На сайце Віцебскага гарвыканкама выйшла паведамленне ад імя старшага памочніка пракурора г. Віцебска пра сутнасць абвінавачання, падтрыманага ведамствам, супраць «грамадзяніна О.» З вялікай ступенню верагоднасці можна казаць, што вядзецца пра крымінальную справу 20-гадовага віцябляніна Арцёма Янкіна, асуджанага сёлета ў верасні паводле ч. 1 арт. 368 КК.

Большая частка зваротаў, якія паступілі ад жыхароў Віцебскай вобласці ў Савет Рэспублікі, звязана са сферай ЖКГ. Пра гэта на пашыраным пасяджэнні Прэзідыума Савета Рэспублікі, якое прайшло ў Шуміліне, паведаміў начальнік аддзела па рабоце са зваротамі грамадзян Сакратарыята Савета Рэспублікі Максім Шэка. Прычым тэндэнцыя колькасці скаргаў назіраецца з 2023 года.

Імя жанчыны – Рыта – было надрапана на ручцы зубной шчоткі, якую знайшлі на месцы масавых расстрэлаў каля вёскі Хайсы Віцебскага раёна. Артэфакт дасталі з зямлі падчас эксгумацыі парэшткаў, якую праводзіў 52-гі пашуковы батальён у 2017 годзе. Актывістам ініцыятывы, якія даведаліся пра «расстрэльнае месца» дзякуючы мясцовым жыхарам, удалося сфатаграфаваць знаходку. Цяпер яны праводзяць уласнае даследаванне, каму яна магла належаць.