На Віцебшчыне больш за тры з паловай тысячы дзяцей знаходзяцца ў сацыяльна небясьпечным становішчы
Паводле афіцыйных дадзеных, у Віцебскай вобласьці 3525 дзяцей знаходзяцца ў сацыяльна небясьпечным становішчы. Зь іх толькі пяцёра прызнаныя такімі з прычыны жорсткага абыходжаньня. Пракуратура мяркуе, што афіцыйная статыстыка не адлюстроўвае рэальнага стану рэчаў.
Тацяна Севярынец: Калі стануць будаваць Палац шлюбаў, мы гатовыя легчы пад тэхніку
19 сьнежня актывісткі аргкамітэту «Беларускай хрысьціянскай дэмакратыі» трапілі на прыём да намесьніка старшыні Віцебскага гарвыканкаму Віктара Глушына. У часе сустрэчы Тацяна Севярынец, Ірына Захарава і Алена Шабуня выказалі чыноўніку заклапочанасьць намерам пабудаваць Палац шлюбаў на тэрыторыі ахоўнай зоны Ніжняга замку.
“Рабіць для сябе”. Актывісты Віцебску абмеркавалі, як уплываць на жыцьцё гораду
У Віцебску 20 сьнежня прайшоў міні-форум гарадзкіх актывістаў. Удзельнікі падвялі вынікі году, абмеркавалі шляхі супрацоўніцтва з уладамі і мясцовым бізнэсам, спрачаліся і давалі парады пачаткоўцам. Безумоўным хэдлайнэрам сустрэчы быў вядомы менскі актывіст і стваральнік праекту “МотолькоПомоги” Антон Матолька.
У Віцебску за арганізацыю незаконнай міграцыі асудзілі чатырох чалавек
Трое жыхароў Віцебскай вобласьці і іх хаўрусьнік з Таджыкістану, якія арганізавалі канал нелегальнай міграцыі ў Эўразьвяз, прысуджаныя да трох гадоў пазбаўленьня волі з канфіскацыяй маёмасьці.
Беларускі грэка-каталіцкі сьвятар: Стаўленьне да нас з боку Ватыкана – наш вялікі боль
Парах грэка-каталіцкіх парафіяў Уваскрэсеньня Хрыстовага і Хрыста Збаўцы ў Віцебску, протапрэзьбітар Зьміцер Грышан у інтэрвію Віцебскай вясьне распавёў пра Берасьцейскую унію, адраджэньне Беларускай грэка-каталіцкай царквы, крыўды на апостальскую сталіцу, пра свае захапленьні і сваю вялікую сям'ю.
Архітэктары ствараюць Чырвоную і Чорную кнігі Віцебску
На перадапошніх у гэтым годзе занятках бясплатных лекцыйных курсаў «Віцебск: рэальная і папулярная гісторыя роднага гораду» архітэктары Аляксандар Міхайлюкоў і Глеб Арлоўскі падзяліліся з прысутнымі сваім бачаньнем адносна рэгенэрацыі, рэстаўрацыі і захаваньня аб'ектаў культурна-гістарычнай спадчыны Віцебску. Лекцыя пад назвай «Чорная і чырвоная кнігі Віцебску, аскепкі архітэктурнай спадчыны» сабрала амаль поўную залю слухачоў.
Паэт Уладзімер Папковіч прэзэнтаваў зборнік паэзіі з фэйсбуку – “Начныя летуценьні”
Вядомы беларускі паэт і перакладчык Уладзімер Папковіч прэзэнтаваў 17 сьнежня ў Віцебску новы зборнік вершаў і тры кнігі перакладаў, выдадзеных у 2018 годзе. Сустрэча з чытачамі “Вынікі году: вершы, пераклады” прайшла ў Віцебскай абласной бібліятэцы ў межах праекту “Чалавек слова”.
Лепельскіх баптыстаў пакаралі за распаўсюд духоўнай літаратуры
У Лепелі за сьпевы і распаўсюд хрысьціянскай літаратуры каля мясцовага рынку былі затрыманыя баптысцкія вернікі – сужэнцы Андрэй і Тацяна Фокіны. «Нас затрымалі як злачынцаў і даставілі ў пастарунак», – распавёў Forum 18 Андрэй Фокін.
#БезПраваНаРасправу. “Рукі па швах! Твар прасьцейшы! Перад кім стаіш?!.”
Адзінаццаць гадзін зьневажаньняў, зьдзекаў і страху ў аддзяленьні міліцыі Ленінскага раёну Горадні давялося перацярпець Варвары і яе сябрам. За што? За праяўленую сьвядомасьць… Чарговая, ганебная для міліцыі, гісторыя, расказаная ў межах мультымэдыяпраекту ПЦ “Вясна” #БезПраваНаРасправу.
“Ці жывы мой сын?” Маці Тараса Аватарава наведала калёнію “Віцьба-3”
Маці асуджанага на 5 гадоў добраахвотніка ўкраінскага корпусу АТА Тараса Аватарава, які паведаміў у паштоўцы пра пагрозы жыцьцю, 14 сьнежня дамаглася сустрэчы з адміністрацыяй калёніі “Віцьба-3”. Яна хацела даведацца пра сапраўдны стан здароўя сына. Ёй паведамілі, што Тарас Аватараў скаргаў на здароўе ня мае і яму ніхто не пагражае.