Улады Расеі не ўпусцілі на сваю тэрыторыю віцебскую актывістку Станіславу Цярэнцьеву
Актывістка Станіслава Цярэнцьева, якая апошнія некалькі месяцаў жыве ў Грузіі, не змагла трапіць у Расейскую Федэрацыю. Улады гэтай краіны не прапусцілі віцяблянку праз дзяржаўную мяжу, заявіўшы, што Станіслава ўяўляе пагрозу для бяспекі дзяржавы. Аб гэтым інцыдэнце дзяўчына паведаміла ў сваім акаўнце на facebook.
У Віцебску ад каронавірусу памерла актывістка Юлія Барсукова. Ёй было 38 гадоў
8 лістапада пайшла з жыцця 38-гадовая актывістка руху «Краіна для жыцця» Юлія Барсукова. 25 кастрычніка яна патрапіла ў лякарню з каронавіруснай інфекцый, апошнія дні знаходзілася на штучнай вентыляцыі лёгкіх. Без маці засталіся двое яе няпоўнагадовых дзяцей.
Лекар Уладзімір Мартаў пра перабоі ў падачы кіслароду: Кожны раз - гэта трагедыя
Уладзімір Мартаў - чалавек, які адным з першых заявіў аб праблемах з кіслародам не хаваючы ні твару, ні імя, ні маштабу праблемы. Ён лічыць, што асноўныя праблемы ў медыцыне не развязваюцца. У сваім блогу на livejournal.com ён піша пра сітуацыю з COVID-19 у Беларусі.
Заходнія санкцыі негатыўна паўплывалі на ўмовы працы зняволеных у беларускай пенітэнцыярнай сістэме
Гісторыя з пасёлка Віцьба, дзе зняволеныя мясцовай папраўчай калоніі №3 сутыкнуліся з нетрывіяльнымі праблемамі з-за вялікай палітыкі. І падобная сітуацыя зараз назіраецца бадай у кожнай установе беларускай пенітэнцыярнай сістэмы, піша «Магілёўская вясна».
У Віцебску адзначылі 7 лістапада дзвюма «масавымі» акцыямі. Нікога не затрымлівалі
У дзень так званай Кастрычніцкай рэвалюцыі 7 лістапада на плошчы Леніна ў Віцебску з інтэрвалам у адну гадзіну прайшлі дзве масавыя акцыі. Спачатку каля помніку Леніну сабраліся прыхільнікі праўладнай камуністычнай партыі Беларусі на чале з Аляксандрам Дзядзінкіным. Яны абмежаваліся толькі ўскладаннем кветак. Ніякіх выступаў не было. А праз нейкі час да правадыра сусветнага пралетарыяту падцягнуліся сябры партыі «Справядлівы Свет».
За графіці 21-гадовую віцяблянку пакаралі вялізным штрафам
Напрыканцы чэрвеня 2021 году ў аддзел унутраных справаў Кастрычніцкага раёну Віцебску паступіла заява ад дырэктара аднаго з дзяржпрадпрыемстваў аб тым, што невядомы залатой фарбай нанёс надпісы ў грамадскім месцы. Міліцыянты вывучылі запісы з камер відэаназірання і ўстанавілі, што гэта зрабіла 21-гадовая жыхарка Віцебску. У дачыненні яе завялі крымінальную справу. Ці мелі надпісы пратэставы характар, не паведамляецца.
Два з паловай гады «хіміі» – за абразу двух супрацоўнікаў МУС у «Аднакласніках»
5 лістапада суд Першамайскага раёну Віцебску вынес рашэнне ў справе, распачатай паводле арт. 369 КК («Абраза прадстаўніка ўлады») у дачыненні да 41-гадовага цесляра аднаго з менскіх будтрэстаў Аляксандра Сафонава. За абразлівыя каментары пад допісамі Вольгі Карач у «Аднакласніках» суддзя Алена Жук прыгаварыла Сафонава да двух з паловай гадоў абмежавання волі – «хіміі».
Актывіст з Віцебску Алег Паўлаў працягвае бараніць свае правы ў Камітэце ААН па правах чалавека
15 студзеня 2020 года пастановай суду Чыгуначнага раёну Віцебску Алег Паўлаў быў прызнаны вінаватым у парушэнні ўстаноўленага парадку правядзення пікетавання і таму падвергнуты адміністрацыйнаму спагнанню ў выглядзе штрафа ў памеры 675 рублёў. Цяпер грамадзянскі актывіст дамагаецца праз КПЧ, каб на міжнародным узроўні было прызнанае парушаным ягонае права на свабоду слова і на ўдзел у мірных сходах.
У Віцебску судзілі Евангельскую Царкву – за гуманітарную дапамогу для інвалідаў
Cуд Кастрычніцкага раёну Віцебску 4 лістапада разгледзеў адміністрацыйную справу ў дачыненні да Евангельскай Царквы з Новалукомля. Віцебская мытня, якая ініцыявала разбор, палічыла, што яе прадстаўнікі няправільна ўказалі гандлёвую марку некаторых тавараў і хацелі прыцягнуць абшчыну да адказнасці па ч.3 арт. 15.5 КаАП («Падаванне недакладных звестак аб таварах»). Суддзя спрабаваў дабіцца ад мытнікаў, якая розніца ў назвах гандлёвых марак, калі гуманітарная дапамога не абкладаецца мытнымі пошлінамі.
Беларуску Яну Пінчук затрымалі ў Пецярбургу – нібыта адміністравала канал «Віцебск 97»
03 лістапада Васілевостраўскі суд гораду Пецярбургу арыштаваў да 10 снежня грамадзянку Беларусі Яну Пінчук. У Беларусі супраць яе распачатая крымінальная справа паводле ч. 3 арт. 130 КК РБ («Распальванне расавай, нацыянальнай, рэлігійнай або іншай сацыяльнай варожасці») і ч. 1 арт. 361-1 («Стварэнне экстрэмісцкага фармавання»). Калі яе дэпартуюць, то ў Беларусі ёй пагражае да 12 год няволі.