Вольгу Брыцікаву асудзілі ўжо пяты раз запар, яна будзе сядзець як мінімум 75 сутак
27 красавіка ў судзе Наваполацка пяты раз запар асудзілі старшыню незалежнага прафсаюза «Нафтан» Вольгу Брыцікаву, якую затрымалі яшчэ 27 лютага. Справу разглядала сумнавядомая мясцовая суддзя Зінаіда Балаболава, піша «Вясна».
Актывісту з Оршы прывсудзілі 3 гады хатняй “хіміі” за абразу Лукашэнкі і Караева
26 красавіка суд Аршанскага раёна і горада Оршы вынес прысуд мясцоваму жыхару Андрэю Антаневічу. Яго абвінавацілі ў абразе прэзідэнта (ч.1 арт. 368 Крымінальнага кодэкса) і абразе прадстаўніка ўлады (арт. 369 Крымінальнага кодэкса). Справу разглядаў суддзя Дзмітрый Разумовіч.
27 красавіка зноў будуць судзіць Вольгу Брыцікаву
Кіраўніца незалежнага прафсаюзу на «Нафтане» ужо 2 месяцы знаходзіцца за кратамі: яна адбывае ўжо 4-ты арышт на 15 сутак. Сябры збіраліся сустракаць яе на волі 28 красавіка, аднак стала вядома, што Вольгу Брыцікаву чакае пяты суд запар. Што стала падставай для новай справы, пакуль не вядома.
Мітынг, прысвечаны гадавіне з дня катастрофы на Чарнобыльскай АЭС, прайшоў у Віцебску
У Свята-Успенскім кафедральным саборы Віцебска прайшоў жалобны мітынг, прысвечаны 36-й гадавіне з дня катастрофы на Чарнобыльскай атамнай электрастанцыі. На імпрэзу прыйшло ўсяго 5 ліквідатараў наступстваў аварыі на Чарнобальскай атамнай станцыі.
Міліцыянты затрымалі Барыса Хамайду, але не змаглі давесці, што ён ладзіў пікет
Чатыры гадзіны самы вядомы віцебскі апазіцыянер быў вымушаны правесці ў аддзеле міліцыі Чыгуначнага раёну. Яго затрымалі каля «сіняга дому» нібыта за несанкцыянаванае пікетаванне, аднак ніякіх атрыбутаў «пікету» пры ім не было – толькі беларускамоўныя кнігі, якія ён распаўсюджвае на працягу апошніх месяцаў. У выніку спадара Хамайду адпусцілі без пратаколу, але з папярэджаннем, што наступнае затрыманне можа скончыцца для яго крымінальнай справай.
Як сябра «Вясны» праваабаронца Леанід Судаленка адбывае пакараньне ў калёніі «Віцьба-3»
У лістападзе 2021 года суд прызнаў Судаленку вінаватым у «арганізацыі масавых беспарадкаў» (артыкул 342 Крымінальнага кодэксу). А таксама што ён дапамагаў затрыманым на пратэстах у 2020 годзе беларусам плаціць штрафы. Таксама ўлады вінавацілі Леанід у дапамазе людзям складаць скаргі, падтрымліваў іх. Адміністрацыя віцебскай калёніі чыніць рэпрэсіі ў дачыненні да праваабаронцы: не дапускаюць да праваабаронцы адваката, не аддаюць лісты нават ад блізкіх людзей.
Звольнены мастацкі кіраўнік тэатру імя Якуба Коласа Міхаіл Краснабаеў
Менавіта ён паставіў спектакль «Ціль», які быў забаронены адразу пасля прэм’еры 21 лістапада мінулага году. Неўзабаве пасля прэм’еры, 1 снежня мінулага году быў звольнены дырэктар тэатру Аляксандр Старых, а ў пачатку гэтага году пасады ў тэатры страцілі акторы Юлія Крашэўская і Арцём Герак. Цяпер падышоў да сканчэння працоўны кантракт з Міхаілам Краснабаевым, і яго не працягнулі. У тэатры лічаць, што шэраг звальненняў наўпрост звязаны з тым, што спектакль «Ціль» не ўпадабала высокае начальства – за тое, што са сцэны прагучалі словы «Жыве Фландрыя!», а ў якасці дэталяў касцюмаў былі выкарыстаны белыя і чырвоныя стужкі.
Кафкіянскія абвінавачванні ў адрас супрацоўнікаў «Вясны» напярэдадні яе 26-й гадавіны
У Мінскім гарадскім судзе пачынаюцца слуханні па справе супрацоўніцы «Вясны» Марфы Рабковай і валанцёра арганізацыі Андрэя Чапюка. Абвінавачванні ў дачыненні да іх палітычна матываваныя, палітвязням пагражае да 20 гадоў і 8 гадоў пазбаўлення волі адпаведна. Судовыя разгляды адбываюцца напярэдадні 26-й гадавіны заснавання праваабарончага цэнтру, ва ўмовах надзвычай жорсткіх рэпрэсій у Беларусі. Арганізацыі, што падпісалі зварот, яшчэ раз заяўляюць пра поўную падтрымку «Вясны» і заклікаюць да неадкладнага і безумоўнага вызвалення ўсіх яе сябраў, а таксама ўсіх адвольна зняволеных у беларускіх турмах праваабаронцаў.
У Віцебску распачаўся суд за «экстрэмісцкія» перфомансы і відэаролікі
У судзе Віцебскага раёну 25 красавіка распачаўся разбор крымінальнай справы, ініцыяванай супраць чатырох жыхароў Віцебску – Ірыны Пярцовай, Арцёма Латышава, Кацярыны Макарэвіч і Юліі Лабуновай. Іх абвінавачваюць па трох артыкулах Крымінальнага кодэксу: ч.2 арт. 339 (злоснае хуліганства), ч.1 арт. 342 (актыўны ўдзел у групавых дзеяннях, якія груба парушаюць грамадскі парадак), арт. 341 (псаванне маёмасці ў іншых грамадскіх месцах пры адсутнасці прыкмет больш цяжкага злачынства). Усе чацвёра віцяблянаў былі затрыманыя ў верасні 2021 года, 7 месяцаў у чаканні суду яны правялі ў Віцебскім СІЗА. У лістападзе 2021 году праваабарончая супольнасць прызнала іх палітвязнямі.
Год гістарычнай памяці на Пастаўшчыне: на «лабірынты» грошай хапае, на ўпарадкаванне могілак – не
Юнькаўскі сельвыканкам (Пастаўскі раён) абвясціў збор сродкаў на фарбу для плоту і новую браму на могілках. Супрацоўнікі сельвыканкаму абвясцілі сход грамадскасці 1 траўня – з разлікам на тое, што жыхары Юнькаў напярэдадні Радаўніцы прыйдуць прыбіраць пахаванні сваіх родных.