13 верасьня судовая калегія па крымінальных справах Віцебскага абласнога суду прыгаварыла 34-гадовага грамадзяніна Турэччыны Гекліка Байрама да 17 гадоў пазбаўленьня волі за забойства 29-гадовай дзяўчыны з Банглядэш.

20 жніўня ў Віцебскім абласным судзе пачалося слуханьне справы ў дачыненьні да замежніка, які абвінавачваецца ў забойстве грамадзянкі Банглядэш. На лаве падсудных апынуўся Геклік Байрам, грамадзянін Турэччыны 1984 году нараджэньня. Яму пагражае зьняволеньне да 25-ці гадоў альбо сьмяротнае пакараньне.

У разбойным нападзе і жорсткім забойстве, зьвязаным з разбоем, абвінавачваецца беспрацоўны 34-гадовы грамадзянін Турэччыны, які, паводле вэрсіі сьледзтва, задушыў у Віцебску дзяўчыну з Банглядэш. Сьледчы камітэт завяршыў расьсьледаваньне. Матэрыялы крымінальнай справы перададзеныя пракурору для накіраваньня ў суд. Санкцыя артыкулу крымінальнага кодэксу, па якім выстаўленае абвінавачаньне, прадугледжвае выключную меру пакараньня ў выглядзе сьмяротнай кары.