычніка сайт Генеральнай пракуратуры паведамляў, што справу жанчыны, якую вінавацяць паводле ч.1 і ч.2 арт.210 Крымінальнага кодэкса (Крадзеж шляхам ужывання службовымі паўнамоцтвамі) , ч.2 арт.430 Крымінальнага кодэкса (Атрыманне хабару), перадалі ў гарадскі суд Наваполацка. Аднак права Алены Выхаванец чамусьці трапіла ў суд Верхнядзвінскага раёна.

Мясцовыя жыхары неаднаразова скардзіліся, што каля іхнага населенага пункта на ўзбочыне дарогі ўтварылася так званая «стыхійная звалка». Верагодна, што часткова спрычыніліся да яе з'яўлення і аднавяскоўцы. Але частка смецця мае «прамысловае» паходжанне. Адпаведна, варта пашукаць і тых, хто засмечвае тэрыторыю далёка не «бытавымі» адкідамі.