Праваабаронца зь Віцебску Павал Левінаў патрабаваў ад Міністэрства ўнутраных спраў (МУС) узмацніць меры бясьпекі ў месцах пазбаўленьня волі ў сувязі з распаўсюдам каронавірусу. Дэпартамэнт выкананьня пакараньняў МУС РБ паабяцаў прыняць да ведама прапановы праваабаронцы.

Апублікавана ў Пэнітэнцыярная сыстэма

«Улічваючы, што дагэтуль ня вынайдзеныя эфэктыўныя лекі ад каронавірусу, а лячэньне праводзіцца як пры ВРВІ, просім спрасьціць працэдуру перадачы лекавых сродкаў у месцы пазбаўленьня волі», – гаворыцца ў пэтыцыі, апублікаванай на сайце «Зручны горад».

Апублікавана ў Пэнітэнцыярная сыстэма

Катаваньні, жорсткае, бесчалавечнае і зьневажальнае абыходжаньне са зьняволенымі – з гэтым можна змагацца! Праваабарончы цэнтар “Вясна” прадстаўляе чарговы матэрыял у межах мультымэдыйнага праекту #БезПраваНаРасправу.

Апублікавана ў Пэнітэнцыярная сыстэма

Як пэнітэнцыярная сыстэма Беларусі ламае няўгодных вязьняў: пагрозы, правакацыі, расправы. Між тым, грамадзкая назіральная камісія (ГНК) заяўляе, што ўсё ў парадку, скаргаў няма... Яшчэ адна жудасная гісторыя, якая распавядаецца ў межах мультымэдыяпраекту ПЦ “Вясна” #БезПраваНаРасправу.

Апублікавана ў Палітвязьні

Маці асуджанага на 5 гадоў добраахвотніка ўкраінскага корпусу АТА Тараса Аватарава, які паведаміў у паштоўцы пра пагрозы жыцьцю, 14 сьнежня дамаглася сустрэчы з адміністрацыяй калёніі “Віцьба-3”. Яна хацела даведацца пра сапраўдны стан здароўя сына. Ёй паведамілі, што Тарас Аватараў скаргаў на здароўе ня мае і яму ніхто не пагражае.

Апублікавана ў Пэнітэнцыярная сыстэма

З прапановай узяць на сябе абавязак апекавацца іншаземцамі, якія знаходзяцца ў вязьніцах Беларусі, зьвярнуўся ў рэспубліканскі Чырвоны Крыж віцебскі праваабаронца Леанід Сьвецік. І атрымаў дзіўны адказ за подпісам намесьніцы генэральнага сакратара арганізацыі Раманіі Скамарошкі. Яна паведаміла, якімі законамі кіруецца Беларускае Таварыства Чырвонага Крыжа, якая дзяржаўная структура выконвае функцыі ў сфэры выкананьня і адбыцьця пакараньняў, але ні слова не напісала па сутнасьці прапановы.

Апублікавана ў Пэнітэнцыярная сыстэма

«Гэтае месца завецца «папраўчая калёнія», але насамрэч гэта ня так. Гэтае месца забівае чалавечую душу і спараджае злосьць сярод вязьняў», – напісаў пра ПК № 3 жыхар Лёндану Алан Сьміт начальніку Дэпартамэнту выкананьня пакараньняў МУС Алегу Маткіну.

Апублікавана ў Пэнітэнцыярная сыстэма

Як стала вядома Праваабарончаму цэнтру “Вясна”, 16 лістапада скончыўся 5-сутачны тэрмін зьмяшчэньня ў ШЫЗА палітвязьня Міхаіла Жамчужнага. Гэта ўжо 11-е спагнаньне, якое асуджаны атрымаў з пачатку жніўня бягучага году ад адміністрацыі калёніі №9 (г. Горкі). Імаверна, зараз будзе вынесенае чарговае.

Апублікавана ў Палітвязьні

Адвакат Міхаіла Жамчужнага прыехаў 13 ліпеня да свайго падабароннага на плянаванае спатканьне ў папраўчую калёнію №11 у Ваўкавыску, дзе палітвязень утрымліваўся з красавіка бягучага году пасьля пераводу з калёніі ў Навасадах. Нечакана высьветлілася, што Жамчужнага ў калёніі няма. Прадстаўнік адміністрацыі паведаміў абаронцу, што з 10 ліпеня палітвязень пераведзены ў калёнію №9, якая знаходзіцца ў Горках.

Апублікавана ў Палітвязьні

У мэтах аптымізацыі структуры крымінальна-выканаўчай сыстэмы МУС у Наваполацку ліквідуюць лячэбна-працоўны прафілякторый №8 і створаць на яго базе папраўчую калёнію №1. Адпаведны ўказ №223 апублікаваны на Нацыянальным прававым інтэрнэт-партале.

Апублікавана ў Пэнітэнцыярная сыстэма