Паводле папярэдняй версіі следчых, пажар у «Беларусі» здарыўся праз тое, што пераробленая з ведама гаспадара аўтаправодка была ненадзейнай. Ці прызналі адказным за парушэнні ўладальніка Віктара Вялюгу, невядома.  Дагэтуль не вядома, чым скончылася расследаванне крымінальнай справы, распачатай пасля інцыдэнту, і ці пакаралі вінаватых – у прыватнасці, Віктара Вялюгу, уласніка кампаніі «МегаЕвротекс», у структуру якой уваходзіла “Беларусь”.  

Падчас пажару з ГЦ  былі эвакуяваныя каля 200 чалавек, у медустановы трапілі два дзясяткі пацярпелых.  Неўзабаве МНС ініцыявала праверку іншых гандлёвых аб’ектаў, якія належалі Віктару Вялюгу, было знойдзена некалькі соцень парушэнняў.

Пасля пажару ў “Беларусі”  Віктар Вялюга быў затрыманы: афіцыйныя СМІ паказалі яго ў наручніках. Яшчэ праз паўтара месяца яго судзілі  “за распаўсюд экстрэмізму” паводле ч.2 арт.1911 КаАП. Цяпер Вялюга зноў “на кані” і  будзе кіраваць  ужо  новым гандлёвым цэнтрам.

Аляксей Заўялаў