За фотасэсію на фоне аддзяленьня міліцыі – 540 рублёў штрафу
Віцяблянін Дзьмітрый Каралькоў сфатаграфаваўся 29 ліпеня на фоне будынку аддзяленьня ўнутраных спраў Кастрычніцкага раёна Віцебскуз бел-чырвона-белым сьцягам у руках, і за гэта быў аштрафаваны на 20 базавых велічынь. Суд адбыўся 4 верасьня.
У Віцебску судзяць мірных пратэстоўцаў: Янушкоўскай – 5 сутак, Філімонавай –1080 рублёў штрафу
3 верасьня ў судзе Кастрычніцкага раёну Віцебску судзьдзя Ільля Белавус за ўдзел у несанкцыянаваным мерапрыемстве пакараў віцебскую блогерку Алену Янушкоўскую адміністрацыйным арыштам на 5 содняў. Днём раней суд Першамайскага раёну за ўдзел у мірных шэсьцях аштрафаваў агулам на 40 базавых велічынь яшчэ адну актывістку – Тацяну Філімонаву.
Студэнты вэтакадэміі ў Віцебску сталі ў ланцуг салідарнасьці. Двух хлопцаў затрымалі
У Віцебску каля галоўнага корпусу акадэміі вэтэрынарнай мэдыцыны 2 верасьня студэнты зладзілі ланцуг салідарнасьці. У жывым ланцугу стаяла каля 30 навучэнцаў ВНУ. Неўзабаве пасьля пачатку акцыі маладых людзей разагнала міліцыя. Двух хлопцаў затрымалі, паведамляе TUT.BY.
Янушкоўскую аштрафавалі за маханьне сьцягам на бальконе. Але з ізалятару ня выпусьцілі
1 верасьня ў судзе Віцебскага раёну адбыўся суд над вядомай віцебскай актывісткай і блогеркай Аленай Янушкоўскай. Судзьдзя Міхаіл Зубеня прызнаў яе вінаватай ва ўдзеле ў несанкцыянаваным пікетаваньні, якое актывістка нібыта зладзіла на бальконе аднаго з дамоў на праспэкце Будаўнікоў: трымала ў руках бел-чырвона-белы сьцяг і паказвала знак вікторыі. За гэта пакараная штрафам у памеры 945 рублёў.
Чаму звольніўся намесьнік начальніка віцебскага ІЧУ Сяргей Каўрыга
8 жніўня маёр міліцыі Сяргей Каўрыга разьмясьціў на сваёй старонцы ў Фэйсбуку фотаздымак міліцэйскага пасьведчаньня з камэнтаром: «Служить бы рад, прислуживаться тошно. Честь имею!» Празь некалькі дзён ён вырашыў распавесьці журналістам пра прычыны свайго звальненьня, піша Беларускае Радыё Рацыя
«Галасаваў за Ціханоўскую? Памрэш тут!»Навапалачанін абскарджвае ў СК сваё затрыманьне
Жыхар Наваполацку Юры Касач зьвярнуўся ў гарадзкі аддзел СК з заявай распачаць крымінальную справу па факце перавышэньня службовых паўнамоцтваў з боку прадстаўнікоў сілавых структураў у дачыненьні да яго асобы. У дзеяньнях праваахоўнікаў навапалачанін угледзеў прыкметы злачынстваў, прадугледжаныя ч.1, арт. 161 КК (неўчыненьне мэдычнай дапамогі хворай асобе) і арт. 404 КК (прымус да ілжывых сьведчаньняў ці да адмовы ад сьведчаньняў). Абодва артыкулы прадугледжваюць пазбаўленьне волі тэрмінам да трох гадоў.
Затрыманых удзельнікаў «ланцугу айцішнікаў» судзілі ў ІЧУ – штрафы і папярэджаньне
Суды над затрыманымі 26 чэрвеня ўдзельнікамі ланцугу салідарнасьці, які адбыўся днём раней на праспэкце Будаўнікоў каля ГЦ «Амега», прайшлі ў закрытым рэжыме на тэрыторыі ізалятара часовага ўтрыманьня (ІЧУ). Чатырох віцяблян прызналі вінаватымі паводле арт. 23.34 КаАП: трох пакаралі штрафамі, адну ўдзельніцу папярэдзілі.
У Віцебску 25 жніўня адбыўся разгон мірнага шэсьця
Увечары 25 жніўня віцябляне зладзілі мірнае шэсьце, у якім узялі ўдзел каля 40 чалавек. На праспэкце Фрунзэ невялікую калёну дагналі два мікрааўтобусы з супрацоўнікамі міліцыі і людзьмі ў чорным адзеньні (меркавана амапаўцамі). З мацюкамі і крыкамі застрашэньня сілавікі разагналі мірных пратэстоўцаў. Інфармацыі аб затрыманьнях няма.
Алену Янушкоўскую аштрафавалі на 810 рублёў і вызвалілі з ізалятару
Віцебская блогерка Алена Янушкоўская («Страна для жизни») была затрыманая ў сябе дома 23 жніўня напярэдадні «Маршу новай Беларусі». Пасьля складаньня пратаколу за правапарушэньне паводле ч.3 арт. 23.34 КаАП (парушэньне заканадаўства аб масавых мерапрыемствах) актывістку да суду кінулі ў віцебскі ізалятар часовага ўтрыманьня (ІЧУ). 25 жніўня суд пакараў актывістку штрафам у памеры 30 базавых велічынь.
У віцебскім «Маршы новай Беларусі» ўдзельнічалі 3 тысячы чалавек. Без затрыманьняў
У Віцебску 23 жніўня грамадзяне меліся распачаць на плошчы Перамогі чарговую мірную акцыю супраць маштабных фальсыфікацый у часе выбараў і гвалтоўных дзеяньняў супраць мірнага насельніцтва ў пасьлявыбарчы пэрыяд. Сабрацца па плошчы аднак не атрымалася, бо ўлады сьцягнулі да «трох штыхоў» ня менш за два дзясяткі аўтамабіляў і аўтобусаў зь сілавікамі. Пратэстоўцы калёнай адышлі да ГЦ «Марка-сіці».