У межах “Сьвята ветру” 23 чэрвеня ў Віцебску прэзэнтавалі альтэрнатыўны сцэнар разьвіцьця беларускай энэргетыкі. Сцэнар энэргетычнай [р]эвалюцыі быў створаны па мэтадалёгіі Greenpeace, і ў ім няма месца атамнай энэргіі. Паводле аўтараў канцэпцыі, Беларусь мае магчымасьць у 2050 годзе атрымліваць 86% усёй энэргіі праз узнаўляльныя крыніцы – вецер, сонца і біямасу.

Каля возера Балдук у вёсцы Станчыкі Пастаўскага раёну бізнэсовец са сталіцы задумаў пабудаваць праваслаўны храм. Супраць гэтага выступілі мясцовыя жыхары і эколягі, апанэнты сустракаліся ў судзе. Пра гэта журналісты пісалі год таму. Мы вырашылі даведацца, што адбываецца ў вёсцы цяпер.