Новая гарадзкая забава. У Віцебску прайшоў фэст «Kartonka»
На тэрыторыі ўнутранага дварка карданажна-паліграфічнага камбінату «Пакроўскі» 2 ліпеня прайшоў першы гарадзкі фэст «Kartonka». Арганізатарамі выступілі культурная прастора «Віцебск для мяне» (Vitebsk4Me), грамадзкая культурніцкая кампанія «Будзьма беларусамі!» і аддзел культуры Віцебскага гарвыканкаму.
У віцебскім мікрараёне “Білева-3” высеклі пад АЗС паўсотню дрэваў – жыхары абураныя
У мікрараёне Білева ў Віцебску зьнішчылі паўсотню дрэваў. Пад пілу патрапілі дубы, асіны, вольхі ды іншыя. Дрэвы сьпілавалі на пляцоўцы, выдзеленай пад будаўніцтва чарговай АЗС і аўтамыйні насупраць нядаўна пабудаваных дамоў №№ 17 і 21 па вуліцы 33-й Арміі. Навасёлы незадаволеныя.
“Катаемся на помніках”. Віцебская моладзь просіць збудаваць у горадзе скейт-парк
Экстрэмалы зь Віцебску запусьцілі на пляцоўцы “Зручны горад” пэтыцыю з просьбай да ўладаў пабудаваць у горадзе скейт-парк. “Праз адсутнасьць пляцоўкі для скейтбордынгу мы вымушаныя катацца ў месцах ня вельмі для гэтага прыдатных і з гэтай прычыны часта падвяргаемся ціску з боку міліцыі і простых грамадзян”.
Віцебская пракуратура ўзнавіла справу пра абразы журналістаў па скарзе Ўладзімера Лунёва
Віцебскі сябра Беларускай асацыяцыі журналістаў Уладзімер Лунёў здолеў дамагчыся, каб аддзел унутраных справаў адміністрацыі Кастрычніцкага раёну паўторна заняўся расьсьледваньнем акалічнасьцяў зьяўленьня і распаўсюду відэароліка, у якім невядомыя абражаюць журналістаў і відэаблогерку Алену Янушкоўскую.
Выклікаў міліцыю – прыехала псыхіятрычная брыгада
Выпадак здарыўся ў Барані (Аршанскі раён). Грамадзянін Аляксандар Мухін зьвярнуўся ў міліцыю з заявай пра крадзеж гарачай вады з крана. Каб зафіксаваць факт здарэньня, міліцыянт на выклік прыбыў. Але не адзін, а ў суправаджэньні траіх санітараў.
“Па 500 тут няма”. Судзьдзя Віцебскага аблсуду Смалякова пастанавіла зьнішчыць плякат аршанца
Віцебскі абласны суд разгледзеў 27 чэрвеня скаргу аршанца Рамана Кузьмянкова на пастанову суду Аршанскага раёну і гораду Воршы, які пакараў яго штрафам у памеры 22 б.в. за пікет з плякатам “Па 500 тут няма” (ч.3 арт. 23.34 КаАП). Судзьдзя аблсуду Ірына Смалякова пакінула пастанову бязь зьменаў, а скаргу не задаволіла. Указаньне аб “канфіскацыі пляката” замяніла на яго “зьнішчэньне”…
“Я вярнуў Шагала дамоў…” Віцебск павіншаваў з народзінамі Давіда Сімановіча
Вечарына паэзіі і аўтарскай песьні “Я вярнуў Шагала дамоў…”, прысьвечаная народзінам выдатнага віцебскага паэта Давіда Сімановіча, адбылася 26 чэрвеня ў Арт-цэнтры Марка Шагала ў Віцебску. У гэты дзень Давіду Рыгоравічу магло б споўніцца 86 гадоў. Але ўжо чатыры гады як Віцебск жыве без свайго паэта…
Хакатон «Smart City» прайшоў у Віцебску
На працягу трох дзён, з 22 па 24 чэрвеня, у гарадзкой бібліятэцы імя Горкага ў межах дзён гораду праходзіў трэці урбан-арт форум «Прастора». Імпрэза ладзілася ў фармаце хакатону – своеасаблівага інтэлектуальнага маратону распрацоўшчыкаў, які доўжыўся некалькіх дзён кругласутачна безь перапынку. Праграмісты, дызайнэры, мэнэджэры, урбаністы, эколягі атрымалі магчымасьць сустрэцца ў адным месцы і сумеснымі намаганьнямі распрацаваць і рэалізаваць праекты.
У Віцебску паказалі сцэнар энэргетычнай рэвалюцыі ў Беларусі – уражвае
У межах “Сьвята ветру” 23 чэрвеня ў Віцебску прэзэнтавалі альтэрнатыўны сцэнар разьвіцьця беларускай энэргетыкі. Сцэнар энэргетычнай [р]эвалюцыі быў створаны па мэтадалёгіі Greenpeace, і ў ім няма месца атамнай энэргіі. Паводле аўтараў канцэпцыі, Беларусь мае магчымасьць у 2050 годзе атрымліваць 86% усёй энэргіі праз узнаўляльныя крыніцы – вецер, сонца і біямасу.
Актывісты ініцыятывы «Хайсы» працягваюць ставіць крыжы
22 чэрвеня сябры грамадзкай ініцыятывы «Хайсы» і мясцовыя жыхары на вясковых могілках ля вёскі Бараўляны Віцебскага раёну ўсталявалі мэталёвы крыж у памяць ваеннапалонных лягеру «Учдор – 756», пахаваных непадалёку. Крыж асьвяціў душпастыр віцебскіх грэка-каталікоў протапрэзьбітар Зьміцер Грышан.