Суддзя суда Першамайскага раёна Віцебска Міхаіл Юрчанка 29 студзеня прызнаў вінаватым Дзмітрыя Палякова ў абразе прадстаўнікоў ўлады ў сувязі з выкананнем імі службовых абавязкаў, і на падставе арт.369 КК прызначыў мужчыну пакаранне ў выглядзе пазбаўлення волі на тэрмін у 1,5 года з адбываннем пакарання ў папраўчым калоніі ва ўмовах агульнага рэжыму са штрафам у памеры 4000 рублёў. Акрамя таго, Зміцер павінен выплаціць кампенсацыю маральнай шкоды на карысць траіх пацярпелых міліцыянтаў на агульную суму 5500 рублёў.

Памочнік начальніка Глыбоцкага аддзела Дэпартамента аховы Міністэрства ўнутраных спраў па ідэалагічнай рабоце і кадравым забеспячэнні Сяргей Напорка напісаў пра гэта ў раённай газеце “Веснік Глыбоччыны”.

Суддзя суда Міёрскага раёна Ірына Яскевіч 27 сакавіка мінулага года за распаўсюд у сацыяльнай сетцы «экстрэмісцкіх» публікацый аштрафавала на 555 рублёў медыцынскую сястру Міёрскай цэнтральнай раённай бальніцы Таццяну Грыгор'еву.

Пасля рэгістрацыі канкурэнцыя скарацілася да 1,8 прэтэндэнта на мандат гарсавета, г.зн. у васьмі акругах у выбаршчыкаў пазбавілі права на альтэрнаціву. Паказальна, што без канкурэнцыі ў гарсавет сабраліся цяперашні яго старшыня Уладзімір Бялевіч і намеснік старшыні гарвыканкама Віктар Глушын. Ад мясцовых аддзяленняў партый вылучаны 33 кандыдаты ў дэпутаты (амаль 46% ад іх агульнай колькасці прэтэндэнтаў). На чарговы тэрмін гатовы абірацца дзесяць дзеючых дэпутатаў гарсавета.

Найстарэйшы віцебскі грамадскі актывіст два дні прывёў у віцебскім ІЧУ, бо ў ягоным тэлефоне знайшлі падпіскі на «экстрэмісцкія» інтэрнэт-рэсурсы. Выглядае, што падпісацца на іх Барыс Хамайда здолеў нейкім неверагодным чынам – якраз тады, калі 23 студзеня да яго прыйшлі з ператрусам і забралі тэлефон. Пра гэта ён распавёў на сваёй старонцы ў Фэйсбуку. А таксама і пра суд, які так і не адбыўся 25 студзеня.

Суддзя суда Кастрычніцкага раёна Віцебска Аліса Догіль 14 снежня 2023 года адмовілася задаволіць грамадзянскі пазоў прадпрымальніка Льва Гоза ў дачыненні да работніка міліцыі Арцёма Янкоўскага аб кампенсацыі ім маральнай шкоды за антысеміцкія выказванні «сілавіка». Пацярпелы, за прычыненне наўмыснага знявагі гонару і годнасці, выяўленага ў непрыстойнай форме, прасіў суд спагнаць з крыўдзіцеля 10 тысяч рублёў.

Віцебскага актывіста і культурнага мэнэджара Булаўскага 26 траўня 2023 года суд пакараў двумя гадамі калоніі ва ўмовах агульнага рэжыму паводле арт. 342-2 КК (Неаднаразовае парушэнне парадку арганізацыі або правядзення масавых мерапрыемстваў). У чэрвені, таго ж года, улады ўнеслі палітвязня ў "спіс экстрэмістаў". Зараз ён адбывае крымінальны прысуд ў бабруйскай калёніі №2.

На Тэлеграм-канале “Северная столица” апошнім часам пачалі з’яўляцца агітацыйная відэаролікі з заклікамі пакаяцца за данаты “экстрэмісцкім арганізацыям”, у якіх фігуруюць асобы са схаванымі тварамі. Пад відэазапіс гэтыя людзі каюцца ў зробленым і расказваюць, што “добраахвотна”, “каб загладзіць сваю віну”, пералічваюць грошы віцебскаму дзіцячаму дому. Стваральнікі відэаролікаў сцвярджаюць, што добраахвотная яўка да сілавікоў у сукупнасці з пакаяльным відэа і пералічваннем сродкаў “ у якасці прабачэння” гарантуюць грамадзянам “свабоду і чыстае сумленне”. Што тут не так?

Суддзя суда Наваполацка Зінаіда Балаболава 12 снежня за падпіску на «экстрэмісцкую» публікацыю ў сацыяльнай сетцы арыштавала на 15 сутак Алега Шырокага.

Паводле звестак сацыялагічных анлайн-апытанняў, праведзеных Віцебскім аддзяленнем Беларускага інстытута стратэгічных даследаванняў (БІСД) у 2023 годзе, жыхароў вобласці за апошнія два гады стала больш занепакоіць справы ў эканоміцы і сацыяльныя праблемамі. Усе палітычныя падзеі, у тым ліку рэферэндум па змяненні Канстытуцыі краіны, не былі хоць неяк значнымі для жыхароў рэгіёну, а на дзяржаўныя ідэалагічныя кампаніі людзі проста не звяртаюць увагі.