На ўраджэнца Оршы, вядомага спартоўца, блогера-мільённіка Улада Белавусава завялі справу за ўдзел у пратэстах
Пра гэта стала вядома з «пакаяннага відэа» апублікаванага ГУБАЗіКам, дзе спартовец кажа, што « удзельнічаў у пратэстах», «дзяліўся інфармацыяй з тэлеграм-каналаў» і «пакрыўдзіў сілавікоў». А сілавікі дзякуюць «неабыякавым падпісантам» за тое, што яны «злілі» ім старыя відэа хлопца, на якіх ён удзельнічае ў пратэстах у 2020 годзе. Мяркуючы па паведамленні сілавікоў, супраць Белавусава заведзеная крымінальная справа па арт. 342 КК РБ (Арганізацыя і падрыхтоўка дзеянняў, якія груба парушаюць грамадскі парадак».
«Витебские вести» друкуюць артыкулы пра пакараных за абразы прадстаўнікоў улады. Але прозвішчаў асуджаных не называюць
Адзін за адным, з перыядычнасцю два разы на месяц на сайце дзяржаўнай газеты «Витебские вести» з’яўляюцца артыкулы пра тых, хто «в деструктивных телеграмм-каналах оставлял оскорбительные комментарии в адрес представителей органов власти, в чем теперь горько раскаивается». Імёны і прозвішчы «раскаяўшыхся» чамусьці не паведамляюцца, а з асабістых дадзеных журналіст Яўген Карпас - адзіны аўтар падобных артыкулаў - называе толькі ўзрост асуджаных.
Віцебскі губазікавец дзевяць месяцаў быў у камандзе Чорнай кнігі Беларусі і нейкі час ёю кіраваў
Чорная кніга Беларусі — ініцыятыва па апублічванні даных тых, хто датычны да рэпрэсій. За перадачу звестак ёй затрымалі нямала людзей. Выявілася, дзевяць месяцаў там працаваў губазікавец — у нейкі час яму нават даверылі кіраваць ініцыятывай. Трывожныя званочкі былі амаль адразу, як з'явіўся гэты Артур Гайко, аднак на іх заплюшчвалі вочы. Гісторыю агента расказаў Белсат.
Камітэце ААН па правах чалавека абараніў правы Юрыя Бельскага, які памёр у 2021 годзе
Камітэт 17 траўня разгледзеў зварот №2766/2016 праваабаронцы з Полацку Юрыя Бельскага. У сваім рашэнні Камітэт пацвердзіў пазіцыю актывіста аб тым, што беларускія ўлады парушылі яго свабоду публічна выказваць свае меркаванні і права праводзіць масавае мерапрыемства. Нажаль, Юры не дачакаўся гэтай падзеі, бо памёр 19 чэрвеня 2021 года.
Старшыня віцебскага абласнога Савета дэпутатаў прапанаваў праводзіць асобныя «Дажынкі» для навучальных устаноў
Пакуль ідэалагічныя святкаванні праводзяцца толькі для працаўнікоў сельскай гаспадаркі, прычым на Віцебшчыне – у самым розным маштабе. Сёлета прайшлі абласныя «Дажынкі» у Глыбокім, раённыя – у шэрагу райцэнтраў, і нават рэгіянальныя – у асобных аграгарадках і вёсках. Традыцыйна на падобных святах рапартуюць пра дасягненні працаўнікоў сяла, нават калі гэтыя дасягненні ўяўныя. І ўдаюць весялосць на фоне абсалютна невясёлых тэндэнцый падвышэння коштаў на прадукты харчавання і вырабы прамысловасці.
Віцяблянку Яну Пінчук прызналі палітзняволенай
Праваабарончая супольнасць Беларусі ўключыла ў пералік палітычных зняволеных ураджэнку Віцебску Яну Пінчук, якую вінавацяць у паклёпе, незаконных дзеяннях з персанальнымі дадзенымі, распальванні сацыяльнай варожасці і варажнечы, стварэнні і кіраўніцтве экстрэмісцкім фармаваннем, заклікам да абмежавальных мер (санкцый). Зараз дзяўчыну ўтрымліваюць у віцебскім СІЗА-2, у верасні Яну Пінчук дэпартавалі з Расеі насуперак закліку Камітэту па правах чалавека ААН абараніць дзяўчыну ад пераследу ў Беларусі.
Эколагі: існуе небяспека забруджвання крыніц пітной вады рэчывамі з жывёламагільніка
Віцебскія экаактывісты заклікаюць улады прадухіліць пранікненне прадуктаў жывёламагільніка ў пітныя воды ў в. Доўжа Віцебскага раёна, якое можа ўзнікнуць пры будаўніцтве завода па вытворчасці вакцын. Праз збор подпісаў яны патрабуюць правесці паўнавартасную экалагічную экспертызу забруджвання вод пры вытворчасці землеўпарадкавальных прац. Зварот да ўладаў падпісала ўжо больш за 50 чалавек. Далучыцца да петыцыі можна тут.
У Сянне правесці «урок мужнасці» запрасілі байкера, які жыве пад лозунгам «Дзе мы – там Расея»
«Урок мужнасці» для вучняў 6-8 класаў СШ №2 правёў Алег Усціновіч, кіраўнік ваенна-патрыятычнага клуба «Спарта» і адгалінавання байкерскага клубу «Ночные волки». Алег Усціновіч пазіцыянуе сябе як аматара вайсковай гісторыі, у прыватнасці, займаецца вывучэннем падзеяй Вялікай Айчыннай вайны на Сенненшчыне. Але на «уроку мужнасці» ён размаўляў з дзецьмі не толькі пра тагачасныя падзеі, але і пра сітуацыю ва Украіне – з пазіцыі чалавека, які выступае «за аб’яднанне рускіх людзей, каб не было гэтых межаў».
Браслаўская «раёнка» абяцае бонусы арганізацыям, якія змусяць падпісацца сваіх работнікаў
Раённая газета Браслаўская звязда» абвясціла, як падае гэта сайт «раёнкі», беспрэцэдэнтную акцыю пад назовам «Час быць разам». Арганізацыям раёну абяцаюць бясплатнае размяшчэнне віншаванняў, бясплатную рэкламу на старонках газеты і ў сацыяльных сетках, публікаванне бясплатных аб’яваў пра правядзенне «прамых ліній», прыёмаў грамадзян і гэтак далей. І нават бясплатную падрыхтоўку «іміджавых палос» для арганізацый з дубляваннем матэрыялаў у інтэрнэце. Але – з адной умовай.
На Віцебшчыне правялі акцыю «Антынаркатычны аўтобус»
Ініцыятарамі выступілі абласная ўправа МУС, абласное аддзяленне «Беларускага Чырвонага Крыжа» і БРСМ. Сутнасць акцыі палягала ў тым, што пасажырам аднаго з гарадскіх маршрутаў на працягу аднаго рэйсу распавядалі пра шкоду здароўю ад ужывання наркатычных рэчываў і пра крымінальную адказнасць за распаўсюд наркотыкаў.