Полацкі пуцеправод – у чаканьні аўто. Але ці зручна будзе пешаходам?..
У сярэдзіне ліпеня мае аднавіцца рух на Полацкім пуцеправодзе ў Віцебску. Калі яго адкрыюць, аўтамабілістам ня трэба будзе кружляць аб’язнымі шляхамі і марнаваць час у корках. А вось пешаходам пашанцавала менш: шлях ад Полацкага рынку да аўтавакзалу падоўжыўся ў некалі разоў і стаў больш пакручастым.
«Цяпер я бомж!» Віцябляніна, хворага на COVID-19, прымусова выселілі з інтэрнату
36 гадовы жыхар Віцебску Рафаэль Кірылаў-Шмільхольдхард некалькі гадоў у судовым парадку адстойваў сваё права на жытло. Аднак 1 ліпеня асабістыя рэчы мужчыны безь ягонай згоды адвезьлі зь ягонага пакоя ў інтэрнаце ў невядомым кірунку, а праз тыдзень – наагул выпісалі з інтэрнату. Сам мужчына ў гэты час знаходзіўся ў лякарні…
У чатырох карыстальнікаў чату «Браслав для жизни» адабралі тэлефоны і кампутары
8 чэрвеня ў карыстальнікаў Тэлеграм-чату «Браслаў для жыцьця» прайшлі вобшукі. Увечары стала вядома, што ў выніку ператрусаў былі канфіскаваныя мабільныя тэлефоны і кампутары ў чатырох удзельнікаў чату. Паводле былога адміністратара рэсурсу Канстанціна Далецкага, канфіскацыі адбываліся ў межах адміністрацыйнай справы аб паклёпе на ўчастковага міліцыянта (арт. 9.2 КаАП).
«Пасадзім цябе потым». Актывіста Ўладзімера Кійко нечакана вызвалілі зь ІЧУ
Каардынатар ініцыятыўнай групы Сьвятланы Ціханоўскай у Віцебску Ўладзімер Кійко 7 чэрвеня быў пакараны за ўдзел у «ланцугу салідарнасьці» на 10 сутак адміністрацыйнага арышту. Але за кратамі ў ізалятары часовага ўтрыманьня (ІЧУ) правёў толькі суткі і быў вызвалены без тлумачэньняў прычын.
Назіральнік: Месцаў для агітацыі ў Віцебску замала, і яны – непрыдатныя
Віцебскі гарвыканкам 30 чэрвеня прыняў рашэньне №730, у якім пералічыў месцы для правядзеньня кандыдатамі на прэзыдэнцтва і іх даверанымі асобамі масавых мерапрыемстваў для перадвыбарчай агітацыі. Такіх месцаў у Віцебску ўсяго тры. Ці прыдатныя і ці зручныя яны для правядзеньня агітацыйных сходаў, мітынгаў ды пікетаваньняў?..
Уладзімера Кійко пасадзілі на 10 сутак за ўдзел у «ланцугу салідарнасьці»
Каардынатара ініцыятыўнай групы Сьвятланы Ціханоўскай у Віцебскай вобласьці Уладзімера Кійко затрымалі 6 ліпеня, калі ён явіўся па позьве ў Кастрычніцкі РАУС Віцебску. Пасьля складаньня пратаколу актывіста кінулі ў ізалятар часовага ўтрыманьня. 7 ліпеня суд Кастрычніцкага раёну Віцебску прызнаў яго вінаватым у парушэньні заканадаўства аб масавых мерапрыемствах (ч.3 арт. 23.34 КаАП) і пакараў 10 суткамі арышту.
У Віцебску затрымалі Уладзімера Кійко – суткі да суду ён правядзе ў ІЧУ
У Віцебску 6 ліпеня быў затрыманы каардынатар ініцыятыўнай групы Сьвятланы Ціханоўскай Уладзімер Кійко. Зь міліцыі яму паведамілі, што ў яго дачыненьні вядзецца адміністрацыйны працэс і запрасілі для дачы тлумачэньняў у Кастрычніцкі РАУС Віцебску. З аддзяленьня міліцыі актывіста ўжо ня выпусьцілі…
«Мышы па камэрах бегаюць». Начальнік віцебскага ІЧУ адказаў блогерцы Янушкоўскай
Віцебскую блогерку Алену Янушкоўскую некалькі разоў зьмяшчалі ў віцебскі ізалятар часовага ўтрыманьня (ІЧУ) пасьля затрыманьняў. Да суду яна правяла за кратамі ІЧУ шэсьць сутак. Там напісала скаргі на непрымальныя і нялюдзкія ўмовы ўтрыманьня. Нядаўна атрымала адказ ад начальніка віцебскага ІЧУ Ўладзімера Сасіноўскага.
Дзьмітрыя Рыжычэнку аштрафавалі ў Наваполацку за заклік на «ланцуг салідарнасьці»
Судзьдзя Зінаіда Балаболава прысудзіла штраф памерам 10 базавых велічынь Дзьмітрыю Рыжычэнку, сыну вядомай мясцовай актывісткі Вольгі Дамаскінай. Хлопца затрымалі назаўтра пасьля акцыі салідарнасьці, 20-га чэрвеня, і ў міліцыі склалі пратакол за заклікі падтрымаць зьняволеных Сяргея Ціханоўскага і Віктара Бабарыку, паведамляе Беларускае Радыё Рацыя.
Аляксандра Якушкова асудзілі яшчэ на 12 сутак арышту. Судзьдзя – Белавус
Актывіст «Народнай Грамады» Аляксандар Якушкоў 1 ліпеня меўся выйсьці на волю зь віцебскага ізалятару часовага ўтрыманьня, дзе адбываў 10 сутак арышту паводле пастановы суду Кастрычніцкага раёну ад 9 чэрвеня. Але ў дзень вызваленьня яго таемна асудзілі на чарговыя «суткі». На паседжаньне не пусьцілі нават жонку затрыманага.