Пра адмоўнае рашэньне гарадзкіх уладаў наконт заяўленай імпрэзы на сваёй старонцы ў Фэйсбуку паведаміў Кастусь Смолікаў, кіраўнік абласной арганізацыі партыі БНФ. Вулічны фэстываль «Дзень незалежнасьці» мусіў адбыцца 27 ліпеня на цэнтральных пешаходных вуліцах Віцебску – Талстога, Крылова і Суворава, а таксама ў парку Партызанскай славы імя Міная Шмырова.

Цягам больш за дзясятак гадоў гарадзкія ўлады забаранялі грамадзянскім і палітычным актывістам праводзіць у Віцебску масавыя мерапрыемствы. Забаранялі нават тады, калі актывісты згаджаліся на правядзеньне гэтых мерапрыемстваў у месцах, якія адміністрацыі раёнаў вызначылі паводле рашэньня №881 ад 10 ліпеня 2009 году.

У нядзелю 22 красавіка прыхільнікі камуністычных ідэй правялі на плошчы Леніна ў Віцебску мітынг, прысьвечаны дню нараджэньня першага савецкага кіраўніка. У мітынгу каля помніку Леніну ўзялі ўдзел каля 20 чалавек.

Сьвяткаваньне 100-годзьдзя абвяшчэньня незалежнасьці Беларускай Народнай Рэспублікі 25 сакавіка 2018 году ў Полацку праходзіла ў атачэньні міліцыі.

Прадстаўнікі дэмакратычных партый усклалі 25 сакавіка кветкі да помнікаў князю Альгерду і Ўладзімеру Караткевічу ў Віцебску, а таксама ля памятнай дошкі ў гонар Васіля Быкава на будынку мастацкай школы №1. Гэтая сымбалічная акцыя была прымеркаваная да 100-годзьдзя абвяшчэньня Беларускай Народнай Рэспублікі.