У пераліку асобаў, “датычных да экстрэмісцкай дзейнасці” – яшчэ адзін віцяблянін
Гэта 36-гадовы Дзмітрый Касенка, асуджаны Віцебскім абласным сдом па ч.2 арт.361-3 Крымінальнага Кодэкса РБ ( Удзел на тэрыторыі замежнай дзяржавы ва ўзброеным фармаванні або ва ўзброеным канфлікце, вайнных дзеяннях, вярбоўка або падрыхтоўка іншых асобаў да такога ўдзелу).
Наваполацкая пракуратура распачала крымінальную справу супраць журналісткі Ірыны Халіп. Па “экстрэмісцкім” артыкуле
З гэтай нагоды ў мінскай кватэры яе бацькоў сілавікі правялі ператрус і дапыталі яе 89-гадовую маці. “В Новополоцке я была два раза в жизни — приезжала на свидание к мужу в колонию. Больше никаких воспоминаний о Новополоцке у меня нет”, - напісала журналістка на сваёй старонцы ў Facebook.
У Глыбокім хочуць паставіць памятны знак “17 верасня”
Мясцовы райвыканкам абвясціў конкурс эскізных праектаў. І хаця ў самой назве памятнага знака фігуруе дата, якая ўжо 4 гады адзначаецца як дзяржаўнае свята “Дзень народнага адзінства”, гісторыка-ідэалагічны пасыл мясцовых уладаў звязаны не з уз’яднаннем заходняй і усходняй частак Беларусі. 17 верасня 1939 г. Чырвоная армія ўвайшла ў заходнюю Беларусь, што прывяло да далучэння гэтых тэрыторый да БССР. Але Глыбоцкі райвыканкам праводзіць конкурс “з мэтай захавання гістарычнай памяці ў дачыненні да беларускага народа, раздзеленага ў 1921 годзе паводле ўмоваў Рыжскай мірнай дамовы”.
"Экстрэмісцкім" прызнаны яшчэ адзін відэарэсурс праекта ураджэнца Оршы Аляксандра Івуліна
25 лістапада суд Ленінскага раёна Магілёва прызнаў «экстрэмісцкім» TikTok-акаўнт «ЧестнОК-LIVE». Гэта рэсурс аднайменнага праекта, запачаткаванага Аляксандрам Івуліным – спартоўцам, спартовым журналістам, блогерам. 26 лістапада гэты інтэрнет-рэсурс унеслі ў Рэспубліканскі спіс экстрэмісцкіх матэрыялаў.
Віцебскі праваабаронца Павел Левінаў ўключаны ў лонг-ліст намінантаў Прэміі беларускай праваабарончай супольнасці-2025.
Імя і прозвішча Паўла Левінава ўключына ў спісы прэтэндэнтаў на атрыманне прэміі ў двух намінацыях: “Праваабаронца года – 2025” і “Праваабарончая салідарнасць – 2025”.
Мікалай Статкевіч "адбывае тэрмін па прысудзе суда" ?
Такі адказ жонка палітыка і палітвязня Марына Адамовіч атрымала з МУС. Яна звярнулася туды, спрабуючы даведацца пра лёс Мікалая Статкевіча, які адмовіўся пакінуць Беларусь на ўмовах памілавання з наступнай прымусовай дэпартацыяй.
Экс-палітвязня Вячаслава Лазарава выклікаюць у віцебскую службу занятасці
Журналісту-фрылансеру, якога пасля вызвалення з калоніі 11 верасня прымусова вывезлі ў Літву, прапанавана неадкладна з'явіцца для пастаноўкі на ўлік, маючы пры сабе пашпарт, працоўную кніжку, дакументы аб адукацыі і даведку аб вызваленні.
У пералік “экстрэмістаў” на сайце МУС уключылі 49-гадовага жыхара Ушачаў
З інфармацыі на сайце ведамства вынікае, што Мікалай Ганчаронак асуджаны Віцебскім абласным судом і прызнаны вінаватым па трох крымінальных артыкулах: арт. 361-2 КК РБ ( Фінансаванне экстрэмісцкай дзейнасці); арт. 361-4 КК РБ ( Садзейнічанне экстрэмісцкай дзейнасці); арт. 14 КК РБ ( Замах на злачынства).
20 лістапада памілаваны палітзняволены каталіцкі святар Анджэй Юхневіч, пробашч санктуарыя ў Шуміліне
Ён быў асуджаны да 13 гадоў пазбаўлення волі ў калоніі ўзмоцненага рэжыму - суд прызнаў Юхневіча вінаватым па справе аб сексуальных злачынствах супраць непаўналетніх. Святар не прызнаў сябе вінаватым і спрабаваў абскардзіць прысуд.
Аршанскі БРСМ “прыватызаваў” Уладзіміра Караткевіча
Сёлета ў класіка беларускай літаратуры, які нарадзіўся ў Оршы, 95-гадовы юбілей. У шэрагу мерапрыемстваў, якія з гэтай нагоды рыхтуюцца на ягонай малой радзіме, - конкурс чытальнікаў “Бацькаўшчына светлая мая”. Конкурс гэты штогадовы і ўжо традыцыйны, але гэтым разам у арганізатарах – раённая арганізацыя ГА БРСМ. І гэтым шмат што тлумачыцца.