У Віцебску пабудуюць футбольны манэж за 5,5 млн. рублёў – грамадзкае абмеркаваньне
Ад 3-га да 27-га верасьня ў Віцебску пройдзе грамадзкае абмеркаваньне архітэктурна-пляніровачнай канцэпцыі эскізу будаўніцтва футбольнага манэжу дзіцяча-юнацкай школы ФК “Віцебск”. Манэж мяркуюць пабудаваць на праспэкце Люднікава ў раёне ЦСК “Віцебск”. Прыблізны кошт будаўніцтва – 5 млн. 547 тыс. рублёў.
«Як я мог яе забіць, калі яна мне дапамагала?» – у Віцебску судзяць турка
20 жніўня ў Віцебскім абласным судзе пачалося слуханьне справы ў дачыненьні да замежніка, які абвінавачваецца ў забойстве грамадзянкі Банглядэш. На лаве падсудных апынуўся Геклік Байрам, грамадзянін Турэччыны 1984 году нараджэньня. Яму пагражае зьняволеньне да 25-ці гадоў альбо сьмяротнае пакараньне.
Жыхара Віцебску будуць судзіць за распальваньне варожасьці
28-гадовы жыхар Віцебску Пётар Трублінскі можа правесьці да 5 гадоў у калёніі. Нагодай сталі відэазапісы, якія ён разьмясьціў у сацсетках.
У Віцебску паставяць помнік вязьням гета, які праляжаў на складзе 18 гадоў
У 1993 годзе віцебскія ўлады паабяцалі ўшанаваць памяць закатаваных вязьняў Віцебскага гета. Напамінам пра няспраўджанае абяцаньне дагэтуль застаецца сымбалічны камень каля былога раённага Дому культуры. А практычна гатовы памятны знак так і ляжаў бы на складзе, каб пра яго не нагадаў аўтар — скульптар Іван Казак.
Толькі чатыры з 23-х сайтаў выканкамаў на Віцебшчыне маюць беларускамоўныя вэрсіі
Толькі чатыры з 23-х афіцыйных сайтаў райвыканкамаў на Віцебшчыне маюць беларускамоўную вэрсію. Атрымаць інфармацыю па-беларуску можна на сайтах Віцебскага, Полацкага, Глыбоцкага і Лёзьненскага райвыканкамаў. На ўсіх астатніх яна падаецца толькі на расейскай і ангельскай мовах. Распрацоўшчык гэтых рэсурсаў – кампанія БелТА.
У Полацку прайшоў хрысьціянскі летнік для дзяцей з асаблівасьцямі разьвіцьця
Ужо дзявяты год запар летнік для дзяцей з асаблівасьцямі псыха-фізычнага разьвіцьця ладзяць у Полацку прадстаўнікі Хрысьціянскага валянтэрскага руху сьв. Мікалая. З 13 па 19 жніўня два дзясяткі хлопчыкаў і дзяўчынак, якія прыехалі ў асноўным зь Віцебску, удзельнічалі ў розных гульнях, конкурсах і віктарынах, а таксама ў супольнай малітве. Летнік праходзіў на ўскраіне гораду ў прыватнай хаце пры Беларускай грэка-каталіцкай царкве.
У Віцебску абмеркавалі праект зьменаў у Выбарчы кодэкс
16 жніўня ў канфэрэнц-залі віцебскага гатэлю «Лучоса» прайшлі дзьве панэльныя дыскусіі з удзелам мясцовых і менскіх сьпікераў ад апазыцыйных партыяў. Тэма: «Як вярнуць выбарцу права выбару». У ролі мадэратара сустрэчы выступіў былы старшыня АГП Анатоль Лябедзька.
Дрэвы ў мікрараёне Білева-3 секлі з дазволу ўладаў. Будзе кампэнсацыя
На пачатку ліпеня ў віцебскім мікрараёне Білева-3 зьнішчылі дзясяткі дрэваў пад будаўніцтва чарговай аўтазапраўкі. Стала вядома, што дрэвы сьсеклі з дазволу гарадзкіх уладаў, а ўзьвядзеньне АЗС было запраектаванае яшчэ ў верасьні 2017 году. Грамадзкія абмеркаваньні не праводзіліся.
Эколягі зьбіраюцца аднавіць плаціны на балоце Жада на Мёршчыне – падтрымайма!
Эколягі і валянтэры зьбіраюцца ў сярэдзіне жніўня на балоце Жада, каб адрамантаваць больш за 100 плацін, якія былі ўсталяваныя там у 2011 годзе. Дзеля гэтага ладзіцца адмысловы летнік, але для яго правядзеньня патрэбныя грошы. Падтрымаць добрую і карысную справу можна на краўдфандынг-пляцоўцы “Талака”.
Выходнымі сьледчыя Віцебшчыны “перакваліфікаваліся” на калгасьнікаў
Сьледчыя Сеньненскага і Талачынскага раённых аддзелаў Сьледчага камітэту дапамагаюць падчас уборачнай кампаніі аграрыям рэгіёну, паведаміла БелТА афіцыйная прадстаўніца УСК па Віцебскай вобласьці Сьвятлана Сахарава.