Віцебскі журналіст Уладзімер Жыгулоў атрымаў пастанову са Сьледчага камітэту аб спыненьні справы па факце невядомага зьнікненьня ў 1998 годзе ягонага сына Аляксандра. З пастановы вынікае, што на момант, калі распачыналі справу, “Аляксандар Жыгулоў не зьяўляўся бязь вестак зьніклым, бо загінуў у выніку зьдзейсьненага супраць яго злачынства, прадугледжанага ч. 1 арт. 139 КК РБ (наўмыснае забойства)”.

Жыхары дамоў №7, корпус 1 і корпус 2, што па вуліцы Чкалава, сустрэліся з чыноўнікамі ў Віцебскім аблвыканкаме, каб яшчэ раз агучыць ім свае прэтэнзіі і даведацца, якім чынам улады зьбіраюцца вырашаць праблему пляцоўкі для выгулу сабакаў. Сустрэча адбылася 20 верасьня.

Калі ў кастрычніку 2016 году стваралася каманда, мелі на мэце пераадолець агульны кілямэтраж экватару (40 тыс. км з гакам). Але менш як за год прабеглі ажно 43 тыс. км і пайшлі на другі заход вакол сьвету. Было б і болей, але камандзе бракуе адмысловых бегавых вазкоў для асаблівых дзетак-анёлаў.

Віцебскага доктара-праўдаруба Ігара Пастнова абвінавачвалі ў непадпарадкаваньні супрацоўніку міліцыі (арт. 23.4 КаАП РБ) падчас інцыдэнту 4 верасьня, калі Пастнова гвалтам вывезьлі з будынку сьледчага камітэту на псыхіятрычную экспэртызу ў Навінкі. 15 верасьня судзьдзя Кастрычніцкага раёну Віцебску Ільля Белавус вынес рашэньне скасаваць справу. Падстава – адсутнасьць складу правапарушэньня.

Кухмістар Верашчака, ён жа вядомы гісторык і культуроляг Алесь Белы, прэзэнтаваў 13 верасьня ў Віцебску сваю новую кнігу «Сакатала бочачка» - “праўдзівую гісторыю нашых напояў”. Кніга мае на мэце ня толькі прынесьці асалоду, але й вярнуць беларусам памяць і права на старку, крупнік ды зуброўку. Прэзэнтацыя прайшла ў арт-пабе “Торвальд”.

Праваабаронца Валер Місьнікаў аспрэчваў у абласным судзе рашэньне Першамайскага і Чыгуначнага раённых судоў, якія прысудзілі яго да штрафаў па 10 базавых велічыняў кожны. Прычым за адно і тое ж парушэньне (якое на думку судзьдзяў мела месца), але па розных артыкулах адміністрацыйнага кодэксу. Вэрдыкт аблсуду: па адной са справаў рашэньне пакінуць у сіле, па другой – скасаваць і накіраваць на дапрацоўку.

Сустрэча арганізатараў конкурсу з зацікаўленымі ў рэалізацыі сваіх задумаў адбылася 8 верасьня ў адной з заляў «Арт-прасторы» на Талстога, 7. Але нават калі вы ня трапілі на імпрэзу, да 15 верасьня ўлучна ў вас ёсьць магчымасьць даслаць свой праект на разгляд кампэтэнтнага журы. Па выніках конкурсу будуць адабраныя 4 найлепшыя праекты.

Некаторыя школы ў Віцебску вяртаюцца да больш прыдатнага і звычнага рэжыму працы. Пачынаюць заняткі а 8-й альбо а 8:15 раніцы. Ад 12 верасьня на леташні расклад пераходзяць, напрыклад, СШ №14 ды гімназія №5 гораду Віцебску. З 1-га верасьня заняткі ў гэтых навучальных ўстановах пачыналіся з 9:00.

7 верасьня ў Першамайскім раённым судзе Віцебску пачаўся разбор справы паводле артыкулу 178, ч. 1 Крымінальнага Кодэксу РБ, які прадугледжвае пакараньне за раскрыцьцё лекарскай таямніцы. Прыватным абвінаваўцам выступіў віцебскі праваабаронца, сябра Беларускага Хэльсынскага Камітэту Павал Левінаў.

Героем нашага чарговага матэрыялу пра ўмовы ўтрыманьня ў ізалятарах часовага ўтрыманьня Віцебскай вобласьці стаў актывіст партыі БНФ з Гарадка Леанід Аўтухоў. Апазыцыянэр браў актыўны ўдзел у сьвяткаваньні Дня Волі ў абласным цэнтры 25 сакавіка, за што быў пакараны 15-цю суткамі адміністрацыйнага арышту паводле артыкулу 23.34 КаАП (парушэньне парадку арганізацыі ці правядзеньня масавага мерапрыемства).